Exodo 28:1

Ang Biblia 2011

“Unya paduola kanimo si Aaron nga imong igsoon ug ang iyang mga anak nga lalaki uban kaniya gikan sa katawhan sa Israel aron sa pag-alagad kanako ingon nga mga pari, si Aaron ug ang iyang mga anak nga lalaki nga si Nadab ug si Abihu, si Eleasar ug si Itamar.

Cross References

1 Cronicas 23:13

Ang mga anak nga lalaki ni Amram: si Aaron ug si Moises. Si Aaron gilain, aron iyang ihalad ang labing balaan nga mga butang, aron siya ug ang iyang mga anak nga lalaki hangtod sa kahangtoran magsunog sa insenso sa atubangan sa Ginoo ug mag-alagad kaniya, ug magpahayag sa mga panalangin diha sa iyang ngalan hangtod sa kahangtoran.

1 Cronicas 6:10

si Johanan ni Asarias (siya ang nag-alagad ingon nga pari sa balay nga gitukod ni Solomon didto sa Jerusalem).

1 Cronicas 6:34

nga anak ni Elkana, nga anak ni Jeroham, nga anak ni Eliel, nga anak ni Toa,

2 Cronicas 11:14

Gibiyaan sa mga Levihanon ang ilang mga yuta ug ang ilang kabtangan ug miadto sila sa Juda ug sa Jerusalem kay si Jeroboam ug ang iyang mga anak nga lalaki misalikway kanila gikan sa pag-alagad ingon nga mga pari sa Ginoo,

Salmo 115:10

O panimalay ni Aaron, salig kamo sa Ginoo! Siya mao ang ilang tabang ug ang ilang taming.

Salmo 99:6

Si Moises ug si Aaron iyang mga pari, si Samuel lakip kanila nga nagsangpit sa iyang ngalan. Nagsangpit sila sa Ginoo, ug siya mitubag kanila.

Exodo 24:1

Unya siya miingon kang Moises, “Tungas kamo ngari sa Ginoo, ikaw ug si Aaron, si Nadab ug si Abihu ug ang 70 ka kadagkoan sa Israel ug pagsimba kamo diha sa layo.

Exodo 24:9

Unya mitungas si Moises ug si Aaron, si Nadab ug si Abihu ug ang 70 ka kadagkoan sa Israel.

Exodo 28:41

Ug ipasul-ob kini kang Aaron nga imong igsoon ug sa iyang mga anak uban kaniya, ug dihogi sila ug gahina sila ug balaana aron sila mag-alagad kanako ingon nga mga pari.

Exodo 29:1

“Karon mao kini ang buhaton nimo kanila aron sa pagbalaan kanila, aron sila mag-alagad kanako ingon nga mga pari. Pagkuha ug usa ka laki nga nating baka, ug duha ka karnero nga laki nga walay tatsa,

Exodo 29:44

Balaanon nako ang tolda nga tagboanan ug ang halaran, si Aaron usab ug ang iyang mga anak nga lalaki akong balaanon aron sila mag-alagad kanako ingon nga mga pari.

Exodo 29:9

Ug baksi sila sa mga bakos, si Aaron ug ang iyang mga anak nga lalaki ug kaloi sila ug maangkon nila ang pagkapari pinaagi sa walay kataposang tulumanon. Sa ingon niana igahin nimo si Aaron ug ang iyang mga anak nga lalaki.

Exodo 30:30

Unya dihogi si Aaron ug ang iyang mga anak nga lalaki ug ihalad sila aron mag-alagad kanako ingon nga mga pari.

Exodo 31:10

ang maayong pagkabuhat nga mga bisti, ang balaan nga mga bisti alang kang Aaron nga pari ug ang mga bisti sa iyang mga anak nga lalaki, alang sa pag-alagad nila ingon nga mga pari,

Exodo 35:19

ang maayong pagkabuhat nga mga bisti alang sa pag-alagad diha sa dapit nga balaan, ang mga balaan nga bisti alang kang Aaron nga pari ug ang mga bisti sa iyang mga anak nga lalaki alang sa ilang pagpangalagad ingon nga mga pari.”

Exodo 6:23

Si Aaron nangasawa kang Eliseba, anak nga babaye ni Aminadab ug igsoon ni Nason. Ug gianak ni Eliseba kaniya si Nadab, si Abihu, si Eleasar ug si Itamar.

Levitico 10:1

Unya si Nadab ug si Abihu nga mga anak nga lalaki ni Aaron, matag usa kanila mikuha ug sudlanan sa insenso ug gibutangan nila kini ug kalayo ug ang ibabaw niini gibutangan nila ug insenso, ug naghalad sila ug dili balaan nga kalayo sa atubangan sa Ginoo nga wala gayod isugo kanila.

Levitico 10:12

Ug si Moises miingon kang Aaron ug kang Eleasar ug kang Itamar nga mga anak niya nga nahibilin, “Pagkuha kamo ug halad nga pagkaon nga nahibilin sa mga halad sa Ginoo pinaagi sa kalayo ug kaona ninyo kini nga walay patubo duol sa halaran kay kini butang nga labing balaan.

Levitico 7:35

Kini mao ang bahin ni Aaron ug sa iyang mga anak nga lalaki gikan sa mga halad pinaagi sa kalayo alang sa Ginoo, nga gigahin alang kanila sa adlaw nga sila gihalad aron mag-alagad sa Ginoo ingon nga mga pari.

Levitico 8:1

Ang Ginoo miingon kang Moises,

Levitico 8:2

“Dad-a si Aaron ug ang iyang mga anak nga lalaki uban kaniya ug ang mga bisti ug ang lana nga igdidihog ug ang torong baka alang sa halad tungod sa sala ug ang duha ka laking karnero ug ang bukag nga gisudlan ug mga pan nga walay patubo.

Numeros 18:7

Ug ikaw ug ang imong mga anak uban kanimo magtuman sa inyong pagkapari alang sa tanang butang sa halaran ug sa anaa sa sulod sa tabil, ug mag-alagad kamo. Ako naghatag kaninyo sa pagkapari ingon nga gasa sa pag-alagad, ug ang walay labot nga moduol kinahanglang patyon.”

Numeros 2:4

ug ang iyang mga panon sumala sa pag-ihap 74,600.

Numeros 26:61

Apan si Nadab ug si Abihu nangamatay sa diha nga mihalad sila ug dili balaan nga kalayo sa atubangan sa Ginoo.

Lucas 1:8

Samtang si Zacarias nag-alagad sa atubangan sa Dios ingon nga pari, sa diha nga ang iyang laray maoy nangatungdanan

Deuteronomio 10:6

(Ang katawhan sa Israel mipanaw gikan sa Beerot-Bene-jaakam ngadto sa Mosera. Didto namatay si Aaron ug didto siya gilubong, ug ang iyang anak nga si Eleasar nag-alagad ingon nga pari puli kaniya.

Deuteronomio 18:5

Kay ang Ginoo nga inyong Dios nagpili kaniya gikan sa tanan ninyong mga banay aron sa pagbarog ug sa pag-alagad sa ngalan sa Ginoo, siya ug ang iyang mga anak nga lalaki hangtod sa kahangtoran.

1 Samuel 2:28

Nagpili ako kaniya gikan sa tanang banay sa Israel aron mahimo nga akong pari, sa pag-adto sa halaran, sa pagsunog ug insenso, ug sa pagsul-ob ug ephod sa akong atubangan. Ug gihatag nako sa balay sa imong amahan ang tanang mga halad nga gihimo pinaagi sa kalayo gikan sa katawhan sa Israel.