Exodo 3:15

Ang Biblia 2011

Ang Dios miingon usab kang Moises, “Mao kini ang isulti nimo sa katawhan sa Israel, ‘Si Yahweh,, ang Dios sa inyong mga katigulangan, ang Dios ni Abraham, ang Dios ni Isaac ug ang Dios ni Jacob, nagsugo kanako nganhi kaninyo.’ Kini mao ang akong ngalan hangtod sa kahangtoran ug mao nga mahinumdoman ako sa tanang kaliwatan.

Cross References

Genesis 24:12

Ug siya miingon, “O Ginoo, Dios sa akong agalon nga si Abraham, nangaliyupo ako, palamposa ako sa akong lakaw karong adlawa, ug kaluy-i ang akong agalon nga si Abraham.

1 Cronicas 16:16

ang kasabotan nga iyang gihimo uban kang Abraham, ang iyang saad nga gipanumpa kang Isaac,

1 Cronicas 29:18

O Ginoo, ang Dios ni Abraham, ni Isaac ug ni Israel, among katigulangan, bantayi hangtod sa kahangtoran kining mga katuyoan ug mga hunahuna sa kasingkasing sa imong katawhan, ug tultuli ang ilang kasingkasing nganha kanimo.

2 Cronicas 28:9

Apan adunay usa ka propeta sa Ginoo didto, nga ang ngalan mao si Oded, ug migula siya aron sa pagtagbo sa kasundalohan nga miadto sa Samaria ug miingon kanila, “Tan-awa, tungod kay ang Ginoo, ang Dios sa inyong mga katigulangan nasuko batok sa Juda, iyang gitugyan sila nganha sa inyong kamot, apan gipamatay ninyo sila sa kasuko nga milanog ngadto sa langit.

Salmo 102:12

Apan ikaw, O Ginoo, magpabilin sa imong trono hangtod sa kahangtoran; ang imong ngalan naglungtad hangtod sa tanang kaliwatan.

Salmo 102:13

Ikaw motindog ug maluoy sa Zion, kay panahon na sa pagkaluoy kaniya; ang panahon nga gitakda miabot na.

Salmo 135:13

Ang imong ngalan, O Ginoo, molungtad hangtod sa kahangtoran, ang imong kabantog, O Ginoo, sa tanang mga kaliwatan.

Salmo 30:4

Pag-awit ug mga pagdayeg ngadto sa Ginoo, O kamo nga iyang mga balaan, ug pagpasalamat sa iyang balaan nga ngalan.

Salmo 30:5

Kay ang iyang kasuko makadiyot lamang, ug ang iyang kaluoy alang sa tibuok kinabuhi. Ang paghilak mopabilin sa kagabhion, apan ang kalipay moabot uban sa kabuntagon.

Salmo 68:5

Amahan sa mga wala nay amahan ug tigpanalipod sa mga biyuda ang Dios nga anaa sa iyang balaang puluy-anan.

Salmo 72:17

Ang iyang ngalan molungtad unta hangtod sa kahangtoran, ang iyang ngalan magpadayon unta ingon nga nagpadayon pa ang adlaw! Ang katawhan mabulahan unta diha kaniya, ang tanang kanasoran motawag kaniya nga bulahan!

Salmo 72:19

Dalaygon ang iyang mahimayaong ngalan hangtod sa kahangtoran; mapuno unta sa iyang himaya ang tibuok nga yuta! Amen ug Amen!

Exodo 15:2

Ang Ginoo mao ang akong kusog ug akong awit, ug siya nahimo nga akong kaluwasan; kini mao ang akong Dios, ug ako magdayeg kaniya, ang Dios sa akong katigulangan, ug pasidunggan nako siya.

Exodo 15:3

Ang Ginoo manggugubat; Yahweh ang iyang ngalan.

Exodo 3:13

Unya si Moises miingon sa Dios, “Kon ako moadto sa katawhan sa Israel, ug moingon kanila, ‘Ang Dios sa inyong mga katigulangan nagsugo kanako nganhi kaninyo,’ ug kon sila mangutana kanako, ‘Unsay iyang ngalan?’ unsa ang isulti nako kanila?”

Exodo 3:6

Ug siya miingon, “Ako mao ang Dios sa imong amahan, ang Dios ni Abraham, ang Dios ni Isaac ug ang Dios ni Jacob.” Unya gitago ni Moises ang iyang nawong kay siya nahadlok nga motan-aw sa Dios.

Exodo 4:1

Unya si Moises mitubag, “Apan dili sila motuo kanako ug dili mamati sa akong tingog, kay sila moingon, ‘Ang Ginoo wala magpakita kanimo.’ ”

Exodo 4:5

“Unya sila motuo nga nagpakita kanimo ang Ginoo, ang Dios sa ilang mga katigulangan, ang Dios ni Abraham, ang Dios ni Isaac ug ang Dios ni Jacob.”

Exodo 6:2

Ug ang Dios miingon kang Moises, “Ako mao ang Ginoo.

Mga Panultihon 18:10

Ang ngalan sa Ginoo maoy usa ka lig-ong tore; ang matarong modagan ngadto niini ug maluwas.

Isaias 26:8

Diha sa dalan sa imong mga paghukom, O Ginoo, kami naghulat kanimo; ang imong ngalan nga halandomon mao ang tinguha sa among kalag.

Isaias 42:8

Ako si Yahweh, mao kana ang akong ngalan; ang akong himaya dili nako ihatag sa uban o ang akong pagdayeg ngadto sa mga kinulit nga mga larawan.

Isaias 63:12

nga nagpaadto sa iyang mahimayaong bukton uban sa tuong kamot ni Moises, nga nagbahin sa katubigan sa ilang atubangan, aron sa paghimo alang sa iyang kaugalingon ug usa ka ngalan nga walay kataposan,

Isaias 9:6

Kay alang kanato ang usa ka bata natawo, alang kanato ang usa ka anak nga lalaki gihatag, ug ang kagamhanan ipahiluna sa iyang abaga, ug ang iyang ngalan tawgon ug “Kahibulongang Magtatambag, Dios nga Makagagahom, Amahan nga Walay Kataposan, Prinsipe sa Pakigdait.”

Jeremias 33:2

“Mao kini ang giingon sa Ginoo, nga nagbuhat sa kalibotan, ang Ginoo nga nag-umol niini aron sa pagtukod niini, Yahweh ang iyang ngalan:

Daniel 2:23

Nganha kanimo, O Dios sa akong mga katigulangan, ako nagpasalamat ug nagdayeg kay ikaw naghatag kanako ug kaalam ug kalig-on ug nagpadayag kanako sa among gipangayo kanimo, kay imong gipadayag kanamo ang butang mahitungod sa hari.”

Oseas 12:5

Ang Ginoo, ang Dios sa mga panon, Yahweh mao ang iyang ngalan!

Oseas 12:6

Busa ikaw, balik sa imong Dios, hupti ang gugma ug hustisya ug paghulat nga mapadayonon alang sa imong Dios.

Levitico 24:11

Ang lalaki nga anak sa babaye nga Israelinhon mipasipala sa Ngalan ug nanunglo. Ug gidala nila siya ngadto kang Moises. Ang iyang inahan ginganlan ug Selomit, anak ni Debri, sa banay ni Dan.

Miqueas 4:5

Kay ang tanang mga katawhan maglakaw, ang matag usa sa ngalan sa iyang dios, apan kita maglakaw diha sa ngalan sa Ginoo nga atong Dios hangtod sa kahangtoran.

Malaquias 3:6

“Kay ako, ang Ginoo, dili mausab, busa kamo, mga anak ni Jacob, wala mapuo.

Mateo 22:32

‘Ako mao ang Dios ni Abraham, ug ang Dios ni Isaac, ug ang Dios ni Jacob’? Siya dili Dios sa mga patay, kondili sa mga buhi.”

Mga Buhat 3:13

Ang Dios ni Abraham ug ni Isaac ug ni Jacob, ang Dios sa atong katigulangan, nagpasidungog sa iyang alagad nga si Jesus, nga inyong gitugyan ug gilimod sa atubangan ni Pilato nga mihukom na unta sa pagbuhi kaniya.

Mga Buhat 7:32

‘Ako mao ang Dios sa imong mga katigulangan, ang Dios ni Abraham ug ni Isaac ug ni Jacob.’ Ug si Moises mikurog ug wala na mangahas sa pagtan-aw.

Deuteronomio 1:11

Hinaot pa nga ang Ginoo, ang Dios sa inyong katigulangan, maghimo kaninyo nga libo ka pilo sa inyong gidaghanon karon ug magpanalangin kaninyo, sumala sa iyang gisaad kaninyo!

Deuteronomio 1:35

‘Walay usa niining katawhan niining daotan nga kaliwatan nga makakita sa maayong yuta nga gipanumpa nako nga ihatag sa inyong katigulangan,

Deuteronomio 4:1

“Ug karon, O Israel, tumana ang mga lagda ug ang mga tulumanon nga akong gitudlo kaninyo, ug buhata kini aron mabuhi kamo, ug mosulod ug manag-iya sa yuta nga gihatag kaninyo sa Ginoo, ang Dios sa inyong mga katigulangan.

Mga Hebreo 11:16

Apan ang tinuod mao nga ilang gitinguha ang usa ka labaw pa ka maayong yuta, nga sa ato pa, langitnon. Tungod niana ang Dios dili maulaw nga angkonon nga ilang Dios kay siya nakaandam na man ug lungsod alang kanila.

Mga Hebreo 13:8

Si Jesu-Cristo mao sa gihapon kagahapon ug karon ug hangtod sa kahangtoran.