Exodo 3:1

Ang Biblia 2011

Samtang si Moises nagbantay sa panon sa mga hayop ni Jetro nga iyang ugangan nga pari sa Midian, iyang gidala ang panon sa mga hayop ngadto sa kasadpang bahin sa kamingawan ug miadto sa Horeb, ang bukid sa Dios.

Cross References

1 Mga Hari 19:19

Busa mibiya siya gikan didto ug nakita si Eliseo nga anak ni Safat nga nagdaro uban ang napulo ug duha ka yugo sa mga baka nga nag-una kaniya ug siya diha sa ikanapulo ug duha. Ug si Elias miagi kaniya ug miitsa sa iyang kupo ngadto kaniya.

1 Mga Hari 19:8

Ug siya mibangon ug mikaon ug miinom ug siya milakaw nga baskog tungod sa pagkaon, sulod sa 40 ka adlaw ug 40 ka gabii ngadto sa Horeb, ang bukid sa Dios.

Salmo 106:19

Nagbuhat sila ug nating baka didto sa Horeb, ug nagsimba sa usa ka larawan nga tinunaw.

Exodo 17:6

Motindog ako sa imong atubangan didto sa ibabaw sa bato sa Horeb ug bunali ang bato. Gikan niini motubod ang tubig nga mainom sa katawhan.” Ug gibuhat kini ni Moises sa atubangan sa mga kadagkoan sa Israel.

Exodo 18:12

Ug si Jetro nga ugangan ni Moises mikuha ug halad nga sunogon ug mga halad alang sa Dios. Ug si Aaron miadto uban sa tanang mga kadagkoan sa Israel aron sa pagpangaon ug pan uban sa ugangan ni Moises atubangan sa Dios.

Exodo 19:11

Ug paandama sila sa ikatulong adlaw kay sa ikatulong adlaw mokunsad ang Ginoo sa Bukid sa Sinai, sa atubangan sa tanang katawhan.

Exodo 19:2

Ug sa pagbiya nila sa Refidim ug sa pag-abot nila sa kamingawan sa Sinai, nagkampo sila sa kamingawan ug didto ang Israel magkampo sa atubangan sa bukid.

Exodo 19:3

Unya si Moises mitungas ngadto sa Dios ug ang Ginoo mitawag kaniya gikan sa bukid nga nag-ingon, “Mao kini ang isulti sa panimalay ni Jacob ug sultihi ang katawhan sa Israel:

Exodo 2:16

Unya ang pari sa Midian adunay pito ka anak nga babaye ug miadto sila sa pagkalos ug tubig ug gipuno nila ang mga pasungan nga imnanan sa mga karnero sa ilang amahan.

Exodo 2:18

Sa ilang pagpauli, ang ilang amahan nga si Reuel miingon kanila, “Nganong sayo man kamong miabot karong adlawa?”

Exodo 2:21

Ug si Moises miuyon sa pagpuyo uban niadtong tawhana ug iyang gihatag kang Moises ang iyang anak nga babaye nga si Zipora.

Exodo 24:13

Unya mitindog si Moises, uban kang Josue nga iyang kaabag ug mitungas siya ngadto sa bukid sa Dios.

Exodo 3:12

Siya miingon, “Ako mag-uban kanimo ug kini mao ang ilhanan alang kanimo nga ikaw akong gisugo: sa dihang makuha na nimo ang katawhan gikan sa Ehipto, mag-alagad kamo sa Dios dinhi niining bukira.”

Exodo 3:5

Unya ang Dios miingon, “Ayaw pagduol. Huboa ang imong mga sandalyas gikan sa imong mga tiil, kay ang dapit nga imong gitindogan yuta nga balaan.”

Exodo 33:6

Busa ang katawhan sa Israel nanangtang sa ilang mga alahas sukad sa Bukid sa Horeb.

Exodo 4:18

Unya si Moises mibalik ngadto kang Jetro nga iyang ugangan ug miingon kaniya, “Naghangyo ako kanimo, pabalika ako ngadto sa akong mga kadugo nga atua sa Ehipto ug akong tan-awon kon buhi pa ba sila.” Ug si Jetro miingon kang Moises, “Lakaw nga malinawon.”

Exodo 4:27

Unya ang Ginoo miingon kang Aaron, “Adto sa kamingawan aron sa pagsugat kang Moises.” Ug siya miadto ug misugat kang Moises didto sa bukid sa Dios ug mihalok kaniya.

Amos 1:1

Ang mga pulong ni Amos nga usa sa mga tigbantay sa karnero sa Tekoa, nga iyang nakita mahitungod sa Israel sa mga adlaw ni Uzias nga hari sa Juda ug sa mga adlaw ni Jeroboam nga anak ni Joas nga hari sa Israel, duha ka tuig sa wala pa ang linog.

Malaquias 4:4

“Hinumdomi ninyo ang Balaod ni Moises nga akong alagad, ang mga lagda ug mga tulumanon nga akong gisugo kaniya didto sa Horeb alang sa tibuok Israel.

Numeros 10:29

Ug si Moises miingon kang Hobab, ang anak ni Reuel nga Midianhon ug ugangan ni Moises, “Kami manglakaw padulong sa dapit nga giingon sa Ginoo, ‘Ihatag ko kini kaninyo.’ Uban kanamo ug magbuhat kami ug maayo kanimo kay ang Ginoo nagsulti ug maayo mahitungod sa Israel.”

Numeros 10:33

Busa mipanaw sila gikan sa bukid sa Ginoo sulod sa tulo ka adlaw nga paglakaw ug ang sudlanan sa kasabotan sa Ginoo nag-una kanila sulod sa tulo ka adlaw nga panaw sa pagpangita ug dapit nga kapahulayan alang kanila.

Lucas 2:8

Niadtong dapita dihay mga tigbantay sa karnero nga didto sa kapatagan, nagpulaw sa pagbantay sa ilang mga hayop.

Mga Buhat 7:30

“Unya sa dihang milabay ang 40 ka tuig, mipakita kaniya ang usa ka anghel didto sa kamingawan sa Bukid sa Sinai, diha sa nagdilaab nga sampinit.

Deuteronomio 1:2

Napulo ug usa ka adlaw kini nga panaw gikan sa Horeb agi sa dalan sa Bukid sa Seir ngadto sa Kades-barnea.

Deuteronomio 1:6

“Ang Ginoo nga atong Dios misulti kanato didto sa Horeb, ‘Kamo nakapuyo ug dugaydugay niining bukira.

Deuteronomio 4:10

nga niadtong adlaw nga nagtindog ikaw sa atubangan sa Ginoo nga imong Dios didto sa Horeb, kon giunsa sa Ginoo pag-ingon kanako, ‘Tigoma nganhi kanako ang katawhan aron papamation nako sila sa akong mga pulong, aron sila makakat-on sa pagkahadlok kanako sa tanang mga adlaw nga magpuyo sila sa yuta ug aron matudloan nila ang ilang mga kabataan sa ingon.’

Mga Maghuhukom 4:11

Unya si Heber nga Kenihanon mibulag gikan sa mga Kenihanon nga mga kaliwat ni Hobab, ang ugangan nga lalaki ni Moises, ug nagpatindog sa iyang tolda diha sa dagkong kahoy sa Zaananim nga duol sa Kedes.

1 Samuel 16:11

Si Samuel miingon kang Jesse, “Ania ba dinhi ang tanan nimong mga anak?” Ug siya miingon, “Aduna pay nahibilin nga kamanghoran ug atua siya nagbantay sa mga karnero.” Ug si Samuel miingon kang Jesse, “Pasugoi ug ipakuha siya, kay dili kita manglingkod hangtod nga moabot siya dinhi.”