Exodo 28:27

Ang Biblia 2011

Kinahanglan nga magbuhat ikaw ug duha ka argulya nga bulawan ug ibutang kini sa atubangan sa ubos nga bahin sa duha ka kabiba sa ephod, diha gayod sa sinumpayan ibabaw sa maayong pagkahabol nga bakos sa ephod.

Cross References

Exodo 28:26

Pagbuhat ug duha ka argulya nga bulawan ug ibutang kini sa duha ka tumoy sa tabon sa dughan sa sulod nga sidsid sunod sa ephod.

Exodo 28:28

Kinahanglan nga higtan nila ang tabon sa dughan pinaagi sa mga argulya niini ngadto sa mga argulya sa ephod pinaagi sa usa ka pisi nga asul aron kini anha sa ibabaw sa maayong pagkahabol nga bakos sa ephod ug aron ang tabon sa dughan dili matangtang gikan sa ephod.

Exodo 28:8

Ug ang maayong pagkahabol nga bakos sa ibabaw niini nga maoy ibakos niini, kinahanglan nga sama usab nga pagkabuhat ug mga kasangkapan, bulawan, asul ug tapol ug lutong pula nga delana ug lino nga pinong pagkalubid.