Exodo 3:20

Ang Biblia 2011

Busa tuy-oron nako ang akong kamot ug hampakon nako ang Ehipto pinaagi sa tanang mga katingalahan nga buhaton nako taliwala niini, ug human niana tugotan kamo niya sa paglakaw.

Cross References

Genesis 15:14

Apan akong silotan ang nasod nga ilang alagaran ug human niini manggawas sila uban sa daghang mga kabtangan.

Nehemias 9:10

Ug ikaw naghimo ug mga ilhanan ug mga katingalahan batok sa Paraon ug sa tanan niyang mga alagad ug sa tanang katawhan sa iyang yuta. Kay ikaw nahibalo nga sila nagbugalbugal batok sa among mga katiuglangan ug ikaw naghimo ug ngalan alang kanimo nga mao gihapon hangtod niining adlawa.

Salmo 105:27

Gipadayag nila ang iyang mga ilhanan sa taliwala nila, ug ang mga katingalahan didto sa yuta ni Ham.

Salmo 105:38

Nalipay ang Ehipto sa ilang pagbiya, kay ang pagkahadlok kanila miabot sa ibabaw niini.

Salmo 106:22

kahibulongan nga mga buhat didto sa yuta ni Ham, ug mga butang nga makalilisang didto sa Dagat nga Pula.

Exodo 11:1

Ang Ginoo miingon kang Moises, “Usa pa ka katalagman ang akong ipahamtang sa Paraon ug sa Ehipto. Human niana tugotan na kamo niya sa paglakaw gikan dinhi ug sa dihang palakwon na kamo niya, abugon kamo niya sa hingpit gayod.

Exodo 12:39

Nagluto sila ug mga pan nga walay patubo sa minasa nga ilang gidala gikan sa Ehipto kay kini wala may patubo. Tungod kay gihinginlan man sila sa Ehipto ug wala sila makahimo sa paglanganlangan o sa paghikay ug bisan unsang makaon.

Exodo 13:3

Si Moises miingon sa katawhan, “Hinumdomi ninyo kining adlawa nga migawas kamo sa Ehipto, gikan sa balay sa kaulipnan kay ang Ginoo mikuha kaninyo gikan niining dapita pinaagi sa kusog sa iyang kamot. Walay pan nga may patubo nga inyong kaonon.

Exodo 13:9

Kini mahimo ingon nga sama sa usa ka ilhanan diha sa inyong kamot ug usa ka pahinumdom taliwala sa inyong mga mata, aron ang balaod sa Ginoo maana sa inyong baba. Kay tungod sa kusgan nga kamot gikuha kamo sa Ginoo gikan sa Ehipto.

Exodo 15:11

“Kinsa man ang sama kanimo, O Ginoo, taliwala sa mga dios? Kinsa man ang sama kanimo, halangdon diha sa pagkabalaan, kahadlokan diha sa mga mahimayaong buhat, nagbuhat sa mga katingalahan?

Exodo 15:6

Ang imong tuong kamot, O Ginoo, mahimayaon diha sa gahom, ang imong tuong kamot, O Ginoo, nagdugmok sa kaaway.

Exodo 4:21

Ug ang Ginoo miingon kang Moises, “Sa imong pagbalik sa Ehipto, tan-awa nga imong buhaton sa atubangan sa Paraon ang tanang kahibulongan nga akong gibutang sa imong kamot, apan akong pagahion ang iyang kasingkasing aron dili niya tugotan sa paglakaw ang katawhan.

Exodo 6:1

Apan ang Ginoo miingon kang Moises, “Karon imong makita kon unsay buhaton nako sa Paraon kay pinaagi sa kamot nga kusgan motugot siya sa pagpalakaw kanila ug pinaagi sa kamot nga kusgan iyang abogon sila ngadto sa gawas sa iyang yuta.”

Exodo 6:6

Busa sultihi ang katawhan sa Israel nga ako mao ang Ginoo, ug ako magpagawas kaninyo gikan sa mga kabug-at nga gipapas-an sa mga Ehiptohanon ug luwason ko kamo gikan sa ilang pagpangulipon ug lukaton ko kamo uban sa bukton nga tinuy-od ug uban sa dagkong buhat sa paghukom.

Exodo 9:15

Kay kon karon gibakyaw pa nako ang akong kamot ug gihampak ikaw ug ang imong katawhan pinaagi sa kamatay, patay na unta kamo.

Isaias 19:22

Ug kastigohon sa Ginoo ang Ehipto, samaran ug ayohon, ug sila mamalik ngadto sa Ginoo, ug siya mamati sa ilang hangyo ug ayohon sila.

Isaias 26:11

O Ginoo, ang imong kamot gibayaw, apan wala sila makakita niini. Pakit-a sila sa imong mainitong tinguha alang sa imong katawhan, ug maulawan sila. Ipaut-ot sila sa kalayo alang sa imong mga kaaway.

Ezequiel 20:33

“Ingon nga ako buhi, nag-ingon ang Ginoong Dios, pinaagi gayod sa kamot nga gamhanan, ug pinaagi sa tinuy-od nga bukton ug pinaagi sa kaligutgot nga gibubo, ako mahimong hari ibabaw kaninyo.

Miqueas 7:15

Sama sa mga adlaw sa paggula nimo gikan sa yuta sa Ehipto, ipakita nako kanila ang mga butang nga kahibulongan.

Mga Buhat 7:36

Iyang gipagula sila ug nagbuhat siya ug mga kahibulongan ug mga ilhanan didto sa Ehipto ug sa Dagat nga Pula ug sa kamingawan sulod sa 40 ka tuig.

Deuteronomio 4:34

May dios ba nga misulay sa pag-adto ug sa pagkuha alang kaniya ug usa ka nasod gikan sa taliwala sa laing nasod, pinaagi sa mga pagsulay, pinaagi sa mga ilhanan, pinaagi sa mga katingalahan, ug pinaagi sa gubat, ug pinaagi sa gamhanang kamot ug sa bukton nga tinuy-od, ug pinaagi sa mga dagkong kakuyaw, sumala sa mga butang nga gibuhat kaninyo sa Ginoo nga inyong Dios didto sa Ehipto sa atubangan sa inyong mga mata?

Deuteronomio 6:22

Ug ang Ginoo mipakita ug mga ilhanan ug mga katingalahan, dagko ug makalilisang, batok sa Ehipto ug batok sa Paraon ug sa tibuok niyang panimalay sa atubangan sa among mga mata.

Mga Maghuhukom 6:8

ang Ginoo nagpadala ug usa ka propeta ngadto sa katawhan sa Israel ug siya miingon kanila, “Mao kini ang gisulti sa Ginoo, ang Dios sa Israel: Ako nagdala kaninyo gikan sa Ehipto ug gikuha kamo nako gikan sa balay sa kaulipnan,

Mga Maghuhukom 8:16

Ug gikuha niya ang mga kadagkoan sa siyudad ug ang mga tunok sa kamingawan ug ang mga sampinit, ug pinaagi niini iyang gitudloan ang mga tawo sa Sucot.