Exodo 28:3

Ang Biblia 2011

Sultihi ang tanan nga adunay katakos nga akong gihatagan ug kinaadman aron magbuhat sila sa mga bisti ni Aaron, sa pagbalaan kaniya diha sa katungdanan sa pagkapari.

Cross References

1 Mga Hari 7:14

Siya anak nga lalaki sa usa ka biyuda sa banay ni Neftali ug ang iyang amahan taga-Tiro. Siya mamumuhat ug bronsi ug siya napuno sa kaalam ug kahibalo ug kabatid sa pagbuhat ug mga butang ginamit ang bronsi. Ug siya miadto kang Hari Solomon ug gihimo niya ang tanan niyang gipabuhat.

Exodo 35:10

“Kinahanglan nga moanhi ang tanang tawo nga may katakos diha kaninyo ug buhaton ang tanan nga gisugo sa Ginoo:

Exodo 35:25

Ang tanang babaye nga may katakos nagkalinyas pinaagi sa ilang mga kamot ug nagdala sa ilang mga kinalinyas nga asul ug tapol ug lutong pula nga delana ug lino nga pinong pagkalubid.

Exodo 35:30

Unya si Moises miingon sa katawhan sa Israel, “Tan-awa, pinaagi sa ngalan, ang Ginoo nagtawag kang Besalel nga anak ni Uri nga anak ni Hur, sa banay ni Juda.

Exodo 35:31

Ug siya gipuno niya sa Espiritu sa Dios, sa katakos, sa kaalam, sa kahibalo ug kahanas sa pagpamuhat ug bisan unsa,

Exodo 35:35

“Sila gipuno niya sa katakos sa pagbuhat sa tanang matang sa buhat nga himoon sa tigkulit o sa tigdibuho o sa tigburda sa asul, tapol ug lutong pula nga delana ug sa lino nga pinong pagkalubid, o sa tighabol, sa tanang matang sa tigbuhat o batid nga tigdibuho.

Exodo 36:1

“Si Besalel ug si Oholiab ug ang tanang tawo nga may katakos nga gihatagan sa Ginoo ug katakos ug kaalam aron mahibalo sa pagbuhat sa bisan unsang buhat sa pagtukod sa balaang puluy-anan, kinahanglang magbuhat sumala sa tanan nga gisugo sa Ginoo.”

Exodo 36:2

Unya gitawag ni Moises si Besalel ug si Oholiab ug ang tanang tawo nga may katakos nga ang salabotan gibutangan sa Ginoo ug katakos, ang matag tawo nga gidasig sa iyang kasingkasing aron sa pag-adto ug pagbuhat sa buluhaton.

Mga Panultihon 2:6

Kay ang Ginoo maghatag ug kaalam; gikan sa iyang baba mogula ang kahibalo ug pagpanabot;

Isaias 11:2

Ang Espiritu sa Ginoo mopuyo diha kaniya, ang espiritu sa kaalam ug pagsabot, ang espiritu sa pagtambag ug kagahom, ang espiritu sa kahibalo ug ang kahadlok sa Ginoo.

Mga Taga-Efeso 1:17

nga unta ang Dios sa atong Ginoong Jesu-Cristo, ang mahimayaong Amahan, maghatag kaninyo sa espiritu sa kaalam ug sa pagpadayag diha sa kahibalo mahitungod kaniya,

Deuteronomio 34:9

Ug si Josue nga anak ni Nun puno sa espiritu sa kaalam kay si Moises nagtapion sa iyang mga kamot nganha kaniya busa ang katawhan sa Israel mituman kaniya ug nagbuhat sumala sa gisugo sa Ginoo kang Moises.

Santiago 1:17

Ang tanang maayong paghatag ug ang tanang hingpit nga gasa gikan sa kahitas-an, gikan sa Amahan sa mga kahayag, kinsa walay pagkausab o anino sa pagkabalhin.