Exodo 30:10

Ang Biblia 2011

Sa ibabaw sa mga sungaysungay kinahanglan nga si Aaron maghimo ug pagtabon sa mga sala makausa sa matag tuig. Pinaagi sa dugo sa halad tungod sa sala alang sa pagtabon sa mga sala, siya maghimo ug pagtabon sa mga sala alang niini makausa sa matag tuig sa tanan ninyong kaliwatan. Kini labing balaan alang sa Ginoo.”

Cross References

1 Mga Hari 1:50

Ug si Adonias nahadlok usab kang Solomon, ug siya mitindog ug milakaw ug migunit sa mga sungaysungay sa halaran.

1 Cronicas 6:49

Apan si Aaron ug ang iyang mga anak nga lalaki naghalad sa ibabaw sa halaran sa halad nga sunogon ug ibabaw sa halaran sa insenso, alang sa tanang buluhaton sa labing balaan nga dapit ug alang sa paghimo ug pagtabon sa sala alang sa Israel sumala sa tanan nga gisugo ni Moises nga alagad sa Dios.

Exodo 30:11

Unya ang Ginoo miingon kang Moises,

Exodo 30:9

Ayaw kamo paghalad sa ibabaw niini ug laing insenso o halad nga sunogon o halad nga pagkaon ug ayaw kamo pagbubo sa ibabaw niini ug halad nga ilimnon.

Levitico 16:16

Sa ingon niini himoon niya ang pagtabon sa sala alang sa dapit nga balaan, tungod sa mga kahugawan sa katawhan sa Israel ug tungod sa ilang mga kalapasan ug sa tanan nilang mga sala. Sa samang paagi himoon usab niya kini alang sa tolda nga tagboanan nga nahimutang sa taliwala nila, sa kinataliwad-an sa ilang mga kahugawan.

Levitico 16:18

Unya mogula siya ngadto sa halaran nga anaa sa atubangan sa Ginoo ug maghimo siya sa pagtabon sa sala alang niini ug magkuha siya sa dugo sa torong baka ug sa dugo sa kanding ug iya kining ilibot pagbutang sa ibabaw sa mga sungaysungay sa halaran.

Levitico 16:2

Ang Ginoo miingon kang Moises, “Sultihi si Aaron nga imong igsoon nga dili sa tanan nga panahon siya mosulod sa dapit nga balaan, sa sulod sa tabil sa atubangan sa tabon nga anaa ibabaw sa sudlanan sa kasabotan, aron dili siya mamatay kay ako motungha diha sa panganod sa ibabaw sa tabon.

Levitico 23:27

“Apan sa ikanapulo nga adlaw niining ikapito nga bulan mao ang Adlaw sa Pagtabon sa Sala. Kini mao ang panahon sa balaan nga panagtigom ug hikawi ninyo ang inyong kaugalingon ug paghalad kamo ug halad pinaagi sa kalayo alang sa Ginoo.

Levitico 4:18

Siya magbutang ug dugo sa ibabaw sa mga sungaysungay sa halaran nga anaa sa atubangan sa Ginoo sa sulod sa tolda nga tagboanan, ug ibubo niya ang nahibilin nga dugo ngadto sa tungtonganan sa halaran sa halad nga sunogon nga anaa sa pultahan sa tolda nga tagboanan.

Levitico 4:7

Ang pari magbutang ug dugo sa ibabaw sa mga sungaysungay sa halaran sa insenso nga humot nga anaa sa tolda nga tagboanan sa atubangan sa Ginoo. Ug ang nahibilin nga dugo sa torong baka iyabo niya diha sa tungtonganan sa halaran sa halad nga sunogon nga anaa sa pultahan sa tolda nga tagboanan.

Mga Hebreo 1:3

Siya ang dan-ag sa himaya sa Dios ug tukma nga hulagway sa iyang kinaiya, nagsapnay sa tanang mga butang pinaagi sa gamhanan nga pagpamulong niya. Sa nahimo na niya ang paghinlo sa mga sala, siya milingkod sa tuo sa Halangdon sa kahitas-an,

Mga Hebreo 9:25

Dili usab aron sa pagsublisubli sa iyang paghalad sa iyang kaugalingon, sama sa tinuig nga pagsulod sa mga labawng pangulong pari ngadto sa Balaang Dapit, dinala ang dugo nga dili iyang kaugalingon.

Mga Hebreo 9:7

Apan ngadto sa ikaduhang bahin ang labawng pangulong pari mao lamang ang makasulod, ug kini makausa sa usa ka tuig. Siya magdala ug dugo nga iyang ihalad alang sa iyang kaugalingon ug sa mga sala sa katawhan nga wala tuyoa.

Gipadayag 9:13

Unya ang ikaunom nga anghel mipatingog sa iyang trumpeta, ug gikan sa upat ka mga sungaysungay sa bulawang halaran nga diha sa atubangan sa Dios, nabati nako ang usa ka tingog