Exodo 29:12

Ang Biblia 2011

Ug pagkuha ug dugo sa torong baka, ug ibutang kini sa mga sungaysungay sa halaran pinaagi sa imong tudlo ug ang tanang dugo nga nahibilin ihuwad sa tiilan sa halaran.

Cross References

Exodo 27:2

Magbuhat ikaw ug mga sungaysungay alang niini sa ibabaw sa upat ka eskina. Himoa kini nga unay sa halaran ug sapawi kini ug bronsi.

Exodo 29:11

Ug patya ang torong baka sa atubangan sa Ginoo, sa pultahan sa tolda nga tagboanan.

Exodo 30:2

Ang gitas-on niini usa ka maniko ug ang gilapdon niini usa ka maniko, kinahanglan nga kwadrado kini, ug ang gihabogon niini duha ka maniko. Ang mga sungaysungay niini kinahanglan nga unay sa halaran.

Exodo 38:2

Gibuhat niya ang mga sungaysungay niini sa ibabaw sa upat ka eskina niini. Ang mga sungaysungay niini unay sa halaran ug gisapawan niya kini ug bronsi.

Levitico 16:14

Magkuha siya sa dugo sa torong baka, ug iwisik niya kini pinaagi sa iyang tudlo ngadto sa silangan nga bahin sa tabon, ug sa atubangan sa tabon magwisik siya ug dugo pinaagi sa iyang tudlo sa makapito.

Levitico 4:18

Siya magbutang ug dugo sa ibabaw sa mga sungaysungay sa halaran nga anaa sa atubangan sa Ginoo sa sulod sa tolda nga tagboanan, ug ibubo niya ang nahibilin nga dugo ngadto sa tungtonganan sa halaran sa halad nga sunogon nga anaa sa pultahan sa tolda nga tagboanan.

Levitico 4:25

Ug ang pari magkuha ug diyotay nga dugo sa halad tungod sa sala pinaagi sa iyang tudlo ug ibutang niya sa ibabaw sa mga sungaysungay sa halaran sa halad nga sunogon ug ibubo niya ang dugo niini diha sa tungtonganan sa halaran sa halad nga sunogon.

Levitico 4:30

Ug ang pari magkuha ug diyotay nga dugo pinaagi sa iyang tudlo ug ibutang niya sa ibabaw sa mga sungaysungay sa halaran sa halad nga sunogon ug ibubo niya ang nahibilin nga dugo niini diha sa tungtonganan sa halaran.

Levitico 4:34

Ug ang pari magkuha ug diyotay nga dugo sa halad tungod sa sala pinaagi sa iyang tudlo ug ibutang niya sa ibabaw sa mga sungaysungay sa halaran sa halad nga sunogon ug ibubo niya ang nahibilin nga dugo diha sa tungtonganan sa halaran.

Levitico 4:7

Ang pari magbutang ug dugo sa ibabaw sa mga sungaysungay sa halaran sa insenso nga humot nga anaa sa tolda nga tagboanan sa atubangan sa Ginoo. Ug ang nahibilin nga dugo sa torong baka iyabo niya diha sa tungtonganan sa halaran sa halad nga sunogon nga anaa sa pultahan sa tolda nga tagboanan.

Levitico 5:9

Ug magwisik siya ug diyotay sa dugo sa halad tungod sa sala diha sa kilid sa halaran ug ang nahibilin sa dugo iyabo niya diha sa tungtonganan sa halaran. Kini mao ang halad tungod sa sala.

Levitico 8:15

Gipatay kini ni Moises ug gikuha niya ang dugo ug pinaagi sa iyang tudlo gibutang niya kini diha sa mga sungaysungay sa halaran sa palibot ug giputli niya ang halaran. Unya gibubo niya ang uban nga dugo diha sa tungtonganan sa halaran ug kini gibalaan niya aron sa paghimo ug pagtabon sa sala alang niini.

Levitico 9:9

Ug ang dugo gidala sa mga anak nga lalaki ni Aaron ngadto kaniya ug iyang gituslob ang iyang tudlo sa dugo ug gibutang niya ang dugo sa ibabaw sa mga sungaysungay sa halaran ug gibubo niya ang uban nga dugo diha sa tungtonganan sa halaran.

Mga Hebreo 10:4

Kay dili gayod mahimo nga ang dugo sa mga laking baka ug mga kanding makakuha sa mga sala.

Mga Hebreo 9:22

Sa pagkatinuod, ubos sa Balaod hapit ang tanang butang hinloan ug dugo, ug kon walay pag-ula ug dugo walay mahimong pagpasaylo sa mga sala.

Gipadayag 6:9

Ug sa pagbukas niya sa ikalimang silyo, akong nakita nga sa ilalom sa halaran diha ang mga kalag sa mga gipamatay tungod sa pulong sa Dios ug tungod sa pagpamatuod nga ilang gihimo.