Exodo 28:41

Ang Biblia 2011

Ug ipasul-ob kini kang Aaron nga imong igsoon ug sa iyang mga anak uban kaniya, ug dihogi sila ug gahina sila ug balaana aron sila mag-alagad kanako ingon nga mga pari.

Cross References

Exodo 28:1

“Unya paduola kanimo si Aaron nga imong igsoon ug ang iyang mga anak nga lalaki uban kaniya gikan sa katawhan sa Israel aron sa pag-alagad kanako ingon nga mga pari, si Aaron ug ang iyang mga anak nga lalaki nga si Nadab ug si Abihu, si Eleasar ug si Itamar.

Exodo 28:4

Mao kini ang mga bisti nga buhaton nila: ang tabon sa dughan, ang ephod, ang sutana, ang bisti nga binurdahan, ang purong ug ang bakos. Magbuhat sila ug mga bisti nga balaan alang kang Aaron nga imong igsoon, ug sa iyang mga anak nga lalaki aron mag-alagad sila kanako ingon nga mga pari.

Exodo 29:24

Ug ibutang kining tanan sa mga kamot ni Aaron ug sa mga kamot sa iyang mga anak nga lalaki, ug ibayaw kini sa atubangan sa Ginoo ingon nga halad nga binayaw.

Exodo 29:35

“Mao kini ang buhaton nimo kang Aaron ug sa iyang mga anak nga lalaki sumala sa tanan nga akong gisugo kanimo. Sulod sa pito ka adlaw himoa ang paggahin kanila.

Exodo 29:7

Unya dad-a ang lana nga igdidihog ug ibubo sa ibabaw sa iyang ulo ug dihogi siya.

Exodo 29:9

Ug baksi sila sa mga bakos, si Aaron ug ang iyang mga anak nga lalaki ug kaloi sila ug maangkon nila ang pagkapari pinaagi sa walay kataposang tulumanon. Sa ingon niana igahin nimo si Aaron ug ang iyang mga anak nga lalaki.

Exodo 30:35

Ug pagbuhat ug usa ka insenso nga humot, nga sama pagkasagol sa gibuhat sa tigbuhat ug pahumot nga tinimplahan ug asin, lunsay ug balaan.

Exodo 40:13

Ug isul-ob kang Aaron ang mga bisti nga balaan, ug dihogi siya ug ihalad siya aron siya mag-alagad kanako ingon nga pari.

Exodo 40:15

Dihogi sila sama sa pagdihog nimo sa ilang amahan aron sila mag-alagad kanako ingon nga mga pari ug ang pagdihog kanila maghimo kanila nga pari sa dayon hangtod sa tanan nilang mga kaliwatan.”

Isaias 10:27

Nianang adlawa ang iyang palas-anon makuha gikan sa imong abaga, ug ang iyang yugo gub-on gikan sa imong liog.”

Isaias 61:1

Ang Espiritu sa Ginoong Dios ania kanako, tungod kay gidihogan ako sa Ginoo aron sa pagdala sa maayong balita ngadto sa mga sinakit; ako gipaanhi niya aron sa pagbugkos sa mga nadugmok nga kasingkasing, aron sa pagmantala sa kagawasan sa mga binihag, ug sa pag-abli sa bilanggoan alang sa mga ginapos;

Ezequiel 43:26

Pito ka adlaw sila nga maghimo ug pagtabon tungod sa sala alang sa halaran ug kini putlion nila ug sa ingon niana balaanon nila kini.

Levitico 10:7

Ayaw kamo panggula gikan sa pultahan sa tolda nga tagboanan, aron kamo dili mangamatay kay ang lana nga igdidihog sa Ginoo gidihog man kaninyo.” Ug sila nagbuhat sumala sa pulong ni Moises.

Levitico 16:24

Unya ligoon niya ang iyang lawas sa tubig didto sa dapit nga balaan ug isul-ob niya ang iyang mga bisti ug mogula siya ug ihalad niya ang iyang halad nga sunogon ug ang halad nga sunogon sa katawhan ug maghimo siya sa pagtabon sa sala alang sa iyang kaugalingon ug alang sa katawhan.

Numeros 16:5

ug siya miingon kang Korah ug sa tanan niyang kaubanan ug miingon, “Sa pagkabuntag ang Ginoo magpadayag kon kinsa ang mga iya ug kon kinsa ang balaan, ug mag-aghat kaniya sa pagduol ngadto kaniya. Siya nga iyang pilion paduolon ngadto kaniya.

Numeros 3:3

Mao kini ang mga ngalan sa mga anak nga lalaki ni Aaron, ang mga pari nga gidihogan, nga iyang gigahin aron mag-alagad ingon nga mga pari.

Juan 3:34

Siya nga gipadala sa Dios nagsulti sa mga pulong sa Dios kay sa walay sukod gihatag sa Dios ang Espiritu.

Mga Hebreo 5:4

Ug walay tawo nga mangunay sa pagtudlo sa iyang kaugalingon nganha sa maong katungdanan, kondili tawgon siya sa Dios alang niini sama kang Aaron.

Mga Hebreo 7:28

Sa pagkatinuod, ang Balaod nagtudlo ug mga tawo nga may kaluyahon ingon nga mga labawng pangulong pari, apan ang pulong sa panumpa, nga miabot human sa Balaod, nagtudlo ug Anak nga nahimong hingpit hangtod sa kahangtoran.

1 Juan 2:20

Apan kamo gidihogan na niya nga Balaan, ug kamong tanan nahibalo na.

1 Juan 2:27

hinuon ang pagdihog nga inyong nadawat gikan kaniya nagpabilin diha kaninyo ug kamo wala magkinahanglan nga aduna pay magtudlo kaninyo, ug ingon nga ang iyang pagdihog kaninyo nagtudlo man kaninyo mahitungod sa tanang butang, ug matuod kini ug dili bakak, sumala sa gitudlo niya kaninyo, pabilin kamo diha kaniya.