Exodo 25:16

Ang Biblia 2011

Ug ibutang diha sa sudlanan ang pagpamatuod nga ihatag nako kaninyo.

Cross References

1 Mga Hari 8:9

Walay sulod ang sudlanan sa kasabotan gawas sa duha ka papan nga bato nga gibutang didto ni Moises sa Horeb, sa diha nga gihimo sa Ginoo ang kasabotan uban sa katawhan sa Israel, sa paggawas nila gikan sa yuta sa Ehipto.

2 Mga Hari 11:12

Unya iyang gidala sa gawas ang anak sa hari ug gibutang ibabaw kaniya ang korona, ug gihatag kaniya ang pagpamatuod, ug gipaila siya nga hari, ug gidihogan siya, ug gipakpak nila ang ilang mga kamot ug nag-ingon, “Mabuhi ang hari!”

2 Cronicas 23:11

Unya gidala niya sa gawas ang anak nga lalaki sa hari ug gipahimutang ang korona diha kaniya ug gihatag kaniya ang pagpamatuod ug gihimo nila siya nga hari, ug si Jehoiada ug ang iyang mga anak nga lalaki nagdihog kaniya ug sila miingon, “Mabuhi ang hari.”

Exodo 16:34

Sumala sa gisugo sa Ginoo kang Moises, gibutang kini ni Aaron sa atubangan sa pagpamatuod aron tipigan.

Exodo 25:21

Ug ibutang ang tabon sa ibabaw sa sudlanan; ug sa sulod sa sudlanan ibutang ang pagpamatuod nga ihatag nako kanimo.

Exodo 26:33

Ikaw-it ang tabil diha sa mga kaw-itanan ug ipahimutang ang sudlanan sa pagpamatuod sa luyo sa tabil ug ang tabil maoy mag-ulang alang kaninyo sa balaang dapit gikan sa labing balaang dapit.

Exodo 27:21

Sulod sa tolda nga tagboanan sa gawas sa tabil nga anaa sa atubangan sa pagpamatuod, si Aaron ug ang iyang mga anak nga lalaki mao ang mag-atiman gikan sa hapon hangtod sa buntag atubangan sa Ginoo. Kini mahimong tulumanon hangtod sa kahangtoran nga tumanon sa katawhan sa Israel ngadto sa ilang mga kaliwatan.

Exodo 30:36

Ang uban niini dugmoka nga pino kaayo ug ibutang kini sa atubangan sa pagpamatuod sa tolda nga tagboanan diin adto ako makigkita kanimo. Kini mahimo nga labing balaan alang kaninyo.

Exodo 30:6

Ug ibutang kini sa atubangan sa tabil nga anaa sa duol sa sudlanan sa pagpamatuod, sa atubangan sa tabon sa sudlanan nga anaa sa ibabaw sa pagpamatuod diin adto ako makigtagbo kanimo.

Exodo 31:18

Sa diha nga nakahuman na siya sa pagpakigsulti kaniya didto sa Bukid sa Sinai, gihatag niya kang Moises ang duha ka papan sa pagpamatuod, mga papan nga bato nga gisulatan sa tudlo sa Dios.

Exodo 32:15

Unya si Moises mibalik ug milugsong gikan sa bukid dala ang duha ka papan sa pagpamatuod diha sa iyang mga kamot, ang mga papan nga gisulatan sa luyog luyo niini, sa usa ka luyo ug sa pikas gisulatan kini.

Exodo 34:29

Sa diha nga si Moises milugsong gikan sa Bukid sa Sinai dala ang duha ka papan sa pagpamatuod diha sa iyang kamot, sa diha nga naglugsong siya gikan sa bukid, si Moises wala mahibalo nga ang panit sa iyang nawong misilaw tungod sa iyang pagpakigsulti sa Ginoo.

Exodo 38:21

Mao kini ang tanang butang alang sa Tolda, sa Tolda sa Pagpamatuod, nga giihap sumala sa sugo ni Moises ubos sa pagmando ni Itamar nga anak ni Aaron nga pari, alang sa buluhaton sa mga Levihanon.

Exodo 40:20

Unya gikuha niya ang pagpamatuod ug gibutang niya kini ngadto sa sulod sa sudlanan ug gibutang niya ang mga yayongan sa sudlanan. Ug gibutang niya ang tabon sa ibabaw sa sudlanan.

Numeros 17:4

Unya ibutang kini sila sa tolda nga tagboanan sa atubangan sa pagpamatuod diin ako makigtagbo kaninyo.

Mga Buhat 7:44

“Ang tolda sa pagpamatuod nabatonan sa atong mga katigulangan sa didto pa sila sa kamingawan sumala sa sugo sa Dios nga gisulti kang Moses, sa pagbuhat niini sumala sa sumbanan nga iyang nakita.

Roma 3:2

Daghan, sa bisan unsang paagi. Una, ngadto kanila gipiyal ang mga pulong sa Dios.

Deuteronomio 31:26

“Kuhaa ninyo kini nga basahon sa Balaod ug ibutang ninyo kini sa kilid sa sudlanan sa kasabotan sa Ginoo nga inyong Dios aron kini adto didto ingon nga saksi batok kaninyo.

Mga Hebreo 9:4

diin didto gibutang ang bulawan nga halaran sa insenso ug ang sudlanan sa kasabotan, nga gisapawan ug bulawan sa tanang bahin niini diin gibutang ang tibod nga bulawan nga gisudlan sa mana ug ang sungkod ni Aaron nga nanalingsing ug ang mga papan nga gisulatan sa kasabotan.

Josue 4:16

“Sugoa ang mga pari nga nagyayong sa sudlanan sa kasabotan sa pagtungas gikan sa Jordan.”