Exodo 32:4

Ang Biblia 2011

Ug iyang gidawat ang bulawan sa ilang mga kamot, ug gikulit niya kini pinaagi sa usa ka kahimanan sa pagkulit ug naghimo ug usa ka nating baka nga tinunaw. Ug sila miingon, “Kini mao ang imong mga dios, O Israel, nga nagkuha kanimo gikan sa yuta sa Ehipto!”

Cross References

1 Mga Hari 12:28

Tungod niini ang hari nagpakitambag ug naghimo ug duha ka nating baka nga bulawan ug siya miingon ngadto sa mga tawo, “Igo na ang inyong pagtungas ngadto sa Jerusalem, tan-awa, ang inyong mga dios, O Israel, nga nagdala kaninyo gikan sa yuta sa Ehipto.”

1 Mga Hari 12:32

Unya si Jeroboam nagtakda ug usa ka kasaulogan sa ikanapulo ug lima nga adlaw sa ikawalo nga bulan, sama sa kasaulogan nga didto sa Juda ug siya naghalad ibabaw sa halaran, sama sa gihimo niya didto sa Betel, naghalad ngadto sa mga nating baka nga iyang gibuhat. Ug iyang gipahimutang sa Betel ang mga pari sa mga habog nga dapit nga iyang gibuhat.

2 Mga Hari 10:20

Ug si Jehu misugo, “Himoa ang usa ka balaan nga panagtigom alang kang Baal.” Busa ila kining gipahibalo.

2 Mga Hari 10:29

Apan wala mobiya si Jehu gikan sa mga sala ni Jeroboam, ang anak ni Nebat, diin gihimo niya nga ang Israel magpakasala sa mga nating baka nga bulawan nga didto sa Betel ug sa Dan.

2 Cronicas 11:15

ug siya nagpili ug iyang kaugalingong mga pari alang sa mga habog nga dapit ug alang sa mga demonyong kanding ug alang sa mga nating baka nga iyang gihimo.

2 Cronicas 13:8

“Ug karon naghunahuna kamo sa pagsukol sa gingharian sa Ginoo nga anaa sa kamot sa mga anak ni David tungod kay kamo dako kaayong panon ug anaa uban kaninyo ang bulawan nga mga nating baka nga gihimo ni Jeroboam alang kaninyo ingon nga mga dios.

Nehemias 9:18

Bisan sa diha nga naghimo sila alang sa ilang kaugalingon ug usa ka tinunaw nga nating baka, ug miingon, ‘Kini mao ang imong Dios nga nagdala kanimo gikan sa Ehipto,’ ug naghimo sa dagkong mga pagpasipala,

Exodo 20:2

“Ako mao ang Ginoo nga inyong Dios nga nagkuha kaninyo gikan sa yuta sa Ehipto, gikan sa dapit sa kaulipnan.

Exodo 20:23

Ayaw kamo pagbuhat ug mga diosdios nga hinimo ug plata uban kanako o magbuhat alang kaninyo ug mga diosdios nga hinimo ug bulawan.

Exodo 20:4

“Ayaw pagbuhat alang kanimo ug usa ka larawan nga kinulit sama sa dagway sa bisan unsang butang nga atua sa langit sa itaas, o nga ania sa yuta sa ilalom, o nga anaa sa tubig sa ilalom sa yuta.

Exodo 28:11

Sama sa tighimo ug alahas nga magkulit ug silyo, kuliti usab ang duha ka bato sa mga ngalan sa mga anak nga lalaki ni Israel ug ipatapot kini sa engaste nga bulawan.

Exodo 28:9

Kinahanglan nga magkuha ka ug duha ka bato nga onyx ug ikulit diha niini ang mga ngalan sa mga anak nga lalaki ni Israel.

Exodo 32:1

Sa diha nga nakita sa katawhan nga si Moises nadugay sa paglugsong gikan sa bukid, ang katawhan nagtigom ngadto kang Aaron ug miingon kaniya, “Dali, buhati kami ug mga dios nga mag-una kanamo, kay mahitungod niining Moises, ang tawo nga nagkuha kanamo gikan sa yuta sa Ehipto, wala kami mahibalo kon unsay nahitabo kaniya.”

Exodo 32:24

Ug ako miingon kanila, ‘Si bisan kinsa nga adunay bulawan, tangtanga ninyo kana.’ Ug ila kining gihatag kanako ug giitsa nako kini sa kalayo ug migula kining nating baka.”

Exodo 32:3

Busa ang tanang katawhan nanangtang sa mga ariyos nga bulawan nga diha sa ilang mga dalunggan ug gidala kini ngadto kang Aaron.

Exodo 32:35

Ug ang Ginoo nagpadala ug katalagman diha ang katawhan kay nagbuhat man sila ug nating baka, ang gibuhat ni Aaron.

Exodo 32:5

Sa pagkakita ni Aaron niini, nagtukod siya ug usa ka halaran sa atubangan niini ug si Aaron mipahibalo, ug miingon, “Ugma mao ang kasaulogan ngadto sa Ginoo.”

Exodo 32:7

Unya ang Ginoo miingon kang Moises, “Lugsong dayon, kay ang imong katawhan, nga imong gikuha gikan sa yuta sa Ehipto, nagpakasala sa ilang kaugalingon.

Exodo 32:8

Dali ra silang misimang gikan sa dalan nga akong gisugo kanila, ug nagbuhat sila alang kanila ug usa ka nating baka nga tinunaw ug misimba sila niini. Naghalad sila niini ug miingon, ‘Kini mao ang imong mga dios, O Israel, nga nagkuha kanimo gikan sa yuta sa Ehipto!’ ”

Isaias 30:22

Unya imong bulingan ang imong kinulit nga mga larawan nga sinapawan ug plata, ug ang imong mga larawan nga tinunaw nga gisapawan ug bulawan. Isalibay nimo kini ingon nga hugaw nga mga butang; ikaw moingon niini, “Pahawa kamo!”

Isaias 46:6

Kadtong nag-usik sa bulawan gikan sa sudlanan sa salapi, ug nagtimbang ug plata sa timbangan, nagsuhol sa usa ka tigsalsal ug bulawan, ug siya naghimo niini nga usa ka dios; unya sila nangyukbo ug nagsimba!

Ezequiel 23:8

Wala niya biyai ang iyang pagkamakihilawason nga iyang gibuhat sukad sa mga adlaw sa Ehipto, kay sa iyang pagkabatan-on, ang mga lalaki midulog kaniya, ug ilang gihapuhap ang iyang ulay nga dughan ug gibubo ang ilang kaulag nganha kaniya.

Oseas 10:5

Ang mga nagpuyo sa Samaria nangalisang tungod sa nating baka sa Bet-aven. Ang katawhan niini magbakho niini, ug ang mga pari didto nga nagsimba ug mga diosdios magminatay tungod niini, tungod sa himaya nga mibiya gikan niini.

Oseas 13:2

Ug karon nagdugang ang ilang pagpakasala ug naghimo ug mga tinunaw nga larawan alang sa ilang kaugalingon, mga diosdios nga hinimo gikan sa plata, ang tanan niini buhat sa mga batid nga tigpamuhat. Sila miingon, “Paghalad kamo alang niini.” Ang mga tawo mihalok sa mga nating baka!

Mga Buhat 17:29

Busa kay mga anak man kita sa Dios, dili nato hunahunaon nga ang pagka-Dios sama sa bulawan o plata, o bato nga kinulit pinaagi sa kabatid ug sa hunahuna sa tawo.

Mga Buhat 7:41

Ug niadtong mga adlawa nagbuhat sila ug nating baka, ug ang maong larawan ilang gihalaran ug mga halad nga inihaw ug naghudyaka tungod sa mga hinimo sa ilang mga kamot.

1 Mga Taga-Corinto 10:7

Ayaw kamo pagsimba sa mga diosdios sama sa uban kanila; kay sumala sa nasulat, “Ang katawhan nanglingkod aron sa pagkaon ug pag-inom, ug nanindog aron sa pagsayaw.”

Deuteronomio 9:16

Ug mitan-aw ako, ug tan-awa, nakasala kamo batok sa Ginoo nga inyong Dios. Nagbuhat kamo ug usa ka nating baka nga tinunaw; mitipas dayon kamo gikan sa dalan nga gisugo sa Ginoo kaninyo.

Mga Maghuhukom 8:24

Ug si Gideon miingon kanila, “Aduna akoy usa ka hangyo kaninyo, ang matag usa kaninyo maghatag kanako ug mga ariyos nga iyang inilog.” (Kay sila may bulawan nga ariyos tungod kay sila mga Ismaelinhon.)

Mga Maghuhukom 8:27

Unya si Gideon naghimo ug usa ka ephod gikan niini ug gibutang kini sa iyang siyudad sa Opra ug ang tibuok Israel nagluib pinaagi sa pagsimba niini. Ug kini nahimong lit-ag kang Gideon ug sa iyang panimalay.