Exodo 27:1

Ang Biblia 2011

“Kinahanglan nga magbuhat ikaw ug halaran gikan sa kahoy nga akasya nga lima ka maniko ang gitas-on ug lima ka maniko ang gilapdon. Ang halaran kinahanglan nga kwadrado ug ang gihabogon niini tulo ka maniko.

Cross References

2 Samuel 24:18

Ug si Gad miadto kang David niadtong adlawa ug miingon kaniya, “Tungas, pagpatindog ug usa ka halaran alang sa Ginoo didto sa giukanan ni Arauna nga Jebusihanon.”

2 Mga Hari 16:14

Ug ang halaran nga bronsi, nga diha sa atubangan sa Ginoo, iyang gikuha gikan sa atubangan sa balay, nga nahimutang sa taliwala sa iyang halaran ug sa balay sa Ginoo ug gibutang kini dapit sa amihanan sa iyang halaran.

1 Cronicas 6:49

Apan si Aaron ug ang iyang mga anak nga lalaki naghalad sa ibabaw sa halaran sa halad nga sunogon ug ibabaw sa halaran sa insenso, alang sa tanang buluhaton sa labing balaan nga dapit ug alang sa paghimo ug pagtabon sa sala alang sa Israel sumala sa tanan nga gisugo ni Moises nga alagad sa Dios.

2 Cronicas 4:1

Naghimo si Haring Solomon ug usa ka halaran nga bronsi, 20 ka maniko ang gitas-on ug 20 ka maniko ang gilapdon ug napulo ka maniko ang gihabogon.

Esdras 3:2

Unya mitindog si Jesua nga anak ni Josadak ug ang iyang kaubang mga pari ug si Zerubabel nga anak ni Sealtiel ingon man ang iyang mga kadugo, ug ilang gitukod ang halaran sa Dios sa Israel, aron halaran kini ug mga halad nga sunogon ingon nga nasulat kini diha sa Balaod ni Moises, ang tawo sa Dios.

Exodo 17:15

Ug si Moises nagpatindog ug usa ka halaran ug iya kining ginganlan ug “Ang Ginoo mao ang akong bandila.”

Exodo 24:4

Ug gisulat ni Moises ang tanang pulong sa Ginoo. Misayo siya pagbangon sa pagkabuntag ug nagtukod ug usa ka halaran didto sa tiilan sa bukid, ug nagpabarog ug napulo ug duha ka haliging bato, sumala sa napulo ug duha ka banay sa Israel.

Exodo 31:9

ang halaran sa halad nga sunogon ug ang tanang kahimanan niini, ang planggana ug ang tungtonganan niini,

Exodo 35:16

ang halaran sa halad nga sunogon uban ang rehas nga bronsi niini, ang mga yayongan niini ug ang tanan nga mga kasangkapan niini, ang planggana uban ang tungtonganan niini,

Exodo 39:39

ang halaran nga bronsi uban ang rehas nga bronsi, ang mga yayongan niini ug ang tanang kasangkapan niini ug ang planggana ug ang tungtonganan niini,

Exodo 40:10

Dihogi ang halaran sa halad nga sunogon ug ang tanan nga kasangkapan niini ug ihalad ang halaran ug ang halaran mahimo nga labing balaan.

Exodo 40:29

Gipahimutang niya ang halaran sa halad nga sunogon sa dapit pultahan sa Tolda, sa tolda nga tagboanan, ug naghalad sa ibabaw niini sa halad nga sunogon, ug sa halad nga pagkaon sumala sa gisugo sa Ginoo kang Moises.

Exodo 40:6

Ibutang ang halaran sa halad nga sunogon diha sa atubangan sa pultahan sa Tolda, sa tolda nga tagboanan.

Numeros 3:31

Ug ang ilang katungdanan mao ang sudlanan sa kasabotan, ang lamisa ug ang lamparahan, ang mga halaran ug ang mga kasangkapan sa balaang dapit nga pinaagi niini sila mag-alagad, ang tabil ug ang tanang buluhaton mahitungod niini.

Numeros 4:13

Unya kuhaan nila ug abo ang halaran ug ibuklad nila sa ibabaw niini ang usa ka panapton nga tapol.

Numeros 4:14

Unya ibutang nila sa ibabaw niini ang tanang mga kahimanan sa halaran nga gigamit sa pag-alagad diha niini, ang mga sanggaan sa baga, ang mga tinidor ug ang mga pala ug ang mga planggana, ang tanang mga galamiton sa halaran ug tabonan nila kini sa usa ka tabon nga panit sa kanding ug itaod ang mga yayongan niini.

Mga Hebreo 13:10

Kita adunay usa ka halaran diin ang mga nag-alagad sa tolda walay katungod sa pagkaon.