Exodo 30:31

Ang Biblia 2011

Ug ikaw moingon sa katawhan sa Israel, ‘Kini mao ang akong balaan nga lana nga igdidihog hangtod sa tanan ninyong kaliwatan.

Cross References

Salmo 89:20

Nakaplagan nako si David nga akong alagad; gidihogan nako siya sa akong lana nga balaan;

Exodo 29:21

Unya pagkuha sa dugo nga anaa sa ibabaw sa halaran ug sa lana nga igdidihog ug iwisik ngadto kang Aaron ug sa iyang mga bisti ug ngadto sa iyang mga anak nga lalaki ug sa mga bisti nila, ug mahimo siyang balaan ug ang iyang mga bisti. Siya mahimong balaan lakip ang iyang mga anak nga lalaki ug ang mga bisti sa iyang mga anak nga lalaki uban kaniya.

Exodo 30:30

Unya dihogi si Aaron ug ang iyang mga anak nga lalaki ug ihalad sila aron mag-alagad kanako ingon nga mga pari.

Exodo 30:32

Dili kini ibubo sa lawas sa yanong mga tawo ug dili magbuhat ug sama niini ug sagol. Kini balaan ug kini mahimo nga balaan alang kaninyo.

Exodo 37:29

Gibuhat niya ang balaan nga lana nga igdidihog ug ang lunsay nga humot nga insenso nga gisagol sama sa gibuhat sa tighimo ug pahumot.

Levitico 21:10

“Ang labawng pari taliwala sa iyang mga igsoon, nga ang ulo gibuboan ug lana nga igdidihog ug nga gibalaan aron magsul-ob sa mga balaang bisti, dili magpadunghay sa buhok sa iyang ulo o maggisi sa iyang mga bisti.

Levitico 8:12

Ug gibuboan niya ug lana nga igdidihog ang ulo ni Aaron ug gidihogan niya aron sa pagbalaan kaniya.