Exodo 29:7

Ang Biblia 2011

Unya dad-a ang lana nga igdidihog ug ibubo sa ibabaw sa iyang ulo ug dihogi siya.

Cross References

Salmo 133:2

Kini sama sa bililhong lana nga anaa sa ulo, nagdaligdig sa bungot, sa bungot ni Aaron, nagdaligdig sa liab sa iyang mga bisti!

Salmo 89:20

Nakaplagan nako si David nga akong alagad; gidihogan nako siya sa akong lana nga balaan;

Exodo 28:41

Ug ipasul-ob kini kang Aaron nga imong igsoon ug sa iyang mga anak uban kaniya, ug dihogi sila ug gahina sila ug balaana aron sila mag-alagad kanako ingon nga mga pari.

Exodo 40:13

Ug isul-ob kang Aaron ang mga bisti nga balaan, ug dihogi siya ug ihalad siya aron siya mag-alagad kanako ingon nga pari.

Isaias 61:1

Ang Espiritu sa Ginoong Dios ania kanako, tungod kay gidihogan ako sa Ginoo aron sa pagdala sa maayong balita ngadto sa mga sinakit; ako gipaanhi niya aron sa pagbugkos sa mga nadugmok nga kasingkasing, aron sa pagmantala sa kagawasan sa mga binihag, ug sa pag-abli sa bilanggoan alang sa mga ginapos;

Levitico 10:7

Ayaw kamo panggula gikan sa pultahan sa tolda nga tagboanan, aron kamo dili mangamatay kay ang lana nga igdidihog sa Ginoo gidihog man kaninyo.” Ug sila nagbuhat sumala sa pulong ni Moises.

Levitico 21:10

“Ang labawng pari taliwala sa iyang mga igsoon, nga ang ulo gibuboan ug lana nga igdidihog ug nga gibalaan aron magsul-ob sa mga balaang bisti, dili magpadunghay sa buhok sa iyang ulo o maggisi sa iyang mga bisti.

Levitico 21:12

Dili siya mogula sa balaang dapit o maghugaw sa balaang dapit sa iyang Dios kay ang pagbalaan sa lana nga igdidihog sa iyang Dios anaa kaniya. Ako mao ang Ginoo.

Levitico 7:35

Kini mao ang bahin ni Aaron ug sa iyang mga anak nga lalaki gikan sa mga halad pinaagi sa kalayo alang sa Ginoo, nga gigahin alang kanila sa adlaw nga sila gihalad aron mag-alagad sa Ginoo ingon nga mga pari.

Zacarias 4:14

Unya miingon siya, “Kini mao ang duha ka dinihogan nga nagtindog duol sa Ginoo sa tibuok kalibotan.”

Numeros 35:25

ug ang katilingban magluwas sa mamumuno gikan sa kamot sa manimalos sa dugo ug ang katilingban magpahiuli kaniya ngadto sa iyang siyudad nga dalangpanan, diin siya modangop. Siya magpuyo didto hangtod sa kamatayon sa labawng pari nga gidihogan sa lana nga balaan.

Juan 3:34

Siya nga gipadala sa Dios nagsulti sa mga pulong sa Dios kay sa walay sukod gihatag sa Dios ang Espiritu.

1 Juan 2:27

hinuon ang pagdihog nga inyong nadawat gikan kaniya nagpabilin diha kaninyo ug kamo wala magkinahanglan nga aduna pay magtudlo kaninyo, ug ingon nga ang iyang pagdihog kaninyo nagtudlo man kaninyo mahitungod sa tanang butang, ug matuod kini ug dili bakak, sumala sa gitudlo niya kaninyo, pabilin kamo diha kaniya.