Exodo 28:12

Ang Biblia 2011

Ug ibutang ang duha ka bato sa ibabaw sa mga bisti dapit sa abaga sa ephod, ingon nga mga bato nga handomanan sa mga anak nga lalaki ni Israel. Ug si Aaron kinahanglan nga magdala sa mga ngalan nila sa iyang duha ka abaga alang sa usa ka handomanan atubangan sa Ginoo.

Cross References

Job 31:36

Pas-anon gayod nako kini sa akong abaga; ibugkos ko kini dinhi ingon nga usa ka purongpurong;

Salmo 89:19

Unya ikaw misulti diha sa panan-awon ngadto sa imong mga matinumanon, ug miingon, “Akong gipahimutang ang panabang ibabaw sa usa ka gamhanan, gibayaw nako ang usa ka pinili gikan sa katawhan.

Exodo 12:14

“Kining adlawa mahimong usa ka handomanan alang kaninyo, ug himoon ninyo kini ingon nga kasaulogan alang sa Ginoo. Sa tanan ninyong kaliwatan saulogon ninyo kini ingon nga tulumanon hangtod sa kahangtoran.

Exodo 13:9

Kini mahimo ingon nga sama sa usa ka ilhanan diha sa inyong kamot ug usa ka pahinumdom taliwala sa inyong mga mata, aron ang balaod sa Ginoo maana sa inyong baba. Kay tungod sa kusgan nga kamot gikuha kamo sa Ginoo gikan sa Ehipto.

Exodo 28:11

Sama sa tighimo ug alahas nga magkulit ug silyo, kuliti usab ang duha ka bato sa mga ngalan sa mga anak nga lalaki ni Israel ug ipatapot kini sa engaste nga bulawan.

Exodo 28:29

Ug dad-on ni Aaron ang mga ngalan sa mga anak nga lalaki ni Israel diha sa tabon sa dughan sa paghukom, diha sa iyang kasingkasing, sa dihang mosulod siya sa dapit nga balaan, aron sa pagdala kanila ngadto sa usa ka mapadayonong handomanan diha sa atubangan sa Ginoo.

Exodo 28:7

Kinahanglan nga butangan kini ug duha ka kaw-itanan sa abaga nga ipakabit sa duha ka kilid aron madugtong kini.

Isaias 12:2

“Sa pagkatinuod ang Dios mao ang akong kaluwasan; ako mosalig, ug dili mahadlok kay ang Ginoong Dios mao ang akong kusog ug ang akong awit, ug siya nahimo nga akong kaluwasan.”

Isaias 62:6

Ibabaw sa imong mga kuta, ako nagbutang ug mga bantay, O Jerusalem; sa tibuok adlaw ug tibuok gabii sila dili gayod mahilom. Kamo nga mga tigpahinumdom sa Ginoo, ayaw kamo pagpahulay,

Isaias 9:6

Kay alang kanato ang usa ka bata natawo, alang kanato ang usa ka anak nga lalaki gihatag, ug ang kagamhanan ipahiluna sa iyang abaga, ug ang iyang ngalan tawgon ug “Kahibulongang Magtatambag, Dios nga Makagagahom, Amahan nga Walay Kataposan, Prinsipe sa Pakigdait.”

Levitico 24:7

Ug butangi ug lunsay nga insenso ang ibabaw sa matag laray aron nga kini malakip sa pan ingon nga usa ka handomanan nga ihalad pinaagi sa kalayo ngadto sa Ginoo.

Numeros 16:40

aron mahimong pahinumdom alang sa katawhan sa Israel, nga walay bisan kinsa nga dili pari, nga dili gikan sa kaliwatan ni Aaron, nga moduol sa paghalad ug insenso sa atubangan sa Ginoo aron siya dili mahisama kang Korah ug sa iyang kaubanan sumala sa gisulti sa Ginoo kang Eleasar pinaagi kang Moises.

Numeros 31:54

Ug gidawat ni Moises ug ni Eleasar nga pari ang bulawan gikan sa mga tigmando sa mga linibo ug sa mga tigmando sa mga ginatos ug gidala nila kini ngadto sa tolda nga tagboanan ingon nga usa ka handomanan sa katawhan sa Israel sa atubangan sa Ginoo.

Lucas 1:54

Iyang gitabangan ang iyang alagad nga si Israel agig paghinumdom sa iyang kaluoy

Lucas 1:72

aron sa pagbuhat sa kaluoy nga iyang gisaad ngadto sa atong mga katigulangan ug aron hinumdoman ang iyang balaang kasabotan,

Mga Buhat 10:4

Ug siya mitutok kaniya uban sa kahadlok ug miingon, “Unsa man Ginoo?” Ug siya miingon kaniya, “Ang imong mga pag-ampo ug mga pagtabang miabot sa itaas ingon nga handomanan sa atubangan sa Dios.

1 Mga Taga-Corinto 11:24

ug sa nakapasalamat na siya, kini iyang gipikaspikas ug miingon, “Kini mao ang akong lawas nga gipikaspikas alang kaninyo. Buhata ninyo kini sa paghandom kanako.”

Deuteronomio 33:12

Mahitungod kang Benjamin siya miingon, “Ang hinigugma sa Ginoo magpuyo nga layo sa kadaot uban kaniya; iyang panalipdan siya sa tibuok adlaw, ug naghimo sa iyang puluy-anan sa taliwala sa iyang mga abaga.”

Josue 4:7

Unya sultihan ninyo sila nga ang mga tubig sa Jordan nabahin sa duha sa atubangan sa sudlanan sa kasabotan sa Ginoo. Sa pag-agi niini sa Jordan, ang mga tubig sa Jordan nabahin busa kining mga batoha handomanan sa katawhan sa Israel hangtod sa kahangtoran.”