Exodo 30:15

Ang Biblia 2011

Ang dato kinahanglan nga dili maghatag ug kapin ug ang kabos kinahanglan nga dili maghatag ug kulang sa tunga sa siklo, sa diha nga maghatag kamo ug halad ngadto sa Ginoo, aron sa paghimo ug pagtabon sa inyong kaugalingong mga sala.

Cross References

2 Samuel 21:3

Ug si David miingon sa mga Gibeonhanon, “Unsay akong buhaton alang kaninyo? Ug asa nako himoa ang pagtabon sa sala aron inyong kapanalanginan ang kabilin sa Ginoo?”

Job 34:19

nga dili magpakita ug pagdapig ngadto sa mga pangulo, o magtagad sa mga dato labaw kay sa kabos, kay silang tanan buhat man sa iyang mga kamot?

Exodo 30:12

“Sa diha nga maghimo ikaw ug pagpanglista sa katawhan sa Israel, ang matag usa maghatag ngadto sa Ginoo ug lukat alang sa iyang kinabuhi, sa diha nga iphon nimo sila aron walay kamatay nga moabot kanila sa diha nga ikaw mag-ihap kanila.

Exodo 30:14

Ang matag usa nga maihap sa pagpanglista, sukad sa nagpanuigon ug 20 ug pataas kinahanglan nga maghatag ug halad sa Ginoo.

Exodo 30:16

Ug dawata ang salapi nga halad sa pagtabon sa sala gikan sa katawhan sa Israel, ug gamita kini alang sa pag-alagad sa tolda nga tagboanan aron kini mahimo nga handomanan sa katawhan sa Israel, sa atubangan sa Ginoo aron paghimo ug pagtabon sa sala alang sa inyong kaugalingon.”

Exodo 38:26

ang matag tawo tagsa ka beka, sa ato pa, tunga sa siklo, sumala sa siklo sa balaang dapit, kay ang tanan nga naihap sa pagpanglista sukad sa nagpanuigon ug 20 ka tuig ug pataas, 603,550.

Mga Panultihon 22:2

Ang adunahan ug ang kabos mag-usa pagtagbo; ang Ginoo mao ang nagbuhat kanila nga tanan.

Ezequiel 45:16

Ang tanang katawhan sa yuta maghatag niining halad ngadto sa pangulo sa Israel.

Levitico 17:11

Kay ang kinabuhi sa unod anaa sa dugo, ug ako naghatag kaninyo niana aron sa pagtabon sa sala sa inyong mga kalag diha sa ibabaw sa halaran, kay ang dugo mao ang naghimo sa pagtabon sa sala tungod sa kinabuhi.

Numeros 31:50

Ug nagdala kami ug halad alang sa Ginoo, halad sa bisan unsa nga nakuha sa matag usa, mga alahas nga bulawan, mga baklaw sa kamot, mga pulseras, mga singsing, mga ariyos, ug mga kuwentas, aron sa paghimo sa pagtabon sa sala alang sa among kaugalingon sa atubangan sa Ginoo.”

Mga Taga-Efeso 6:9

Ug kamong mga agalon, buhata usab ngadto kanila ang sama niini, hunonga na ang pagpanghulga kanila, ingon nga nasayod kamo nga ang ila ug ang inyo usab nga Agalon anaa sa langit, ug nga siya walay pinalabi sa mga tawo.

Mga Taga-Colosas 3:25

Kay ang nagbuhat ug dili matarong balosan tungod sa iyang gibuhat nga dili matarong ug walay pinalabi.