Exodo 3:17

Ang Biblia 2011

Ug ako nagsaad sa pagkuha kaninyo gikan sa kalisdanan sa Ehipto ngadto sa yuta sa mga Canaanhon, sa mga Hitihanon, sa mga Amorihanon, sa mga Perisihanon, sa mga Hibihanon ug sa mga Jebusihanon, usa ka yuta diin nag-agas ang gatas ug dugos.” ’

Cross References

Genesis 46:4

Ako moadto uban kanimo ngadto sa Ehipto ug ako usab magdala kanimo pagbalik. Ug ang kamot ni Jose maoy magtak-op sa imong mga mata.”

Genesis 50:24

Ug si Jose miingon sa iyang mga igsoon nga lalaki, “Hapit na ako mamatay apan ang Dios magduaw kaninyo ug magdala kaninyo gikan niining yutaa ngadto sa yuta nga gisaad niya kang Abraham, kang Isaac ug kang Jacob.”

Genesis 50:25

Ug gipapanumpa ni Jose ang mga anak ni Israel, nga nag-ingon, “Ang Dios magduaw kaninyo ug dad-on ninyo gikan dinhi ang akong mga bukog.”

1 Cronicas 1:15

sa mga Hibihanon, sa mga Arkihanon, mga Sinihanon,

Salmo 102:21

aron ipadayag sa mga tawo ang ngalan sa Ginoo didto sa Zion, ug ang pagdayeg kaniya didto sa Jerusalem,

Exodo 13:5

Sa dihang dad-on na kamo sa Ginoo ngadto sa yuta sa mga Canaanhon, sa mga Hitihanon, sa mga Amorihanon, sa mga Hibihanon ug sa mga Jebusihanon, nga gipanumpa niya sa inyong mga katigulangan nga iyang ihatag kaninyo, yuta diin nag-agas ang gatas ug dugos, tumana ninyo kini nga tulumanon niining bulana.

Exodo 32:34

Karon lakaw, dad-a kining katawhan ngadto sa dapit nga akong giingon kanimo. Ang akong anghel mag-una kanimo apan sa adlaw sa akong pagduaw, duawon nako ang ilang sala diha kanila.”

Exodo 33:3

Lakaw ngadto sa yuta diin nag-agas ang gatas ug dugos apan ako dili motungas uban kaninyo kay tingali unya ug puohon ko kamo diha sa dalan, kay kamo katawhan nga tikig ug liog.”

Exodo 6:6

Busa sultihi ang katawhan sa Israel nga ako mao ang Ginoo, ug ako magpagawas kaninyo gikan sa mga kabug-at nga gipapas-an sa mga Ehiptohanon ug luwason ko kamo gikan sa ilang pagpangulipon ug lukaton ko kamo uban sa bukton nga tinuy-od ug uban sa dagkong buhat sa paghukom.

Jeremias 11:5

aron akong mabuhat ang panumpa nga akong gipanumpa sa inyong mga katigulangan, nga hatagan sila ug yuta diin nag-agas ang gatas ug dugos, ingon niining adlawa.” Unya ako mitubag, “Hinaot pa, O Ginoo.”

Jeremias 32:22

Ikaw naghatag kanila niining yutaa nga imong gipanumpa sa ilang mga katigulangan nga ihatag kanila, yuta diin nag-agas ang gatas ug dugos;

Ezequiel 20:6

Niadtong adlawa ako nanumpa kanila nga dad-on nako sila gikan sa yuta sa Ehipto, ngadto sa usa ka yuta nga akong nasusi alang kanila, yuta diin nag-agas ang gatas ug dugos, ang labing mahimayaon sa tanang mga yuta.

Levitico 20:24

Apan ako nag-ingon kaninyo, ‘Kamo makapanunod sa ilang yuta, ug ako maghatag kaninyo niini aron inyong mapanag-iya, usa ka yuta diin nag-agas ang gatas ug dugos.’ Ako mao ang Ginoo nga inyong Dios, nga naglain kaninyo gikan sa mga katawhan.

Numeros 13:27

Ug gisuginlan nila siya, “Miabot kami sa yuta nga imong gipaadtoan kanamo, ang gatas ug dugos nag-agas diha niini ug kini mao ang bunga niini.

Deuteronomio 26:9

Ug kami gidala niya niining dapita ug gihatag kanamo kining yutaa, yuta diin nag-agas ang gatas ug dugos.

Deuteronomio 6:3

Busa pamati, O Israel, ug tinguhaa ang pagbuhat niini aron mamaayo ang inyong kahimtang, ug aron modaghan kamo pag-ayo sumala sa gisaad kaninyo sa Ginoo, ang Dios sa inyong mga katigulangan, didto sa yuta diin nag-agas ang gatas ug dugos.

Josue 24:11

Ug mitabok kamo sa Jordan ug miadto sa Jerico, ug ang mga tawo sa Jerico nakig-away batok kaninyo ug usab ang mga Amorihanon, ang mga Perisihanon, ang mga Canaanhon, ang mga Hitihanon, ang mga Gergasihanon, ang mga Hibihanon ug ang mga Jebusihanon. Ug gitugyan nako sila sa inyong mga kamot.

Josue 5:6

Kay ang katawhan sa Israel nagpanaw sulod sa 40 ka tuig didto sa kamingawan hangtod nga ang tibuok nga nasod, ang mga tawo nga manggugubat nga nanggula sa Ehipto, nangamatay kay sila wala mamati sa tingog sa Ginoo. Kanila ang Ginoo nanumpa nga dili niya sila pakit-on sa yuta nga gipanumpa sa Ginoo ngadto sa ilang katigulangan nga iyang ihatag kanato, usa ka yuta diin nag-agas ang gatas ug dugos.

Josue 9:1

Sa pagkadungog niini sa tanang mga hari nga diha sa tabok sa Jordan, sa kabungtoran ug sa kapatagan, sa tanang kabaybayonan sa Dakong Dagat ngadto sa Lebanon, mga hari sa Hitihanon, sa Amorihanon, sa Canaanhon, sa Perisihanon, sa Hibihanon ug sa Jebusihanon,