Exodo 30:12

Ang Biblia 2011

“Sa diha nga maghimo ikaw ug pagpanglista sa katawhan sa Israel, ang matag usa maghatag ngadto sa Ginoo ug lukat alang sa iyang kinabuhi, sa diha nga iphon nimo sila aron walay kamatay nga moabot kanila sa diha nga ikaw mag-ihap kanila.

Cross References

1 Cronicas 21:1

Unya si Satanas mitindog batok sa Israel ug miaghat kang David sa pag-ihap sa Israel.

1 Cronicas 21:12

tulo ba ka tuig nga gutom, o tulo ka bulan nga paggun-ob sa imong mga kaaway samtang ang espada sa imong mga kaaway molutos kanimo, o tulo ba hinuon ka adlaw sa espada sa Ginoo, kamatay dinhi sa yuta ug ang anghel sa Ginoo maglaglag sa tibuok yuta sa Israel.’ Busa karon hunahunaa kon unsang tubaga ang akong dad-on balik ngadto kaniya nga nagpaanhi kanako.”

1 Cronicas 21:14

Busa ang Ginoo nagpadala ug usa ka kamatay ngadto sa Israel ug didtoy nangapukan nga 70,000 ka tawo sa Israel.

1 Cronicas 21:3

Apan si Joab miingon, “Dugangan unta sa Ginoo ang iyang katawhan ug usa ka gatos ka pilo nga gidaghanon nila! Dili ba sila, akong agalon nga hari, silang tanan mga alagad sa akong agalon? Nganong nagkinahanglan man ang akong agalon niini? Ngano nga magdala man siya ug sala nganha sa Israel?”

1 Cronicas 27:24

Si Joab nga anak ni Zeruia nagsugod sa pag-ihap apan wala makahuman, hinuon may midangat nga kapungot ngadto sa Israel tungod niini ug ang maong gidaghanon wala malakip sa mga kasaysayan ni Hari David.

2 Cronicas 24:6

Busa ang hari mipatawag kang Jehoiada ug miingon kaniya, “Nganong wala nimo sugoa ang mga Levihanon sa pagdala gikan sa Juda ug sa Jerusalem sa buhis nga gipaningil ni Moises nga alagad sa Ginoo sa katilingban sa Israel alang sa tolda sa pagpamatuod?”

2 Cronicas 24:9

Ug sila naghimo ug usa ka pagpahibalo sa tibuok Juda ug sa Jerusalem, sa pagdala alang sa Ginoo sa buhis nga gipabuhis ni Moises nga alagad sa Dios sa mga Israelinhon didto sa kamingawan.

Job 33:24

ug siya mapuangoron ngadto kaniya ug mag-ingon, ‘Luwasa siya gikan sa pagkahulog ngadto sa Gahong; ako nakakaplag ug usa ka lukat;

Job 36:18

Pagbantay kay tingali unya ug ang kaligutgot magdani kanimo ngadto sa pagtamay; ug ayaw itugot nga ang gidak-on sa lukat mopatipas kanimo.

Salmo 49:7

Walay makalukat sa iyang kaugalingon o makahatag ngadto sa Dios sa bili sa iyang kinabuhi,

Exodo 30:11

Unya ang Ginoo miingon kang Moises,

Numeros 31:49

ug miingon sila kang Moises, “Ang imong mga ulipon miihap sa gidaghanon sa mga manggugubat nga ilalom sa among pagmando ug walay bisan usa ka tawo nga nakulang kanamo.

Numeros 31:50

Ug nagdala kami ug halad alang sa Ginoo, halad sa bisan unsa nga nakuha sa matag usa, mga alahas nga bulawan, mga baklaw sa kamot, mga pulseras, mga singsing, mga ariyos, ug mga kuwentas, aron sa paghimo sa pagtabon sa sala alang sa among kaugalingon sa atubangan sa Ginoo.”

Mateo 20:28

sama nga ang Anak sa Tawo mianhi dili aron alagaran kondili aron sa pag-alagad ug sa paghatag sa iyang kinabuhi ingon nga lukat alang sa daghan.”

Marcos 10:45

Kay ang Anak sa Tawo wala moanhi aron alagaran kondili aron sa pag-alagad ug sa paghatag sa iyang kinabuhi ingon nga lukat alang sa daghan.”

1 Timoteo 2:6

nga naghatag sa iyang kaugalingon ingon nga lukat alang sa tanan, nga ang pagpamatuod niini nahimo na sa gitakda nga panahon.