Exodo 3:16

Ang Biblia 2011

Lakaw ug tigoma ang mga kadagkoan sa Israel ug ingna sila, ‘Si Yahweh, ang Dios sa inyong mga katigulangan, ang Dios ni Abraham, ni Isaac ug ni Jacob, mitungha kanako nga nag-ingon, “Ako nagtan-aw kaninyo ug sa gibuhat kaninyo didto sa Ehipto.

Cross References

Genesis 1:7

Busa gibuhat sa Dios ang wanang ug gilain niya ang katubigan nga diha sa ilalom sa wanang gikan sa katubigan nga diha sa ibabaw sa wanang. Ug nahimo kini.

Genesis 21:1

Ang Ginoo miduaw kang Sarah sumala sa gisulti niya ug ang Ginoo mibuhat ngadto kang Sarah sumala sa iyang gisaad.

Genesis 28:13

Ug didto ang Ginoo nagtindog sa ibabaw niini, ug miingon, “Ako mao ang Ginoo, ang Dios ni Abraham nga imong amahan ug ang Dios ni Isaac. Ang yuta nga imong gihigdaan ihatag ko kanimo ug sa imong kaliwatan.

Genesis 48:15

Ug gipanalanginan niya si Jose, ug siya miingon, “Ang Dios nga sa iyang atubangan naglakaw ang akong katigulangan nga si Abraham ug si Isaac, ang Dios nga nagtultol kanako sa tibuok nakong kinabuhi hangtod niining adlawa,

Genesis 50:24

Ug si Jose miingon sa iyang mga igsoon nga lalaki, “Hapit na ako mamatay apan ang Dios magduaw kaninyo ug magdala kaninyo gikan niining yutaa ngadto sa yuta nga gisaad niya kang Abraham, kang Isaac ug kang Jacob.”

Salmo 102:21

aron ipadayag sa mga tawo ang ngalan sa Ginoo didto sa Zion, ug ang pagdayeg kaniya didto sa Jerusalem,

Salmo 33:18

Tan-awa, ang mata sa Ginoo anaa sa mga may kahadlok kaniya, sa mga nagsalig sa iyang gugmang walay paglubad,

Salmo 8:4

unsa ba ang tawo nga ikaw matinagdanon man kaniya ug ang anak sa tawo nga ikaw mag-atiman man kaniya?

Exodo 1:8

Unya dihay miabot nga usa ka bag-ong hari sa Ehipto nga wala makaila kang Jose.

Exodo 13:19

Gidala ni Moises ang mga bukog ni Jose, kay si Jose nanumpa man sa katawhan sa Israel nga nag-ingon, “Ang Dios moduaw kaninyo ug dad-a ninyo ang akong mga bukog uban kaninyo gikan dinhi.”

Exodo 15:14

Ang mga katawhan nakadungog, ug sila nangurog; gihakop sa mga kasakit ang nagpuyo sa Filistia.

Exodo 17:5

Ang Ginoo miingon kang Moises, “Una paglakaw sa katawhan ug dad-a uban kanimo ang pipila ka kadagkoan sa Israel. Bitbita ang imong sungkod nga imong gibunal sa suba, ug lakaw.

Exodo 18:12

Ug si Jetro nga ugangan ni Moises mikuha ug halad nga sunogon ug mga halad alang sa Dios. Ug si Aaron miadto uban sa tanang mga kadagkoan sa Israel aron sa pagpangaon ug pan uban sa ugangan ni Moises atubangan sa Dios.

Exodo 2:25

Ug nakita sa Dios ang katawhan sa Israel ug ang Dios nahibalo sa ilang kahimtang.

Exodo 24:11

Ug wala niya bakyawa ang iyang mga kamot ngadto sa mga kadagkoan sa katawhan sa Israel, ug nakakita sila sa Dios ug nangaon sila ug nanginom.

Exodo 3:2

Didto ang anghel sa Ginoo mipakita kaniya pinaagi sa usa ka siga sa kalayo sa taliwala sa usa ka sampinit. Ug siya mitan-aw ug nakita niya nga ang sampinit nagsiga apan wala kini maugdaw.

Exodo 3:6

Ug siya miingon, “Ako mao ang Dios sa imong amahan, ang Dios ni Abraham, ang Dios ni Isaac ug ang Dios ni Jacob.” Unya gitago ni Moises ang iyang nawong kay siya nahadlok nga motan-aw sa Dios.

Exodo 4:1

Unya si Moises mitubag, “Apan dili sila motuo kanako ug dili mamati sa akong tingog, kay sila moingon, ‘Ang Ginoo wala magpakita kanimo.’ ”

Exodo 4:29

Unya si Moises ug si Aaron miadto ug gitigom ang tanang pangulo sa katawhan sa Israel.

Exodo 4:31

Ug ang katawhan mituo. Sa pagkadungog nila nga ang Ginoo miduaw sa katawhan sa Israel ug nga nakita niya ang ilang kasakitan, giduko nila ang ilang mga ulo ug misimba sila.

Exodo 4:5

“Unya sila motuo nga nagpakita kanimo ang Ginoo, ang Dios sa ilang mga katigulangan, ang Dios ni Abraham, ang Dios ni Isaac ug ang Dios ni Jacob.”

Mateo 26:3

Unya ang mga pangulong pari ug ang mga kadagkoan sa katawhan nagtigom sa balay sa labawng pangulong pari nga ginganlan ug Caifas

Lucas 1:68

“Dalaygon ang Ginoong Dios sa Israel, tungod kay iyang giduaw ug gilukat ang iyang katawhan.

Lucas 19:44

ug ipusdak sa yuta, ikaw ug ang imong mga kabataan sa sulod nimo, ug dili nila ikaw bilinan ug usa ka bato nga magpatong sa laing bato, kay ikaw wala man makahibalo sa panahon sa pagduaw sa Dios kanimo.”

Mga Buhat 11:30

Ug kini gibuhat nila, gipadala kini ngadto sa mga kadagkoan pinaagi sa mga kamot ni Bernabe ug ni Saulo.

Mga Buhat 15:14

Si Simeon nagsugilon kanato kon giunsa sa Dios pagduaw ug una ang mga Gentil aron sa pagkuha ug usa ka katawhan gikan kanila alang sa iyang ngalan.

Mga Buhat 20:17

Gikan sa Mileto nagpasugo siya ngadto sa Efeso sa pagtawag sa mga kadagkoan sa iglesia.

1 Pedro 2:12

Pagbaton kamo ug ligdong nga pagkinabuhi uban sa mga Gentil, aron nga bisan kon moingon sila nga kamo mga tigbuhat ug daotan, tungod sa ilang pagkakita sa inyong mga maayong binuhatan, sila maghimaya sa Dios unya sa adlaw sa iyang pag-anhi.

1 Pedro 5:1

Busa ako magtambag sa mga kadagkoan diha kaninyo, ingon nga kauban ug saksi sa mga pag-antos ni Cristo, ug mag-aambit usab sa himaya nga ipadayag unya.

Ruth 1:6

Unya siya nangandam uban sa iyang mga umagad nga babaye aron mopauli gikan sa yuta sa Moab, kay nakadungog siya didto sa yuta sa Moab nga ang Ginoo miduaw sa iyang katawhan ug mihatag kanila ug pagkaon.