Exodo 24:4

Ang Biblia 2011

Ug gisulat ni Moises ang tanang pulong sa Ginoo. Misayo siya pagbangon sa pagkabuntag ug nagtukod ug usa ka halaran didto sa tiilan sa bukid, ug nagpabarog ug napulo ug duha ka haliging bato, sumala sa napulo ug duha ka banay sa Israel.

Cross References

Genesis 12:7

Unya, ang Ginoo mipakita kang Abram ug miingon kaniya, “Sa imong kaliwat ihatag nako kining yutaa.” Ug nagtukod siya didto ug usa ka halaran alang sa Ginoo nga nagpakita kaniya.

Genesis 28:18

Busa si Jacob mibangon sayo sa pagkabuntag ug gikuha niya ang bato nga iyang gibutang ilalom sa iyang ulo ug kini gipatindog niya ingon nga usa ka haligi ug iyang gibuboan ug lana ang ibabaw niini.

Genesis 28:22

Unya kining batoha nga akong gipatindog ingon nga usa ka haligi mahimong balay sa Dios. Ug sa tanan nga imong gihatag kanako, ihatag gayod nako ang ikapulo kanimo.”

Genesis 31:45

Busa si Jacob mikuha ug usa ka bato ug kini gipatindog niya ingon nga usa ka haligi.

1 Mga Hari 11:30

Unya gikuptan ni Ahias ang bag-ong bisti nga iyang gisul-ob ug gigisi kini sa napulo ug duha ka bahin.

1 Mga Hari 18:31

Ug si Elias mikuha ug napulo ug duha ka bato, sumala sa gidaghanon sa mga banay sa mga anak ni Jacob, nga kaniya miabot ang pulong sa Ginoo nga nag-ingon, “Israel ang imong ngalan.”

Esdras 6:17

Sa ilang pagpahinungod niining balay sa Dios, naghalad sila ug usa ka gatos ka laking baka, duha ka gatos ka laking karnero, upat ka gatos ka nating karnero, ug ingon nga halad alang sa sala sa tibuok Israel, napulo ug duha ka laking kanding sumala sa gidaghanon sa mga banay sa Israel.

Nehemias 10:1

Ang mga mitimaan mao kini: si Nehemias nga gobernador nga anak ni Hacalias, si Zedekias,

Exodo 17:14

Unya ang Ginoo miingon kang Moises, “Isulat kini ingon nga usa ka handomanan diha sa usa ka basahon, ug sublia sa pagsaysay ngadto sa mga igdulungog ni Josue nga papason gayod nako ang handomanan sa Amalek sa ilalom sa langit.”

Exodo 17:15

Ug si Moises nagpatindog ug usa ka halaran ug iya kining ginganlan ug “Ang Ginoo mao ang akong bandila.”

Exodo 21:1

“Karon mao kini ang mga lagda nga imong ipadayag sa ilang atubangan.

Exodo 24:7

Ug gikuha niya ang basahon sa kasabotan, ug gibasa niya diha sa pangdungog sa katawhan ug sila miingon, “Ang tanang gisulti sa Ginoo among buhaton ug magmatinumanon kami.”

Exodo 28:21

Kinahanglan nga adunay napulo ug duha ka bato uban sa ilang mga ngalan sumala sa mga ngalan sa mga anak nga lalaki ni Israel. Kinahanglan nga sama sila sa mga silyo, ang matag usa sumala sa iyang ngalan, sa napulo ug duha ka banay.

Exodo 34:27

Ang Ginoo miingon kang Moises, “Isulat kining mga pulonga. Sumala niining mga pulonga gihimo nako ang kasabotan uban kanimo ug uban sa Israel.”

Isaias 19:19

Nianang adlawa may halaran alang sa Ginoo sa taliwala sa yuta sa Ehipto ug usa ka haligi sa Ginoo didto sa utlanan niini.

Levitico 24:5

“Pagkuha ug pinong harina ug pagluto niini ug napulog duha ka torta, tagduha ka ikanapulo nga bahin sa usa ka epha nga harina ang matag torta.

Numeros 17:2

“Sultihi ang katawhan sa Israel ug pagkuha gikan kanila ug mga sungkod, usa alang sa matag banay sa ilang katigulangan, sa tanang mga pangulo sumala sa banay sa ilang katigulangan, napulo ug duha ka sungkod. Isulat ang ngalan sa matag usa diha sa iyang sungkod.

Lucas 22:30

aron mangaon ug manginom kamo diha sa akong lamisa sa akong gingharian, ug maglingkod sa mga trono nga maghukom sa napulo ug duha ka banay sa Israel.

Mga Taga-Galacia 2:9

ug sa ilang pagkasayod sa grasya nga gihatag kanako, si Santiago, si Cefas ug si Juan, mga tinamod ingon nga mga haligi, mitunol kanako ug kang Barnabas sa tuong kamot sa pakig-ambitay aron kami mangadto sa mga Gentil ug sila ngadto sa mga tinuli.

Deuteronomio 31:9

Ug gisulat ni Moises kini nga Balaod ug gihatag niya sa mga pari, sa mga kaliwat ni Levi nga nagdala sa sudlanan sa kasabotan sa Ginoo, ug sa tanang kadagkoan sa Israel.

Josue 4:20

Ug kadtong napulo ug duha ka bato nga ilang gikuha sa Jordan, gipahiluna ni Josue didto sa Gilgal.

Josue 4:5

Ug si Josue miingon kanila, “Agi kamo sa atubangan sa sudlanan sa Ginoo nga inyong Dios, ngadto sa taliwala sa Jordan, ug ang matag usa kaninyo magpas-an ug usa ka bato diha sa iyang abaga, sumala sa gidaghanon sa mga banay sa katawhan sa Israel

Gipadayag 21:14

Ug ang paril sa siyudad may napulo ug duha ka patukoranan, ug diha kanila ang mga ngalan sa napulo ug duha ka apostoles sa Nating Karnero.