Exodo 32:5

Ang Biblia 2011

Sa pagkakita ni Aaron niini, nagtukod siya ug usa ka halaran sa atubangan niini ug si Aaron mipahibalo, ug miingon, “Ugma mao ang kasaulogan ngadto sa Ginoo.”

Cross References

1 Mga Hari 21:9

Ug siya miingon diha sa mga sulat, “Ipahibalo ang usa ka pagpuasa ug ipahimutang si Nabot ibabaw taliwala sa katawhan

2 Mga Hari 10:20

Ug si Jehu misugo, “Himoa ang usa ka balaan nga panagtigom alang kang Baal.” Busa ila kining gipahibalo.

2 Mga Hari 16:11

Ug gitukod ni Urias nga pari ang usa ka halaran, sumala sa tanang gipadala ni Hari Ahas gikan sa Damasco. Busa gihimo kini ni Urias nga pari sa wala pa moabot si Hari Ahas gikan sa Damasco.

2 Cronicas 30:5

Busa sila nagsugo sa paghimo ug pagpahibalo sa tibuok Israel, sukad sa Beer-seba hangtod sa Dan, nga ang katawhan moadto aron sa pagtuman sa Pagsaylo alang sa Ginoo, ang Dios sa Israel, didto sa Jerusalem kay wala sila magtuman niini sa igong gidaghanon sumala sa gimando.

Exodo 10:9

Si Moises miingon, “Manglakaw kami uban ang among mga bata ug mga tigulang. Manglakaw kami uban ang among mga anak nga lalaki ug mga anak nga babaye, uban ang among mga panon sa mga karnero ug sa baka kay kinahanglan nga maghimo kami ug kasaulogan alang sa Ginoo.”

Exodo 12:14

“Kining adlawa mahimong usa ka handomanan alang kaninyo, ug himoon ninyo kini ingon nga kasaulogan alang sa Ginoo. Sa tanan ninyong kaliwatan saulogon ninyo kini ingon nga tulumanon hangtod sa kahangtoran.

Exodo 17:15

Ug si Moises nagpatindog ug usa ka halaran ug iya kining ginganlan ug “Ang Ginoo mao ang akong bandila.”

Exodo 32:4

Ug iyang gidawat ang bulawan sa ilang mga kamot, ug gikulit niya kini pinaagi sa usa ka kahimanan sa pagkulit ug naghimo ug usa ka nating baka nga tinunaw. Ug sila miingon, “Kini mao ang imong mga dios, O Israel, nga nagkuha kanimo gikan sa yuta sa Ehipto!”

Exodo 32:6

Ug misayo sila pagmata sa pagkasunod adlaw ug naghalad ug mga halad nga sunogon ug nagdala sila ug mga halad sa pakigdait. Ug nanglingkod ang katawhan aron sa pagkaon ug sa pag-inom ug nanindog sila aron sa pagdula.

Oseas 8:11

Tungod kay ang Efraim nagpadaghan sa mga halaran alang sa pagpakasala, kini alang kaniya nahimo nga mga halaran alang sa pagpakasala.

Oseas 8:14

Ang Israel nalimot sa iyang Magbubuhat ug nagtukod ug mga palasyo; ug ang Juda nagpadaghan sa mga siyudad nga kinutaan, apan magpadala ako ug kalayo nganha sa iyang mga siyudad, ug kini maglamoy sa mga salipdanan niini.

Levitico 23:2

“Sultihi ang katawhan sa Israel: Ang gitakda nga mga kasaulogan sa Ginoo nga inyong ipahibalo ingon nga balaan nga mga panagtigom, ang akong mga kasaulogan nga gitakda mao kini.

Levitico 23:21

Himoa ninyo ang pagpahibalo nianang adlawa, paghimo kamo ug usa ka balaan nga panagtigom. Dili kamo magbuhat ug bug-at nga buluhaton. Kini usa ka lagda hangtod sa kahangtoran diha sa tanan ninyong mga puluy-anan hangtod sa tanan ninyong kaliwatan.

Levitico 23:37

“Kini mao ang mga kasaulogan nga gitakda sa Ginoo, nga inyong ipahibalo ingon nga mga panahon sa balaang panagtigom aron sa paghalad ug halad pinaagi sa kalayo alang sa Ginoo, mga halad nga sunogon ug mga halad nga pagkaon, mga inihaw ug mga halad nga ilimnon, ang matag usa sa gitakda nga adlaw niini.

Levitico 23:4

“Kini mao ang gitakda nga mga kasaulogan sa Ginoo, ang mga panagtigom nga balaan nga ipahibalo ninyo sa panahon nga gitakda kini.

1 Mga Taga-Corinto 5:8

Busa himoon nato ang kasaulogan, dili pinaagi sa daan nga patubo, dili pinaagi sa patubo nga mao ang pagkangil-ad ug pagkadaotan, kondili pinaagi sa walay patubo nga pan sa pagkamatinud-anon ug sa kamatuoran.

1 Samuel 14:35

Ug si Saul naghimo ug usa ka halaran sa Ginoo ug mao kadto ang unang halaran nga iyang gitukod alang sa Ginoo.