Exodo 26:33

Ang Biblia 2011

Ikaw-it ang tabil diha sa mga kaw-itanan ug ipahimutang ang sudlanan sa pagpamatuod sa luyo sa tabil ug ang tabil maoy mag-ulang alang kaninyo sa balaang dapit gikan sa labing balaang dapit.

Cross References

1 Mga Hari 6:16

Ug gitukod niya ang luyong bahin sa balay, 20 ka maniko, pinaagi sa mga tabla nga cedro gikan sa salog ngadto sa mga sagbayan, gitukod niya kini sa sulod ingon nga kinasulorang lawak, ang labing balaang dapit.

1 Mga Hari 8:10

Ug sa paggula sa mga pari gikan sa balaang dapit, ang balay sa Ginoo nalukop sa panganod,

1 Mga Hari 8:6

Ug gidala sa mga pari ang sudlanan sa kasabotan sa Ginoo ngadto sa dapit niini, ngadto sa kinasulorang lawak sa balay, sa labing balaang dapit, ilalom sa mga pako sa mga kerubin.

2 Cronicas 3:8

Gibuhat niya ang labing balaan nga dapit, ang gitas-on niini sama sa gilapdon sa balay, 20 ka maniko ug ang gilapdon niini 20 ka maniko ug gisapawan niya kini ug 600 ka talanton nga lunsayng bulawan.

Exodo 25:16

Ug ibutang diha sa sudlanan ang pagpamatuod nga ihatag nako kaninyo.

Exodo 26:32

Ug ikaw-it nimo kini sa ibabaw sa upat ka haligi nga akasya nga gisapawan ug bulawan nga may mga kaw-itanan nga bulawan, sa ibabaw sa upat ka tungtonganan nga plata.

Exodo 27:10

Ang mga haligi niini 20 ka buok ug ang mga tungtonganan 20 ka buok nga binuhat sa bronsi, apan ang mga kaw-it sa mga haligi ug ang ilang mga bangan kinahanglan nga plata.

Exodo 27:21

Sulod sa tolda nga tagboanan sa gawas sa tabil nga anaa sa atubangan sa pagpamatuod, si Aaron ug ang iyang mga anak nga lalaki mao ang mag-atiman gikan sa hapon hangtod sa buntag atubangan sa Ginoo. Kini mahimong tulumanon hangtod sa kahangtoran nga tumanon sa katawhan sa Israel ngadto sa ilang mga kaliwatan.

Exodo 36:36

Ug gibuhatan nila kini ug upat ka haligi gikan sa kahoy nga akasya ug gisapawan nila kini ug bulawan, ang mga kaw-it niini bulawan, ug naghimo sila alang niini ug upat ka tungtonganan nga plata.

Exodo 40:21

Ug gidala niya ang sudlanan ngadto sa Tolda, ug gitaod niya ang tabil ug gitabilan niya ang sudlanan sa pagpamatuod sumala sa gisugo sa Ginoo kang Moises.

Exodo 40:3

Ug ibutang niini ang sudlanan sa pagpamatuod ug salipdi ang sudlanan pinaagi sa tabil.

Ezequiel 41:4

Ug iyang gisukod ang gitas-on sa lawak, 20 ka maniko ug ang gilapdon, 20 ka maniko, saylo sa taliwala nga bahin sa Templo, ug siya miingon kanako, “Mao kini ang labing balaan nga dapit.”

Levitico 16:2

Ang Ginoo miingon kang Moises, “Sultihi si Aaron nga imong igsoon nga dili sa tanan nga panahon siya mosulod sa dapit nga balaan, sa sulod sa tabil sa atubangan sa tabon nga anaa ibabaw sa sudlanan sa kasabotan, aron dili siya mamatay kay ako motungha diha sa panganod sa ibabaw sa tabon.