Exodo 3:12

Ang Biblia 2011

Siya miingon, “Ako mag-uban kanimo ug kini mao ang ilhanan alang kanimo nga ikaw akong gisugo: sa dihang makuha na nimo ang katawhan gikan sa Ehipto, mag-alagad kamo sa Dios dinhi niining bukira.”

Cross References

Genesis 15:1

Human niining mga butanga, ang pulong sa Ginoo miabot kang Abram pinaagi sa usa ka panan-awon, “Ayaw kahadlok, Abram, ako mao ang imong taming ug ang imong ganti dako kaayo.”

Genesis 15:8

Apan siya miingon, “O Ginoong Dios, unsaon man nako pagkasayod nga maako kini?”

Genesis 26:3

Puyo dinhi niining yutaa, ug ako mag-uban kanimo ug ikaw akong panalanginan, kay kanimo ug sa imong kaliwatan, ihatag nako kining tanang mga yuta ug tumanon nako ang gipanumpa nako kang Abraham nga imong amahan.

Genesis 31:3

Unya ang Ginoo miingon kang Jacob, “Balik ngadto sa yuta sa imong katigulangan ug sa imong mga kadugo, kay ako mag-uban kanimo.”

2 Mga Hari 19:29

“Ug kini mao ang ilhanan kanimo: karong tuiga magkaon kamo sa abot nga wala ipugas ug sa ikaduha nga tuig, niadtong motubo sa mao gihapon, ug sa ikatulo nga tuig magpugas kamo, mag-ani ug magtanom ug mga paras, ug kaonon ninyo ang bunga niini.

1 Cronicas 9:20

Si Pinehas nga anak ni Eleasar mao ang pangulo nila sa miaging panahon, ug ang Ginoo nag-uban kaniya.

Salmo 86:17

Ipakita kanako ang usa ka ilhanan sa imong kaluoy, aron sila nga nagdumot kanako makakita niini ug maulawan, tungod kay ikaw, Ginoo, nagtabang kanako ug naghupay kanako.

Exodo 18:5

Si Jetro nga ugangan ni Moises, uban sa mga anak nga lalaki ni Moises ug sa iyang asawa, miadto kang Moises sa kamingawan diin siya nagkampo didto sa bukid sa Dios.

Exodo 3:1

Samtang si Moises nagbantay sa panon sa mga hayop ni Jetro nga iyang ugangan nga pari sa Midian, iyang gidala ang panon sa mga hayop ngadto sa kasadpang bahin sa kamingawan ug miadto sa Horeb, ang bukid sa Dios.

Exodo 3:13

Unya si Moises miingon sa Dios, “Kon ako moadto sa katawhan sa Israel, ug moingon kanila, ‘Ang Dios sa inyong mga katigulangan nagsugo kanako nganhi kaninyo,’ ug kon sila mangutana kanako, ‘Unsay iyang ngalan?’ unsa ang isulti nako kanila?”

Exodo 33:14

Ug ang Ginoo miingon, “Ang akong presensiya mag-uban kanimo, ug ako maghatag kanimo ug pahulay.”

Exodo 4:12

Busa lakaw, kay ako mag-uban sa imong baba ug magtudlo kanimo kon unsa ang imong isulti.”

Exodo 4:15

Ug ikaw mosulti kaniya ug magbutang sa mga pulong sa iyang baba ug ako mag-uban sa imong baba ug sa iya usab ug ako magtudlo kaninyo sa inyong buhaton.

Exodo 8:27

Manglakaw kami ug tulo ka adlaw nga panaw ngadto sa kamingawan ug maghalad kami ngadto sa Ginoo nga among Dios sumala sa iyang isugo kanamo.”

Isaias 37:30

“Ug kini mao ang ilhanan alang kanimo: niining tuiga kamo magkaon sa moturok sa iyang kaugalingon lamang ug sa ikaduha nga tuig niadtong motubo sa mao gihapon, ug sa ikatulo nga tuig magpugas kamo ug mag-ani, ug magtanom ug mga parasan, ug magkaon sa bunga niini.

Isaias 41:10

ayaw kahadlok, kay ania ako uban kanimo, ayaw kabalaka, kay ako mao ang imong Dios; lig-onon ko ikaw ug tabangan ko ikaw, ituboy ko ikaw pinaagi sa akong madaogon nga tuong kamot.

Isaias 43:2

Sa diha nga ikaw molatas sa katubigan ako mag-uban kanimo, ug sa mga kasapaan, kini dili makalapaw kanimo; sa diha nga ikaw maglakaw latas sa kalayo, ikaw dili masunog ug ang kalayo dili maglamoy kanimo.

Isaias 7:14

Busa ang Ginoo gayod maoy maghatag kaninyo ug usa ka ilhanan. Tan-awa, ang usa ka batan-ong babaye magsamkon, ug manganak ug usa ka batang lalaki, ug tawgon ang iyang ngalan ug Emmanuel.

Jeremias 1:8

Ayaw kahadlok kanila kay ako mag-uban kanimo aron sa pagluwas kanimo, nag-ingon ang Ginoo.”

Numeros 16:28

Ug si Moises miingon, “Pinaagi niini maila ninyo nga ang Ginoo nagsugo kanako aron sa pagbuhat niining mga buluhaton, kay wala nako kini buhata gikan sa akong kaugalingong hunahuna.

Numeros 23:21

Siya wala makakita ug kadaotan diha kang Jacob; o makakaplag ug kasamok diha sa Israel. Ang Ginoo nga ilang Dios nag-uban kanila, ug ang singgit sa usa ka hari anaa sa taliwala kanila.

Mateo 28:20

nga magtudlo kanila sa pagtuman sa tanan nga akong gisugo kaninyo, ug tan-awa, ako mag-uban kaninyo kanunay hangtod sa kataposan sa kapanahonan.”

Marcos 16:20

Ug nanglakaw sila ug nagwali didto sa tanang dapit ug ang Ginoo nagbuhat uban kanila ug nagpamatuod sa pulong pinaagi sa mga ilhanan nga nag-uban niini. Amen.]

Mga Buhat 11:21

Ug ang kamot sa Ginoo uban kanila ug daghan ang mituo ug nakabig ngadto sa Ginoo.

Mga Buhat 7:7

‘Apan akong hukman ang nasod nga ilang alagaran,’ nag-ingon ang Dios, ‘ug human niana sila mamiya gikan didto ug magsimba kanako dinhi niining dapita.’

Roma 8:31

Busa unsa may atong isulti mahitungod niini? Kon ang Dios dapig kanato, kinsa man ang mobatok kanato?

Deuteronomio 31:23

Ug ang Ginoo mihatag sa sugo kang Josue nga anak ni Nun ug miingon, “Pagmalig-on ug pagmadasigon, kay ikaw magdala sa mga anak ni Israel ngadto sa yuta nga gipanumpa nako nga ihatag kanila ug ako mag-uban kanimo.”

Mga Hebreo 13:5

Bantayi ang inyong kinabuhi nga malikay sa pagkamahigugmaon sa salapi ug himoa nga matagbaw kamo sa inyong mga naangkon karon, kay siya gayod mao ang nag-ingon, “Dili ko gayod ikaw pasagdan o biyaan.”

Josue 1:5

Walay tawo nga makabarog batok kanimo sa tanang mga adlaw sa imong kinabuhi, ingon nga ako nag-uban kang Moises, mag-uban usab ako kanimo. Dili ko ikaw pakyason o biyaan.

Mga Maghuhukom 6:12

Ug ang anghel sa Ginoo mipakita kaniya ug miingon, “Ang Ginoo nag-uban kanimo, ikaw nga tawong kusgan ug isog.”

Mga Maghuhukom 6:16

Ang Ginoo miingon kaniya, “Apan ako mag-uban kanimo, ug buntogon nimo ang mga Midianhon sama sa usa ka tawo.”

Mga Maghuhukom 6:17

Ug si Gideon miingon kaniya, “Kon karon ako nakakaplag ug kahimuot sa imong mga mata, pakitai ako ug usa ka ilhanan nga ikaw ang nakigsulti kanako.

Mga Maghuhukom 6:21

Unya ang anghel sa Ginoo mikab-ot pinaagi sa tumoy sa sungkod nga diha sa iyang kamot ug gitandog ang karne ug ang mga pan nga walay patubo, ug dihay migula nga kalayo gikan sa bato ug milamoy sa karne ug sa mga pan nga walay patubo. Ug ang anghel sa Ginoo nawala gikan sa iyang panan-aw.

Mga Maghuhukom 7:11

Ug ikaw makadungog unsay ilang isulti ug unya ang imong mga kamot malig-on sa paglugsong batok sa kampo.” Unya milugsong siya uban kang Pura nga iyang sulugoon ngadto sa kinadaplinang bahin sa kampo sa kasundalohan.

1 Samuel 14:10

Apan kon moingon sila, ‘Ngari kamo kanamo,’ mangadto usab kita kay ang Ginoo nagtugyan kanila sa atong kamot ug kini maoy ilhanan alang kanato.”