Exodo 31:3

Ang Biblia 2011

Ug gipuno nako siya sa Espiritu sa Dios, sa katakos, sa kaalam, sa kahibalo ug sa kahanas sa pagpamuhat ug bisan unsa,

Cross References

1 Mga Hari 3:9

Busa hatagi ang imong sulugoon ug usa ka kasingkasing nga may pagpanabot aron sa pagdumala sa imong katawhan, aron maila nako ang kalainan sa maayo ug daotan, kay kinsay makahimo sa pagdumala niining imong dakong katawhan?”

1 Mga Hari 7:13

Ug si Hari Solomon nagsugo ug gipakuha si Hiram gikan sa Tiro.

1 Mga Hari 7:14

Siya anak nga lalaki sa usa ka biyuda sa banay ni Neftali ug ang iyang amahan taga-Tiro. Siya mamumuhat ug bronsi ug siya napuno sa kaalam ug kahibalo ug kabatid sa pagbuhat ug mga butang ginamit ang bronsi. Ug siya miadto kang Hari Solomon ug gihimo niya ang tanan niyang gipabuhat.

2 Cronicas 2:7

Busa karon padad-i ako ug usa ka tawo nga batid sa pagbuhat pinaagi sa bulawan, sa plata, sa bronsi, sa puthaw, sa panapton nga tapol, pula ug asul, nga mahibalo sa pagkulit, sa pagpakig-uban sa mga batid nga magbubuhat nga uban kanako sa Juda ug sa Jerusalem nga giandam ni David nga akong amahan.

Exodo 28:3

Sultihi ang tanan nga adunay katakos nga akong gihatagan ug kinaadman aron magbuhat sila sa mga bisti ni Aaron, sa pagbalaan kaniya diha sa katungdanan sa pagkapari.

Exodo 31:4

sa paghimo ug mga maanindot nga dibuho, sa pagbuhat pinaagi sa bulawan, sa plata ug sa bronsi,

Exodo 35:31

Ug siya gipuno niya sa Espiritu sa Dios, sa katakos, sa kaalam, sa kahibalo ug kahanas sa pagpamuhat ug bisan unsa,

Exodo 35:35

“Sila gipuno niya sa katakos sa pagbuhat sa tanang matang sa buhat nga himoon sa tigkulit o sa tigdibuho o sa tigburda sa asul, tapol ug lutong pula nga delana ug sa lino nga pinong pagkalubid, o sa tighabol, sa tanang matang sa tigbuhat o batid nga tigdibuho.

Mga Panultihon 2:6

Kay ang Ginoo maghatag ug kaalam; gikan sa iyang baba mogula ang kahibalo ug pagpanabot;

Isaias 28:26

Kay siya gitudloan sa matarong; ang iyang Dios nagtudlo kaniya.

Isaias 28:6

ug usa ka espiritu sa hustisya ngadto kaniya nga naglingkod sa hukmanan, ug kusog ngadto kanila nga nagpasibog sa gubat diha sa ganghaan.