Exodo 32:1

Ang Biblia 2011

Sa diha nga nakita sa katawhan nga si Moises nadugay sa paglugsong gikan sa bukid, ang katawhan nagtigom ngadto kang Aaron ug miingon kaniya, “Dali, buhati kami ug mga dios nga mag-una kanamo, kay mahitungod niining Moises, ang tawo nga nagkuha kanamo gikan sa yuta sa Ehipto, wala kami mahibalo kon unsay nahitabo kaniya.”

Cross References

Genesis 19:14

Unya migula si Lot ug misulti sa iyang mga umagaron nga buot mangasawa sa iyang mga anak nga babaye ug siya miingon kanila, “Panindog kamo, pahawa kamo niining dapita kay hapit na gayod laglagon sa Ginoo kining siyudara.” Apan nagtuo ang iyang mga umagaron nga siya nagtiaw lamang kanila.

Genesis 21:26

Si Abimelek miingon, “Wala ako mahibalo kon kinsa ang nagbuhat niana, wala usab ikaw magsulti kanako, wala usab ako makadungog niana kondili karon lamang adlawa.”

Genesis 39:8

Apan siya mibalibad ug miingon sa asawa sa iyang agalon, “Tan-awa, ingon nga ania ako, ang akong agalon wala na mabalaka sa mga gisalig niya kanako dinhi sa balay ug gibutang niya sa akong kamot ang tanan nga iyang kaugalingon.

Genesis 44:15

Si Jose miingon kanila, “Unsa bang buhata kini nga gibuhat ninyo? Wala ba kamo mahibalo nga ang tawo nga sama kanako makahimo sa pagtagna?”

Genesis 44:4

Sa dihang migula na sila sa lungsod, sa dili pa sila layo, miingon si Jose sa tinugyanan niya, “Tindog ug apasa kadtong mga tawo. Ug kon maapsan na nimo sila, ingna sila, ‘Nganong gibaslan ninyo ug daotan ang maayo? Nganong gikawat ninyo ang akong kupa nga plata?

Salmo 106:19

Nagbuhat sila ug nating baka didto sa Horeb, ug nagsimba sa usa ka larawan nga tinunaw.

Exodo 13:21

Ang Ginoo nag-una kanila sa pagkaadlaw pinaagi sa usa ka haligi nga panganod aron magtultol kanila sa dalan, ug sa kagabhion pinaagi sa usa ka haligi nga kalayo aron sa pag-iwag kanila, aron sila makalakaw sa adlaw ug sa gabii.

Exodo 14:11

Ug sila miingon kang Moises, “Tungod ba kay walay mga lubnganan sa Ehipto nga gikuha nimo kami aron mangamatay sa kamingawan? Unsa ba kining imong gibuhat kanamo sa imong pagdala kanamo gawas sa Ehipto?

Exodo 16:3

Ug ang katawhan sa Israel miingon kanila, “Maayo pa ug nangamatay kami pinaagi sa kamot sa Ginoo didto sa Ehipto sa dihang naglingkod kami tupad sa mga kulon sa mga unod ug nagkaon ug pan hangtod sa mabusog. Kay kamo nagdala kanamo dinhi niining kamingawan aron sa pagpatay niining tibuok nga katilingban pinaagi sa gutom.”

Exodo 20:23

Ayaw kamo pagbuhat ug mga diosdios nga hinimo ug plata uban kanako o magbuhat alang kaninyo ug mga diosdios nga hinimo ug bulawan.

Exodo 24:12

Ang Ginoo miingon kang Moises, “Tungas ngari kanako sa bukid ug pabilin diri ug ihatag nako kanimo ang mga papan nga bato uban sa balaod ug sa kasugoan nga gisulat nako aron itudlo kanila.”

Exodo 24:18

Ug misulod si Moises sa panganod ug mitungas siya ngadto sa bukid. Ug didto si Moises sa bukid sulod sa 40 ka adlaw ug 40 ka gabii.

Exodo 32:11

Apan si Moises mihangyo sa Ginoo nga iyang Dios ug miingon, “O Ginoo, ngano nga nagdilaab man ang imong kaligutgot batok sa imong katawhan nga imong gikuha gikan sa yuta sa Ehipto uban sa usa ka dakong gahom ug uban sa usa ka gamhanang kamot?

Exodo 32:22

Ug si Aaron miingon, “Dili unta mosilaob ang kasuko sa akong agalon. Ikaw nakaila sa katawhan, nga sila hilig gayod sa daotan.

Exodo 32:23

Kay sila miingon kanako, ‘Buhati kami ug mga dios nga mag-una kanamo, kay mahitungod niining Moises, ang tawo nga mikuha kanamo gikan sa yuta sa Ehipto, wala kami mahibalo sa nahitabo kaniya.’

Exodo 32:7

Unya ang Ginoo miingon kang Moises, “Lugsong dayon, kay ang imong katawhan, nga imong gikuha gikan sa yuta sa Ehipto, nagpakasala sa ilang kaugalingon.

Exodo 33:3

Lakaw ngadto sa yuta diin nag-agas ang gatas ug dugos apan ako dili motungas uban kaninyo kay tingali unya ug puohon ko kamo diha sa dalan, kay kamo katawhan nga tikig ug liog.”

Ezequiel 20:8

Apan sila misupil kanako, ug wala mamati kanako. Ang matag usa kanila wala magsalibay sa mga dulumtanang butang nga gisud-ong sa ilang mga mata o mibiya sa mga diosdios sa Ehipto. “Unya ako naghunahuna nga ibubo nako ang akong kaligutgot diha kanila ug ihurot ang akong kasuko batok kanila taliwala sa yuta sa Ehipto.

Oseas 12:13

Pinaagi sa usa ka propeta gidala sa Ginoo si Israel gikan sa Ehipto, ug pinaagi sa usa ka propeta siya giluwas.

Miqueas 6:4

Kay gikuha ko ikaw gikan sa yuta sa Ehipto, ug gilukat ko ikaw gikan sa balay sa pagkaulipon; ug gipadala nako kanimo si Moises, si Aaron, ug si Miriam.

Numeros 14:22

kadtong tanang mga tawo nga nakakita sa akong himaya ug sa mga ilhanan nga akong gihimo didto sa Ehipto ug didto sa kamingawan nagsulay man kanako sa napulo na ka higayon ug wala mamati sa akong tingog,

Mateo 24:43

Apan hibaloi ninyo nga kon ang pangulo sa panimalay nasayod pa unsang taknaa sa kagabhion moabot ang kawatan, magtukaw unta siya ug dili niya itugot nga lungkabon ang iyang balay.

Mateo 24:48

Apan kon ang daotang ulipon moingon sa iyang kaugalingon, ‘Madugay pa kadtong akong agalon,’

Mga Buhat 17:29

Busa kay mga anak man kita sa Dios, dili nato hunahunaon nga ang pagka-Dios sama sa bulawan o plata, o bato nga kinulit pinaagi sa kabatid ug sa hunahuna sa tawo.

Mga Buhat 19:26

Ug kamo nakakita ug nakadungog nga dili lamang dinhi sa Efeso kondili hapit sa tibuok Asia, daghan ang mga tawo nga gipangdani ug gipahisalaag ni Pablo nga nag-ingon nga ang mga dios nga binuhat ug mga kamot dili mga dios.

Mga Buhat 7:40

nga nag-ingon kang Aaron, ‘Buhati kami ug mga dios nga maoy mag-una sa among paglakaw kay mahitungod niining Moises nga nagpagula kanamo sa yuta sa Ehipto, wala kami mahibalo kon naunsa siya.’

Deuteronomio 31:8

Ug ang Ginoo mao ang mag-una kanimo. Siya mag-uban kanimo, dili ikaw niya pakyason o biyaan. Ayaw kahadlok o kaluya.”

Deuteronomio 9:1

“Pamati, O Israel! Kinahanglang manabok kamo sa Jordan niining adlawa aron sa pagsulod ug sa pag-ilog ug mga nasod nga dagko ug gamhanan kay kaninyo, mga siyudad nga dagko ug kinutaan hangtod sa langit,

Deuteronomio 9:9

Sa dihang mitungas ako sa bukid aron sa pagdawat sa mga papan nga bato, sa mga papan sa kasabotan nga gibuhat sa Ginoo uban kaninyo, mipabilin ako sa bukid 40 ka adlaw ug 40 ka gabii. Wala ako mokaon ug pan o moinom ug tubig.

Josue 7:13

Tindog, balaana ang katawhan ug ingna, ‘Balaana ang inyong kaugalingon alang ugma kay mao kini ang giingon sa Ginoo, ang Dios sa Israel, “Adunay mga butang nga ginahin diha sa taliwala ninyo, O Israel. Dili kamo makatindog sa atubangan sa inyong kaaway, hangtod nga inyong kuhaon ang butang nga ginahin gikan sa inyong taliwala.”

2 Pedro 3:4

ug mag-ingon, “Hain na man ang saad sa iyang pag-anhi? Kay sukad sa pagkamatay sa atong mga katigulangan, ang tanang mga butang nagpabilin man nga mao ra gihapon gikan sa sinugdanan sa pagbuhat sa kalibotan.”