Exodo 32:9

Ang Biblia 2011

Ang Ginoo miingon kang Moises, “Nakita nako kining katawhan, ug kini usa ka katawhan nga tikig ug liog.

Cross References

2 Mga Hari 17:14

Apan wala sila mamati ug nagpagahi hinuon sa ilang mga ulo sama sa ilang katigulangan nga wala motuo sa Ginoo nga ilang Dios.

2 Cronicas 30:8

Ayaw na kamo karon pagpatikig sa inyong liog sama sa inyong mga katigulangan kondili itugyan ninyo ang inyong kaugalingon ngadto sa Ginoo ug pangadto kamo sa iyang balaan nga puluy-anan nga iyang gibalaan hangtod sa kahangtoran, ug alagari ang Ginoo nga inyong Dios aron ang iyang bangis nga kasuko mopalayo gikan kaninyo.

Nehemias 9:16

“Apan sila ug ang among mga katigulangan nagmapagarbohon ug nagpatikig sa ilang liog ug wala mamati sa imong mga sugo.

Nehemias 9:17

Nagdumili sila sa pagsugot, ug wala maghunahuna sa mga katingalahan nga imong gihimo taliwala kanila, apan gipatikig nila ang ilang liog ug nagtudlo ug usa ka pangulo aron sa pagbalik ngadto sa ilang pagkaulipon sa Ehipto. Apan ikaw usa ka Dios nga andam sa pagpasaylo, mapuangoron ug maluluy-on, hinay sa pagkasuko ug madagayaon sa gugmang walay paglubad ug wala mobiya kanila.

Salmo 78:8

ug dili unta sila mahisama sa ilang mga katigulangan, usa ka sukihan ug masinupakon nga kaliwatan, usa ka kaliwatan nga ang kasingkasing dili mahimutang, nga ang espiritu wala magmatinumanon sa Dios.

Exodo 33:3

Lakaw ngadto sa yuta diin nag-agas ang gatas ug dugos apan ako dili motungas uban kaninyo kay tingali unya ug puohon ko kamo diha sa dalan, kay kamo katawhan nga tikig ug liog.”

Exodo 33:5

Kay ang Ginoo miingon kang Moises, “Sultihi ang katawhan sa Israel, ‘Kamo katawhan nga tikig ug liog. Kon sa makadiyot motungas ako uban kaninyo, puohon ko gayod kamo. Busa karon tangtanga ang inyong mga alahas gikan kaninyo aron ako mahibalo sa akong buhaton kaninyo.’ ”

Exodo 34:9

Siya miingon, “Kon karon nakakaplag ako ug kahimuot diha sa imong panan-aw, O Ginoo, paubana ang Ginoo kanamo bisan ug kini nga katawhan tikig ug liog ug pasayloa ang among pagkadaotan ug ang among sala, ug dawata kami ingon nga imong panulundon.”

Mga Panultihon 29:1

Siya nga kanunay gibadlong apan nagpatikig sa iyang liog, kalit nga laglagon nga dili na maayo.

Isaias 48:4

Tungod kay ako nasayod nga ikaw gahi ug ulo, ug ang imong liog ingon ka tikig sa puthaw, ug ang imong agtang bronsi.

Jeremias 13:27

Nakita nako ang imong mga dulumtanan, ang imong mga pagpanapaw ug ang imong mga pagbahihi, ang kalaw-ay sa imong pagpakighilawas, diha sa mga bungtod sa kaumahan. Alaot ikaw, O Jerusalem! Unsa ba ka dugay hangtod nga ikaw mahimo nga hinlo?”

Oseas 6:10

Sa balay sa Israel akong nakita ang usa ka makalilisang nga butang, atua didto ang pagpakighilawas sa Efraim, ang Israel nahugawan.

Numeros 14:11

Ug ang Ginoo miingon kang Moises, “Hangtod kanus-a ba nga magtamay kanako kining mga tawhana? Ug hangtod kanus-a ba nga sila dili motuo kanako bisan sa tanang mga ilhanan nga akong gibuhat sa taliwala nila?

Mga Buhat 7:51

“Kamong mga tikig ug liog ug mga gahi ug kasingkasing ug mga dalunggan, kanunay gayod kamong mosupak sa Espiritu Santo. Ingon sa gibuhat sa inyong mga katigulangan, mao usab ang inyong gibuhat.

Deuteronomio 10:16

Busa putlia ninyo ang inyong mga kasingkasing ug ayaw na kamo pagpagahi.

Deuteronomio 31:27

Kay nahibalo ako kon unsa kamo ka masupilon ug ka gahi ug ulo. Tan-awa, samtang ako buhi pa uban kaninyo karong adlawa, nagmasupilon kamo batok sa Ginoo; unsa pa kaha human sa akong kamatayon!

Deuteronomio 9:13

“Dugang pa, ang Ginoo miingon kanako, ‘Nakita nako kining katawhan ug tan-awa, kini usa ka katawhan nga gahi ug ulo.

Deuteronomio 9:6

“Busa hibaloi nga ang Ginoo nga inyong Dios wala maghatag kaninyo niining maayong yuta aron inyong mapanag-iya tungod sa inyong pagkamatarong kay kamo gahi ug ulo nga katawhan.