Exodo 29:4

Ang Biblia 2011

Dad-a si Aaron ug ang iyang mga anak nga lalaki ngadto sa pultahan sa tolda nga tagboanan ug hugasi sila sa tubig.

Cross References

Exodo 26:36

“Pagbuhat ug tabil alang sa pultahan sa Tolda, asul ug tapol ug lutong pula nga delana ug lino nga pinong pagkalubid nga binurdahan.

Exodo 29:3

Ibutang kini sa usa ka bukag ug dad-a kini nga sinulod sa bukag uban sa torong baka ug sa duha ka laking karnero.

Exodo 40:12

Ug dad-a si Aaron ug ang iyang mga anak nga lalaki ngadto sa pultahan sa tolda nga tagboanan, ug hugasi sila ug tubig.

Exodo 40:28

Ug gitaod niya ang tabil sa pultahan sa Tolda.

Exodo 40:32

sa dihang mosulod sila sa tolda nga tagboanan. Ug sa dihang moduol sila sa halaran, manghugas sila sumala sa gisugo sa Ginoo kang Moises.

Ezequiel 36:25

Unya bisbisan ko kamo sa hinlo nga tubig, ug kamo mangahinlo gikan sa tanan ninyong kahugawan, ug gikan sa tanan ninyong diosdios hinloan ko kamo.

Ezequiel 42:14

Sa diha nga ang mga pari mosulod sa balaang dapit, dili sila mogula niini ngadto sa gawas nga hawanan kon dili nila ibutang didto ang mga bisti nga ilang gisul-ob sa ilang pag-alagad, tungod kay kini balaan. Kinahanglang magsul-ob sila ug laing mga bisti sa dili pa sila moduol niadtong mga butang nga alang sa katawhan.”

Levitico 14:8

Ug kadtong hinloan manglaba sa iyang mga bisti ug kiskison niya ang tanan niyang buhok ug maligo siya sa tubig ug mahinlo siya. Ug human niana mosulod siya sa kampo apan mopuyo siya sa gawas sa iyang tolda sulod sa pito ka adlaw.

Numeros 8:9

Ug dad-a ang mga Levihanon sa atubangan sa tolda nga tagboanan ug tigoma ang tibuok nga katilingban sa katawhan sa Israel.

Mga Taga-Efeso 5:26

aron iyang balaanon siya sa mahinloan na niya siya pinaagi sa paghugas kaniya ug tubig pinaagi sa pulong,

Deuteronomio 23:11

Apan sa dihang hapon na, kinahanglang maligo siya sa tubig ug kon mosalop na ang adlaw mahimo na siyang mosulod sa kampo.

Tito 3:5

kita iyang giluwas, dili tungod sa mga binuhatan nga atong nahimo diha sa pagkamatarong, kondili tungod sa iyang kaluoy, pinaagi sa paghugas ngadto sa bag-ong pagkatawo ug sa pagbag-o pinaagi sa Espiritu Santo

Mga Hebreo 10:22

busa manuol kita sa Dios uban ang matinud-anon nga kasingkasing uban sa hingpit nga kasigurohan sa pagtuo, human mahinlo ang atong mga kasingkasing pinaagi sa pagbisibis gikan sa daotan nga tanlag ug human mahugasi ang atong mga lawas sa lunsay nga tubig.

1 Pedro 3:21

Agig hulagway niini, ang bautismo, nagluwas kaninyo karon dili ingon nga paghugas sa buling gikan sa lawas kondili ingon nga pangamuyo ngadto sa Dios alang sa hinlo nga tanlag, pinaagi sa pagkabanhaw ni Jesu-Cristo,