Exodo 3:5

Ang Biblia 2011

Unya ang Dios miingon, “Ayaw pagduol. Huboa ang imong mga sandalyas gikan sa imong mga tiil, kay ang dapit nga imong gitindogan yuta nga balaan.”

Cross References

Exodo 19:12

Pagbutang ug utlanan alang sa katawhan libot sa bukid ug ingna sila, ‘Pagmatngon kamo nga dili kamo motungas sa bukid o mohikap sa utlanan niini. Si bisan kinsa nga mohikap sa bukid, patyon gayod.

Exodo 19:21

Ug ang Ginoo miingon kang Moises, “Lugsong ug pasidan-i ang katawhan kay tingali unya ug molabang sila sa utlanan aron sa pagsud-ong sa Ginoo, ug daghan unya ang mangamatay kanila.

Exodo 4:28

Si Moises misugilon kang Aaron sa tanang pulong sa Ginoo nga tungod niini gisugo siya, ug sa tanang ilhanan nga gitugyan kaniya sa pagbuhat.

Ecclesiastes 5:1

Bantayi ang imong mga lakang kon ikaw moadto sa balay sa Dios; ang pagduol aron sa pagpamati maayo pa kay sa paghalad ug inihaw sa mga buangbuang, kay wala sila masayod nga sila nagbuhat ug daotan.

Jeremias 30:21

Ang ilang pangulo usa gayod kanila, ang ilang tigmando maggikan sa taliwala nila; paduolon nako siya, ug siya moduol kanako, kay kinsa ba kining mangahas sa pagduol kanako? nag-ingon ang Ginoo.

Levitico 10:3

Unya si Moises miingon kang Aaron, “Kini mao ang gisulti sa Ginoo, ‘Ipakita nako ang akong kaugalingon nga balaan ngadto kanila nga duol kanako, ug sa atubangan sa tibuok nga katawhan himayaon ako.’ ” Ug si Aaron naghilom lamang.

Mga Buhat 7:33

Ug ang Ginoo miingon kaniya, ‘Huboa ang sandalyas sa imong mga tiil kay ang dapit nga imong gitindogan yuta nga balaan.

Deuteronomio 23:14

Kay ang Ginoo nga inyong Dios mosuroy sa taliwala sa inyong kampo aron sa pagluwas kaninyo ug aron sa pagtugyan sa inyong mga kaaway nganha kaninyo busa kinahanglan nga ang inyong kampo balaan aron dili siya makakita ug hugaw nga butang diha kaninyo ug motalikod gikan kaninyo.

Mga Hebreo 12:20

Kay sila dili makaantos sa sugo nga gihatag, “Bisan pa gani kon ang usa ka mananap motunob sa bukid, kini kinahanglang batoon.”

Josue 5:15

Ug ang tigmando sa panon sa kasundalohan sa Ginoo miingon kang Josue, “Huboa ang imong sandalyas gikan sa imong tiil kay ang dapit nga imong gitindogan, balaan.” Ug si Josue mibuhat sa ingon.

2 Pedro 1:18

Kami nakabati gayod sa maong tingog gikan sa langit, sa dihang kami uban kaniya didto sa bukid nga balaan.