Exodo 3:9

Ang Biblia 2011

Ug karon ang pagtuaw sa katawhan sa Israel miabot kanako ug nakita nako kon giunsa sila pagdaogdaog sa mga Ehiptohanon.

Cross References

Genesis 16:11

Ang anghel sa Ginoo miingon usab, “Tan-awa, ikaw nagsamkon, ug manganak ikaw ug usa ka batang lalaki, ug nganlan nimo siya ug Ismael kay gipatalinghogan sa Ginoo ang imong kagul-anan.

Genesis 31:12

Ug siya miingon, ‘Iyahat karon ang imong mga mata ug makita nimo nga ang tanang mga laki nga mitakmag sa panon mga binadlisan, mga kabang, ug mga puntikpuntik kay nakita nako ang tanan nga gibuhat ni Laban kanimo.

2 Mga Hari 13:4

Unya si Jehoahas nagpakiluoy sa Ginoo, ug ang Ginoo nagpatalinghog kaniya, kay nakita niya ang pagdaogdaog sa Israel, giunsa sila pagdaogdaog sa hari sa Siria.

2 Mga Hari 20:5

“Balik ug ingna si Hesekias nga pangulo sa akong katawhan, Kini mao ang gisulti sa Ginoo, ang Dios ni David nga imong amahan: Nadungog nako ang imong pag-ampo, nakita nako ang imong mga luha; ikaw akong ayohon; sa ikatulo nga adlaw kinahanglan nga moadto ikaw sa balay sa Ginoo.

Nehemias 9:9

“Ikaw nakakita sa kasakit sa among mga katigulangan didto sa Ehipto ug nakadungog sa ilang pagtuaw didto sa Dagat nga Pula.

Salmo 12:5

“Tungod kay ang mga kabos gilupigan, tungod kay ang mga nanginahanglan nag-agulo, karon motindog ako,” nag-ingon ang Ginoo, “Ibutang nako siya diha sa kasigurohan nga iyang gipangandoy.”

Salmo 9:14

aron ipahayag nako ang tanan nga pagdayeg kanimo, diha sa mga ganghaan sa anak nga babaye sa Zion, ako maglipay diha sa imong pagluwas.

Exodo 1:11

Busa gibutangan nila sila ug mga tigdumala sa buhat aron sa paglisodlisod kanila pinaagi sa mga bug-at nga palas-anon. Ug nagtukod sila alang sa Paraon ug mga siyudad nga tigomanan sa mga bahandi nga mao ang Pitom ug Raamses.

Exodo 1:22

Unya ang Paraon misugo sa tanan niyang katawhan, “Itambog ninyo sa suba ang tanang bata nga lalaki nga Hebreo nga matawo apan ang tanang bata nga babaye tugoti ninyo nga mabuhi.”

Exodo 1:8

Unya dihay miabot nga usa ka bag-ong hari sa Ehipto nga wala makaila kang Jose.

Exodo 2:23

Human sa taas nga panahon, namatay ang hari sa Ehipto. Ug ang katawhan sa Israel nag-agulo tungod sa pagkaulipon ug nagpakitabang. Ug midangat sa Dios ang ilang pagtuaw tungod sa ilang pagkaulipon.

Exodo 2:25

Ug nakita sa Dios ang katawhan sa Israel ug ang Dios nahibalo sa ilang kahimtang.

Exodo 3:7

Unya ang Ginoo miingon, “Nakita nako ang kasakit sa akong katawhan nga atua sa Ehipto ug nadungog nako ang ilang pagtuaw tungod sa mga tigdumala sa buhat ug nahibaloan nako ang ilang kasakitan.

Ecclesiastes 4:1

Nakita nako pag-usab ang tanan nga mga pagdaogdaog nga gihimo ilalom sa adlaw. Ug tan-awa, ang mga luha niadtong mga dinaogdaog, ug walay bisan usa nga naghupay kanila! Didto sa dapit sa mga nagdaogdaog kanila adunay gahom, ug walay bisan usa nga naghupay kanila.

Ecclesiastes 5:8

Kon makita nimo diha sa usa ka lalawigan nga ang mga kabos gidaogdaog ug gihikawan sa hustisya ug katungod, ayaw kahibulong sa maong butang, kay ang labaw gisud-ong niadtong labaw pa ug adunay labaw pa kay kanila.

Amos 4:1

“Pamatia kining pulonga, kamong mga baka sa Basan, nga anaa sa bukid sa Samaria, nga nagdaogdaog sa mga kabos, nga nagduot sa mga nanginahanglan, nga nag-ingon sa ilang mga bana, ‘Pagdala aron makainom kita!’

Deuteronomio 26:7

Unya nagpakitabang kami sa Ginoo, ang Dios sa among katigulangan ug namati ang Ginoo sa among tingog ug nakita niya ang among kalisod, ang among paghago ug ang pagdaogdaog kanamo.

1 Samuel 9:16

“Ugma sa mga ingon niining taknaa padad-an ko ikaw ug usa ka tawo gikan sa yuta sa Benjamin, ug ikaw magdihog kaniya ingon nga pangulo ibabaw sa akong katawhan nga Israel. Siya mao ang moluwas sa akong katawhan gikan sa kamot sa mga Filistihanon, kay akong nakita ang akong katawhan tungod kay ang ilang pagtuaw midangat kanako.”