Exodo 28:11

Ang Biblia 2011

Sama sa tighimo ug alahas nga magkulit ug silyo, kuliti usab ang duha ka bato sa mga ngalan sa mga anak nga lalaki ni Israel ug ipatapot kini sa engaste nga bulawan.

Cross References

Job 19:24

O nga pinaagi sa igsusulat nga puthaw ug tingga nasilsil kini diha sa bato hangtod sa kahangtoran!

Exodo 28:10

Ang unom nila ka ngalan ikulit sa usa ka bato, ug ang unom ka ngalan nga nahibilin ikulit sa usa ka bato sumala sa han-ay sa pagkatawo nila.

Exodo 28:12

Ug ibutang ang duha ka bato sa ibabaw sa mga bisti dapit sa abaga sa ephod, ingon nga mga bato nga handomanan sa mga anak nga lalaki ni Israel. Ug si Aaron kinahanglan nga magdala sa mga ngalan nila sa iyang duha ka abaga alang sa usa ka handomanan atubangan sa Ginoo.

Exodo 28:21

Kinahanglan nga adunay napulo ug duha ka bato uban sa ilang mga ngalan sumala sa mga ngalan sa mga anak nga lalaki ni Israel. Kinahanglan nga sama sila sa mga silyo, ang matag usa sumala sa iyang ngalan, sa napulo ug duha ka banay.

Exodo 28:25

Ang lain nga duha ka tumoy sa duha ka pisi ihigot sa duha ka engaste, ug ibutang kini sa atubangan sa higot sa abaga sa ephod.

Exodo 28:36

“Kinahanglan nga magbuhat ikaw ug usa ka adorno nga lunsayng bulawan ug kuliti kini sama sa pagkulit sa usa ka silyo, ‘Balaan ngadto sa Ginoo.’

Exodo 39:13

Ug sa ikaupat nga laray, berilo, onyx ug jaspe. Kini gipalibotan ug mga engaste nga bulawan.

Exodo 39:18

Ang duha ka tumoy sa duha ka linubid nga pisi gipakabit nila ngadto sa duha ka engaste ug gibutang nila sa ibabaw sa kabiba sa ephod sa atubangan niini.

Exodo 39:6

Giandam nila ang mga bato nga onyx, gipalibotan kini sa mga engaste nga bulawan, gikulit sama sa pagkakulit sa usa ka silyo, sumala sa mga ngalan sa mga anak nga lalaki ni Israel.

Jeremias 22:24

“Ingon nga ako buhi, nag-ingon ang Ginoo, bisan ug si Conias nga anak ni Jehoiakim nga hari sa Juda maoy singsing nga timaan nga ania sa akong tuong kamot, husloon ko ikaw;

Zacarias 3:9

Kay tan-awa, diha sa bato nga akong gipahimutang sa atubangan ni Josue, diha sa usa ka bato nga adunay pito ka nawong, ikulit nako ang ngalan niini, nag-ingon ang Ginoo sa mga panon, ug kuhaon nako ang kasal-anan niining yutaa sa usa lamang ka adlaw.

Mga Taga-Efeso 1:13

Pinaagi kaniya kamo usab, sa inyong pagkadungog sa pulong sa kamatuoran, sa Maayong Balita mahitungod sa inyong kaluwasan ug sa inyong pagtuo diha kaniya, gipatikan pinaagi sa gisaad nga Espiritu Santo.

Mga Taga-Efeso 4:30

Ug ayaw ninyo pasub-a ang Espiritu Santo sa Dios, nga pinaagi kaniya gipatikan kamo alang sa adlaw sa pagtubos.

2 Timoteo 2:19

Apan ang lig-on nga patukoranan sa Dios nagpabilin sa pagbarog, nagdala niining timaan, “Ang Ginoo nakaila sa mga iya,” ug “Ang matag usa nga nagsangpit sa ngalan sa Ginoo kinahanglang mobiya sa pagkadaotan.”

Gipadayag 7:2

Unya akong nakita ang laing anghel nga mikayab gikan sa silangan sa adlaw ug nagdala sa silyo sa buhi nga Dios. Ug sa kusog nga tingog iyang gisinggitan ang upat ka anghel nga gitugyanan sa paghimo ug kadaot sa yuta ug sa dagat,