Exodo 27:2

Ang Biblia 2011

Magbuhat ikaw ug mga sungaysungay alang niini sa ibabaw sa upat ka eskina. Himoa kini nga unay sa halaran ug sapawi kini ug bronsi.

Cross References

1 Mga Hari 1:50

Ug si Adonias nahadlok usab kang Solomon, ug siya mitindog ug milakaw ug migunit sa mga sungaysungay sa halaran.

1 Mga Hari 2:28

Ug sa pagkabalita ni Joab niini, kay si Joab midapig man kang Adonias, bisan ug wala siya modapig kang Absalom, midagan siya ngadto sa Tolda sa Ginoo, ug migunit sa mga sungaysungay sa halaran.

1 Mga Hari 8:64

Niadtong adlawa usab gihalad sa hari ang taliwala sa hawanan nga diha sa atubangan sa balay sa Ginoo, kay didto siya naghalad sa halad nga sunogon ug sa halad nga pagkaon ug sa tambok nga halad sa pakigdait tungod kay ang bronsi nga halaran nga diha sa atubangan sa Ginoo gamay ra kaayo aron sa pagdawat sa halad nga sunogon ug sa halad nga pagkaon ug sa tambok nga halad sa pakigdait.

2 Mga Hari 16:14

Ug ang halaran nga bronsi, nga diha sa atubangan sa Ginoo, iyang gikuha gikan sa atubangan sa balay, nga nahimutang sa taliwala sa iyang halaran ug sa balay sa Ginoo ug gibutang kini dapit sa amihanan sa iyang halaran.

2 Cronicas 4:1

Naghimo si Haring Solomon ug usa ka halaran nga bronsi, 20 ka maniko ang gitas-on ug 20 ka maniko ang gilapdon ug napulo ka maniko ang gihabogon.

Salmo 118:27

Ang Ginoo mao ang Dios, ug siya naghatag kanato ug kahayag. Bangana ang halad uban sa mga sanga, ngadto sa mga sungaysungay sa halaran!

Exodo 27:3

Paghimo ug mga kulon nga butangan sa abo niini ug mga pala ug mga dagkong panaksan ug mga kaw-it ug mga sangga sa kalayo. Ang tanan nga mga galamiton niini himoa gikan sa bronsi.

Exodo 29:12

Ug pagkuha ug dugo sa torong baka, ug ibutang kini sa mga sungaysungay sa halaran pinaagi sa imong tudlo ug ang tanang dugo nga nahibilin ihuwad sa tiilan sa halaran.

Exodo 38:30

Pinaagi niini gihimo niya ang mga tungtonganan sa pultahan sa tolda nga tagboanan, ang halaran nga bronsi ug rehas nga bronsi niini, ug ang tanan nga mga galamiton sa halaran,

Ezequiel 43:15

Ug ang sunoganan sa halaran upat ka maniko, ug diha sa sunoganan sa halaran may mituybo nga upat ka sungaysungay.

Levitico 16:18

Unya mogula siya ngadto sa halaran nga anaa sa atubangan sa Ginoo ug maghimo siya sa pagtabon sa sala alang niini ug magkuha siya sa dugo sa torong baka ug sa dugo sa kanding ug iya kining ilibot pagbutang sa ibabaw sa mga sungaysungay sa halaran.

Levitico 4:18

Siya magbutang ug dugo sa ibabaw sa mga sungaysungay sa halaran nga anaa sa atubangan sa Ginoo sa sulod sa tolda nga tagboanan, ug ibubo niya ang nahibilin nga dugo ngadto sa tungtonganan sa halaran sa halad nga sunogon nga anaa sa pultahan sa tolda nga tagboanan.

Levitico 4:25

Ug ang pari magkuha ug diyotay nga dugo sa halad tungod sa sala pinaagi sa iyang tudlo ug ibutang niya sa ibabaw sa mga sungaysungay sa halaran sa halad nga sunogon ug ibubo niya ang dugo niini diha sa tungtonganan sa halaran sa halad nga sunogon.

Levitico 4:7

Ang pari magbutang ug dugo sa ibabaw sa mga sungaysungay sa halaran sa insenso nga humot nga anaa sa tolda nga tagboanan sa atubangan sa Ginoo. Ug ang nahibilin nga dugo sa torong baka iyabo niya diha sa tungtonganan sa halaran sa halad nga sunogon nga anaa sa pultahan sa tolda nga tagboanan.

Levitico 8:15

Gipatay kini ni Moises ug gikuha niya ang dugo ug pinaagi sa iyang tudlo gibutang niya kini diha sa mga sungaysungay sa halaran sa palibot ug giputli niya ang halaran. Unya gibubo niya ang uban nga dugo diha sa tungtonganan sa halaran ug kini gibalaan niya aron sa paghimo ug pagtabon sa sala alang niini.

Zacarias 9:15

Ang Ginoo sa mga panon manalipod kanila ug lamyon nila ug tamakan ang mga tiglambuyog; ug imnom nila ang ilang dugo sama sa bino; ug sila mangapuno ingon sa mga panaksan, mahumod sama sa mga ngilit sa halaran.

Numeros 3:31

Ug ang ilang katungdanan mao ang sudlanan sa kasabotan, ang lamisa ug ang lamparahan, ang mga halaran ug ang mga kasangkapan sa balaang dapit nga pinaagi niini sila mag-alagad, ang tabil ug ang tanang buluhaton mahitungod niini.

Mga Hebreo 6:18

aron nga pinaagi sa duha ka butang nga dili mausab, nga dili gayod mahitabo nga ang Dios mamakak, kita nga mikagiw aron makatago, makabaton unta sa dakong kadasig sa paghupot nianang paglaom nga gibutang sa atong atubangan.