Exodo 25:10

Ang Biblia 2011

“Kinahanglan nga magbuhat sila ug usa ka sudlanan gikan sa kahoy nga akasya, ang gitas-on niini duha ka maniko ug tunga, ang gilapdon niini usa ka maniko ug tunga, ang gihabugon niini usa ka maniko ug tunga.

Cross References

2 Cronicas 8:11

Gidala ni Solomon ang anak nga babaye sa Paraon gikan sa siyudad ni David ngadto sa balay nga iyang gitukod alang kaniya kay siya miingon, “Ang akong asawa dili magpuyo sa balay ni David nga hari sa Israel, kay ang mga dapit nga dad-an sa sudlanan sa kasabotan sa Ginoo balaan.”

Exodo 31:7

ang tolda nga tagboanan, ang sudlanan sa pagpamatuod, ang tabon niini ug ang tanan nga mga kasangkapan sa Tolda,

Exodo 35:12

ang sudlanan uban ang mga yayongan niini, ang tabon sa pagpasig-uli, ug ang tabil sa tolda,

Exodo 39:32

Sa ingon niana nahuman ang tanang buluhaton sa Tolda, sa tolda nga tagboanan. Ug ang katawhan sa Israel nagbuhat sumala sa gisugo sa Ginoo kang Moises. Busa gibuhat nila kini.

Numeros 3:31

Ug ang ilang katungdanan mao ang sudlanan sa kasabotan, ang lamisa ug ang lamparahan, ang mga halaran ug ang mga kasangkapan sa balaang dapit nga pinaagi niini sila mag-alagad, ang tabil ug ang tanang buluhaton mahitungod niini.

Numeros 4:5

Sa diha nga mogikan na ang mga nagkampo, si Aaron ug ang iyang mga anak nga lalaki mosulod ug manangtang sa tabil sa salimbong ug kini itabon nila sa sudlanan sa pagpamatuod.

Numeros 4:6

Ug itabon nila sa ibabaw niini ang tabon nga panit sa kanding, ug sapawan kini ug panapton nga asul ug itaod nila ang mga yayongan niini.

Mga Hebreo 9:4

diin didto gibutang ang bulawan nga halaran sa insenso ug ang sudlanan sa kasabotan, nga gisapawan ug bulawan sa tanang bahin niini diin gibutang ang tibod nga bulawan nga gisudlan sa mana ug ang sungkod ni Aaron nga nanalingsing ug ang mga papan nga gisulatan sa kasabotan.

Gipadayag 11:19

Unya nabukas ang Templo sa Dios didto sa langit, ug sulod sa iyang Templo nakita ang sudlanan sa iyang kasabotan ug dihay pagpangilat, kusog nga mga kagahob, mga dalugdog, linog, ug kusog nga pag-ulan ug yelo.