Exodo 32:33

Ang Biblia 2011

Apan ang Ginoo miingon kang Moises, “Si bisan kinsa nga nakasala batok kanako, siya papason nako gikan sa akong basahon.

Cross References

Salmo 69:28

Papasa sila gikan sa basahon sa kinabuhi, ug ayaw na sila ipalista uban sa mga matarong.

Salmo 69:29

Apan ako kabos ug masulub-on; itugot, O Dios, nga ang imong kaluwasan magpahimutang kanako sa itaas!

Salmo 9:5

Gibadlong nimo ang mga nasod, gilaglag nimo ang mga daotan; ang ilang ngalan gipapas nimo hangtod sa kahangtoran.

Exodo 17:14

Unya ang Ginoo miingon kang Moises, “Isulat kini ingon nga usa ka handomanan diha sa usa ka basahon, ug sublia sa pagsaysay ngadto sa mga igdulungog ni Josue nga papason gayod nako ang handomanan sa Amalek sa ilalom sa langit.”

Ezequiel 18:20

Ang tawo nga makasala mamatay. Ang anak dili magpas-an sa kasal-anan sa amahan, o ang amahan magpas-an sa kasal-anan sa anak. Ang pagkamatarong sa matarong iya lamang, ug ang pagkadaotan sa daotan iya lamang.

Ezequiel 18:4

Hibaloi nga ang tanang may kinabuhi akoa, ang kinabuhi sa amahan ingon man ang kinabuhi sa anak akoa. Ang tawo nga makasala mamatay.

Levitico 23:30

Si bisan kinsa nga magbuhat ug bisan unsa nga buluhaton niining adlawa ipahimulag gikan sa iyang katawhan.

Deuteronomio 29:20

Ang Ginoo dili mopasaylo kaniya kondili ang kapungot sa Ginoo ug ang iyang pangabubho magdilaab batok sa maong tawo ug ang tanang tunglo nga gisulat niining basahon maanaa sa ibabaw niya ug papason sa Ginoo ang iyang ngalan gikan sa ubos sa langit.

Mga Taga-Filipos 4:3

Naghangyo usab ako kaninyo akong matuod nga kaubang magbubuhat, tabangi ang maong mga babaye nga naghago uban kanako diha sa Maayong Balita uban kang Clemente ug sa uban nakong mga kaubang magbubuhat nga ang mga ngalan anaa sa basahon sa kinabuhi.

Gipadayag 13:8

Ug magsimba kaniya ang tanang nagpuyo sa kalibotan, silang tanan nga ang mga ngalan wala masulat sa basahon sa kinabuhi nga iya sa gipatay nga Nating Karnero, sa wala pa mahimo ang tanang butang.

Gipadayag 20:12

Ug nakita nako ang mga nangamatay, mga dagko ug mga gagmay, nga nagtindog sa atubangan sa trono, ug dihay mga basahon nga gibukhad. May laing basahon usab nga gibukhad nga mao ang basahon sa kinabuhi. Ug ang mga nangamatay gipanghukman pinasikad sa nasulat diha sa mga basahon, sumala sa ilang mga binuhatan.

Gipadayag 3:5

Ang magmadaogon sul-oban ug mga bisti nga puti, ug ang iyang ngalan dili nako papason gikan sa basahon sa kinabuhi, hinuon akong ipahayag ang iyang ngalan sa atubangan sa akong Amahan ug sa atubangan sa iyang mga anghel.