Exodo 30:8

Ang Biblia 2011

ug sa diha nga magdagkot si Aaron sa mga lampara sa pagkagabii, kinahanglan nga magsunog siya niini, ang insenso nga magpadayon sa atubangan sa Ginoo ngadto sa tibuok ninyong mga kaliwatan.

Cross References

2 Cronicas 26:18

Sila misukol kang Hari Uzias ug miingon kaniya, “Dili alang kanimo, Uzias, ang pagsunog sa insenso alang sa Ginoo kondili sa mga pari nga mga kaliwat ni Aaron, nga gigahin aron sa pagsunog sa insenso. Gula gikan sa balaan nga puluy-anan, kay ikaw nakalapas ug dili kana makahatag kanimo ug kadungganan gikan sa Ginoong Dios.”

Salmo 141:2

Itugot nga ang akong pag-ampo isipon nga insenso sa imong atubangan, ug ang pagbayaw sa akong mga kamot ingon nga halad inihaw sa kahaponon!

Exodo 12:6

ug ilain ninyo kini hangtod sa ikanapulo ug upat nga adlaw sa maong bulan. Ang tibuok katigoman sa katilingban sa Israel mag-ihaw niini sa pagkahapon.

Exodo 25:37

Ug himoa ang pito ka lampara alang niini, ang mga lampara dagkotan aron maghatag ug kahayag sa dapit diha sa atubangan niini.

Exodo 27:21

Sulod sa tolda nga tagboanan sa gawas sa tabil nga anaa sa atubangan sa pagpamatuod, si Aaron ug ang iyang mga anak nga lalaki mao ang mag-atiman gikan sa hapon hangtod sa buntag atubangan sa Ginoo. Kini mahimong tulumanon hangtod sa kahangtoran nga tumanon sa katawhan sa Israel ngadto sa ilang mga kaliwatan.

Exodo 30:7

Si Aaron kinahanglan nga magsunog ug insenso nga humot sa ibabaw niini. Sa matag buntag sa diha nga mag-atiman siya sa mga lampara, magsunog siya niini,

Exodo 30:9

Ayaw kamo paghalad sa ibabaw niini ug laing insenso o halad nga sunogon o halad nga pagkaon ug ayaw kamo pagbubo sa ibabaw niini ug halad nga ilimnon.

Roma 8:34

Kinsa man ang mopakanaog sa hukom? Si Cristo Jesus nga namatay apan nabanhaw gikan sa mga patay, nga anaa karon sa tuo sa Dios, nga nangamuyo gayod alang kanato.

1 Mga Taga-Tesalonica 5:17

pag-ampo kamo sa walay paghunong,

Mga Hebreo 7:25

Busa sa tanang panahon siya makaluwas sa mga moduol sa Dios pinaagi kaniya, kay buhi man siya sa kanunay aron sa pagpangamuyo alang kanila.

Mga Hebreo 9:24

Kay si Cristo misulod dili ngadto sa usa ka balaang dapit nga hinimo ug mga kamot, nga hulagway lamang sa matuod, kondili ngadto sa langit gayod, sa pagpangatubang karon alang kanato ngadto sa Dios.

1 Samuel 2:28

Nagpili ako kaniya gikan sa tanang banay sa Israel aron mahimo nga akong pari, sa pag-adto sa halaran, sa pagsunog ug insenso, ug sa pagsul-ob ug ephod sa akong atubangan. Ug gihatag nako sa balay sa imong amahan ang tanang mga halad nga gihimo pinaagi sa kalayo gikan sa katawhan sa Israel.