Exodo 28:6

Ang Biblia 2011

Ug magbuhat sila ug ephod gikan sa bulawan ug sa asul ug tapol ug lutong pula nga delana ug lino nga pinong pagkalubid nga binuhat sa mga batid nga magbubuhat.

Cross References

Exodo 25:4

asul ug tapol ug lutong pula nga delana ug pino nga lino ug balhibo sa mga kanding,

Exodo 25:7

mga bato nga onyx ug mga bato nga ibutang alang sa ephod ug alang sa tabon sa dughan.

Exodo 26:1

“Dugang pa niini, himoa ang Tolda gikan sa napulo ka tabil nga lino nga pinong pagkalubid, ug sa asul ug tapol ug lutong pula nga delana. Uban sa mga kerubin nga maayong pagkabuhat, buhata kini.

Exodo 28:7

Kinahanglan nga butangan kini ug duha ka kaw-itanan sa abaga nga ipakabit sa duha ka kilid aron madugtong kini.

Exodo 29:5

Ug dad-a ang mga bisti ug ipasul-ob kang Aaron ang bisti ug ang sutana sa ephod ug ang ephod ug ang tabon sa dughan ug baksi siya sa maayong pagkahabol nga bakos sa ephod.

Oseas 3:4

Kay ang mga anak sa Israel magpuyo sulod sa daghang mga adlaw nga walay hari o pangulo, walay halad o walay haligi nga halaran, walay ephod o mga larawan.

Levitico 8:7

Ug iyang gisul-ob kang Aaron ang bisti, ug gibakos kaniya ang bakos, ug gisul-ob kaniya ang sutana, ug gipahimutang ang ephod, ug iyang gibakos kaniya ang maayong pagkahabol nga bakos sa ephod ug kini gihigot kaniya.

Mga Maghuhukom 8:27

Unya si Gideon naghimo ug usa ka ephod gikan niini ug gibutang kini sa iyang siyudad sa Opra ug ang tibuok Israel nagluib pinaagi sa pagsimba niini. Ug kini nahimong lit-ag kang Gideon ug sa iyang panimalay.

1 Samuel 23:6

Sa diha nga si Abiatar nga anak ni Ahimelek mikagiw ngadto kang David sa Keila, milugsong siya nga dala ang usa ka ephod diha sa iyang kamot.

1 Samuel 30:7

Si David miingon kang Abiatar nga pari ang anak ni Ahimelek, “Dad-a dinhi kanako ang ephod.” Busa gidala ni Abiathar ang ephod ngadto kang David.