Exodo 30:25

Ang Biblia 2011

Buhata kini nga balaang lana nga igdidihog nga sama pagkasagol sa gibuhat sa tigbuhat ug pahumot. Ug kini mahimo nga balaang lana nga igdidihog.

Cross References

1 Mga Hari 1:39

Ug si Zadok nga pari mikuha sa sungay nga may lana didto sa tolda ug gidihogan si Solomon. Ug ilang gipatingog ang trumpeta, ug ang tibuok katawhan miingon, “Mabuhi ang hari nga si Solomon!”

1 Cronicas 9:30

Ang uban sa mga anak nga lalaki sa mga pari, nag-andam sa pagsagol sa mga panakot,

Salmo 133:2

Kini sama sa bililhong lana nga anaa sa ulo, nagdaligdig sa bungot, sa bungot ni Aaron, nagdaligdig sa liab sa iyang mga bisti!

Salmo 89:20

Nakaplagan nako si David nga akong alagad; gidihogan nako siya sa akong lana nga balaan;

Exodo 28:41

Ug ipasul-ob kini kang Aaron nga imong igsoon ug sa iyang mga anak uban kaniya, ug dihogi sila ug gahina sila ug balaana aron sila mag-alagad kanako ingon nga mga pari.

Exodo 29:21

Unya pagkuha sa dugo nga anaa sa ibabaw sa halaran ug sa lana nga igdidihog ug iwisik ngadto kang Aaron ug sa iyang mga bisti ug ngadto sa iyang mga anak nga lalaki ug sa mga bisti nila, ug mahimo siyang balaan ug ang iyang mga bisti. Siya mahimong balaan lakip ang iyang mga anak nga lalaki ug ang mga bisti sa iyang mga anak nga lalaki uban kaniya.

Exodo 29:7

Unya dad-a ang lana nga igdidihog ug ibubo sa ibabaw sa iyang ulo ug dihogi siya.

Exodo 30:24

ug lima ka gatos sa casia, sumala sa siklo sa balaang dapit ug usa ka hin nga lana sa olibo.

Exodo 30:32

Dili kini ibubo sa lawas sa yanong mga tawo ug dili magbuhat ug sama niini ug sagol. Kini balaan ug kini mahimo nga balaan alang kaninyo.

Exodo 30:35

Ug pagbuhat ug usa ka insenso nga humot, nga sama pagkasagol sa gibuhat sa tigbuhat ug pahumot nga tinimplahan ug asin, lunsay ug balaan.

Exodo 35:15

ang halaran sa insenso uban ang mga yayongan niini, ang lana nga igdidihog ug ang humot nga insenso, ang tabil alang sa pultahan diha sa pultahan sa Tolda,

Exodo 37:29

Gibuhat niya ang balaan nga lana nga igdidihog ug ang lunsay nga humot nga insenso nga gisagol sama sa gibuhat sa tighimo ug pahumot.

Exodo 40:9

Unya kuhaa ang lana nga igdidihog ug dihogi ang Tolda ug ang tanan nga anaa niini ug ihalad kini uban ang tanang kasangkapan niini ug kini mabalaan.

Ecclesiastes 10:1

Ang mga langaw nga patay naghatag ug daotan nga baho sa lana sa tigbuhat ug pahumot, busa ang gamay nga binuang modaog sa kaalam ug dungog.

Levitico 8:10

Unya gikuha ni Moises ang lana nga igdidihog ug gidihogan niya ang Tolda ug ang tanang mga butang nga diha niini ug gibalaan kini.

Levitico 8:2

“Dad-a si Aaron ug ang iyang mga anak nga lalaki uban kaniya ug ang mga bisti ug ang lana nga igdidihog ug ang torong baka alang sa halad tungod sa sala ug ang duha ka laking karnero ug ang bukag nga gisudlan ug mga pan nga walay patubo.

Numeros 35:25

ug ang katilingban magluwas sa mamumuno gikan sa kamot sa manimalos sa dugo ug ang katilingban magpahiuli kaniya ngadto sa iyang siyudad nga dalangpanan, diin siya modangop. Siya magpuyo didto hangtod sa kamatayon sa labawng pari nga gidihogan sa lana nga balaan.

Mga Hebreo 1:9

Gihigugma nimo ang pagkamatarong ug gidumtan nimo ang pagkamalapason; tungod niana gidihogan ikaw sa Dios, sa imong Dios, sa lana sa kalipay labaw kanila nga imong mga kauban.”