Exodo 26:1

Ang Biblia 2011

“Dugang pa niini, himoa ang Tolda gikan sa napulo ka tabil nga lino nga pinong pagkalubid, ug sa asul ug tapol ug lutong pula nga delana. Uban sa mga kerubin nga maayong pagkabuhat, buhata kini.

Cross References

2 Samuel 7:2

ang hari miingon kang Natan nga propeta, “Tan-awa karon, ako nagpuyo sa usa ka balay nga binuhat sa cedro, apan ang sudlanan sa kasabotan sa Dios nagpuyo sa usa ka tolda.”

1 Mga Hari 6:29

Ug iyang gikulitan ang tanang mga bungbong sa balay nga naglibot niini sa mga kinulit nga dagway sa mga kerubin, ug mga palmera ug mga bukhad nga bulak, ang sulod ug gawas nga mga lawak.

1 Cronicas 17:1

Unya sa diha nga si David mipuyo sa iyang balay, si David miingon ngadto kang Natan nga propeta, “Tan-awa, ako nagpuyo sa usa ka balay nga cedro apan ang sudlanan sa kasabotan sa Ginoo anaa sa tolda.”

1 Cronicas 21:29

Kay ang puluy-anan sa Ginoo, nga gihimo ni Moises didto sa kamingawan ug ang halaran sa halad nga sunogon didto niadtong panahona sa habog nga dapit sa Gibeon.

Exodo 25:18

Pagbuhat ug duha ka kerubin nga bulawan nga sinalsal diha sa duha ka tumoy sa tabon.

Exodo 25:4

asul ug tapol ug lutong pula nga delana ug pino nga lino ug balhibo sa mga kanding,

Exodo 25:8

Pabuhata sila ug usa ka balaang puluy-anan alang kanako aron makapuyo ako sa ilang taliwala.

Exodo 26:2

Ang gitas-on sa usa ka tabil kinahanglan nga 28 ka maniko ug ang gilapdon sa matag tabil upat ka maniko. Ang tanang tabil kinahanglan nga usa lamang ang sukod.

Exodo 26:31

“Magbuhat ikaw ug usa ka tabil nga asul ug tapol ug lutong pula nga delana ug lino nga pinong pagkalubid, ug sa batid nga pagkabuhat himoon ang mga kerubin.

Exodo 26:36

“Pagbuhat ug tabil alang sa pultahan sa Tolda, asul ug tapol ug lutong pula nga delana ug lino nga pinong pagkalubid nga binurdahan.

Exodo 31:7

ang tolda nga tagboanan, ang sudlanan sa pagpamatuod, ang tabon niini ug ang tanan nga mga kasangkapan sa Tolda,

Exodo 35:11

ang Tolda, ang sapaw nga tolda ug ang tabon niini, ang mga kaw-it niini, ang mga tabla niini, ang mga yayongan niini, ang mga haligi niini, ang mga tungtonganan niini,

Exodo 35:35

“Sila gipuno niya sa katakos sa pagbuhat sa tanang matang sa buhat nga himoon sa tigkulit o sa tigdibuho o sa tigburda sa asul, tapol ug lutong pula nga delana ug sa lino nga pinong pagkalubid, o sa tighabol, sa tanang matang sa tigbuhat o batid nga tigdibuho.

Exodo 35:6

asul ug tapol ug lutong pula nga delana ug pino nga lino, balhibo sa mga kanding,

Exodo 36:35

Ang tabil gihimo nila gikan sa asul ug tapol ug lutong pula nga delana ug sa lino nga pinong pagkalubid; uban ang mga kerubin nga maayong pagkabuhat, gibuhat niya kini.

Exodo 39:3

Ug nagsalsal sila ug bulawan ug gitabas nila kini sama sa mga hilo aron iapil pagtahi sa asul ug tapol ug lutong pula nga delana ug sa lino nga pinong pagkalubid, kini maayong pagkabuhat.

Exodo 40:2

“Sa unang adlaw sa unang bulan, kinahanglan nga patindogon nimo ang Tolda, ang tolda nga tagboanan.

Numeros 3:25

Ug ang katungdanan sa mga anak nga lalaki ni Gerson diha sa tolda nga tagboanan mao ang Tolda, ang gitabon niini, ang tabil sa pultahan sa tolda nga tagboanan,

Numeros 4:25

Sila ang magdala sa mga tabil sa Tolda ug sa tolda nga tagboanan, sa tabon niini ug ang tabon nga panit sa mga kanding nga anaa sa ibabaw niini ug sa salimbong sa pultahan sa tolda nga tagboanan,

Juan 1:14

Ug ang Pulong nahimong tawo ug mipuyo uban kanato ug atong nakita ang iyang himaya, ang himaya nga iyang nadawat gikan sa Amahan ingon nga bugtong Anak, puno sa grasya ug kamatuoran.

Juan 2:21

Apan siya nagsulti mahitungod sa templo sa iyang lawas.

Mga Hebreo 8:2

usa ka alagad sulod sa dapit nga balaan ug sa tinuod nga tolda nga gipatindog sa Ginoo ug dili sa tawo.

Mga Hebreo 9:2

Kay dihay gitukod nga usa ka tolda, kadtong una, diin didto ang lamparahan ug ang lamisa ug ang mga pan nga gibutang sa atubangan sa Dios, gitawag ug Dapit nga Balaan.

Mga Hebreo 9:9

nga nagsimbolo sa kapanahonan karon. Sumala niining maong paghan-ay, gihalad ang mga gasa ug mga halad nga inihaw nga dili makahingpit sa tanlag sa magsisimba,

Gipadayag 19:8

ug sa Pangasaw-onon gitugot ang pagbisti ug pino nga lino, sanag ug putli”, kay ang pino nga lino mao man ang mga matarong nga binuhatan sa mga balaan.

Gipadayag 21:3

Ug nadungog nako gikan sa trono ang usa ka dakong tingog nga nag-ingon, “Tan-awa, ang puluy-anan sa Dios anaa uban sa mga tawo. Siya magpuyo uban kanila ug sila mahimo nga iyang mga katawhan, ug ang Dios gayod mao ang magkig-uban kanila ug mahimo nga ilang Dios.