Exodo 24:3

Ang Biblia 2011

Ug si Moises miadto ug gisugilon niya sa katawhan ang tanang mga pulong sa Ginoo, ug ang tanang tulumanon. Ug ang tanang katawhan mitubag sa usa ka tingog ug miingon, “Ang tanang pulong nga gisulti sa Ginoo among buhaton.”

Cross References

2 Cronicas 15:14

Sila nanumpa ngadto sa Ginoo pinaagi sa usa ka kusog nga tingog ug pinaagi sa pagsinggit ug sa mga trumpeta ug sa mga sungay.

2 Cronicas 15:15

Ug ang tibuok Juda naglipay tungod sa pagpanumpa kay nanumpa sila uban sa tibuok nilang kasingkasing ug nangita kaniya uban sa tibuok nilang tinguha ug siya nakit-an nila, ug ang Ginoo mihatag kanila ug pahulay sa palibot.

Salmo 50:5

“Tigoma ang akong mga balaan nganhi kanako, kadtong mga naghimo ug kasabotan uban kanako pinaagi sa halad!”

Exodo 19:8

Ug ang tanang katawhan nagdungan sa pagtubag ug miingon, “Ang tanan nga gisulti sa Ginoo among buhaton.” Ug gisugilon ni Moises ang mga pulong sa katawhan ngadto sa Ginoo.

Exodo 24:2

Si Moises lamang ang makaduol sa Ginoo, apan sila dili makaduol ug kinahanglan nga ang katawhan dili motungas uban kaniya.”

Exodo 24:7

Ug gikuha niya ang basahon sa kasabotan, ug gibasa niya diha sa pangdungog sa katawhan ug sila miingon, “Ang tanang gisulti sa Ginoo among buhaton ug magmatinumanon kami.”

Jeremias 11:4

nga akong gisugo sa inyong mga katigulangan sa dihang gikuha nako sila gikan sa yuta sa Ehipto, gikan sa hudno nga tunawan sa puthaw, nga nag-ingon, Pamatia ninyo ang akong tingog, ug buhata ang tanan nga akong gisugo kaninyo. Busa kamo mahimo nga akong katawhan, ug ako mahimo nga inyong Dios,

Jeremias 34:13

“Mao kini ang giingon sa Ginoo, ang Dios sa Israel: Ako naghimo ug usa ka kasabotan uban sa inyong mga katigulangan sa diha nga gikuha nako sila gikan sa yuta sa Ehipto, gikan sa balay sa pagkaulipon, nga nag-ingon,

Hageo 2:5

sumala sa saad nga akong gihimo kaninyo sa diha nga migula kamo gikan sa Ehipto. Ang akong Espiritu magpabilin diha sa taliwala ninyo; ayaw kamo kahadlok.

Malaquias 2:10

Dili ba usa lamang ang atong amahan? Dili ba usa lamang ka Dios ang nagbuhat kanato? Nganong dili man kita matinud-anon sa usa ug usa, hinuon nagpasipala sa kasabotan sa atong katigulagan?

Deuteronomio 11:1

“Busa higugmaa ang Ginoo nga imong Dios ug tumana ang iyang pahimangno, ang iyang mga lagda, ang iyang mga tulumanon ug ang iyang mga sugo sa kanunay.

Deuteronomio 4:1

“Ug karon, O Israel, tumana ang mga lagda ug ang mga tulumanon nga akong gitudlo kaninyo, ug buhata kini aron mabuhi kamo, ug mosulod ug manag-iya sa yuta nga gihatag kaninyo sa Ginoo, ang Dios sa inyong mga katigulangan.

Deuteronomio 4:45

Kini mao ang mga pagpamatuod, mga lagda ug mga tulumanon nga gisulti ni Moises sa mga anak ni Israel sa diha nga migula sila gikan sa Ehipto,

Deuteronomio 4:5

Tan-awa, ako nagtudlo kaninyo ug mga lagda ug mga tulumanon sumala sa gisugo kanako sa Ginoo nga akong Dios, aron inyo gayong buhaton didto sa yuta diin maoy inyong sudlan aron sa pagpanag-iya niini.

Deuteronomio 5:1

Ug gipatawag ni Moises ang tibuok Israel ug giingnan sila, “Pamati O Israel, sa mga lagda ug sa mga tulumanon nga akong isulti sa inyong pangdungog niining adlawa ug tun-i ninyo kini ug matngoni ang pagbuhat niini.

Deuteronomio 5:31

Apan ikaw, tindog tupad kanako ug sultihan ko ikaw sa tanan nga mga sugo ug mga lagda ug mga tulumanon nga itudlo nimo kanila, aron buhaton nila didto sa yuta nga gihatag nako kanila aron mapanag-iya.’

Deuteronomio 6:1

“Karon mao kini ang kasugoan, ang mga lagda, ug mga tulumanon nga gisugo kanako sa Ginoo nga inyong Dios nga itudlo kaninyo aron buhaton ninyo kini didto sa yuta nga inyong adtoan aron sa pagpanag-iya niini,

Josue 24:21

Ug ang katawhan miingon kang Josue, “Dili! Mag-alagad kami sa Ginoo.”

Josue 24:22

Unya si Josue miingon sa katawhan, “Kamo ang mga saksi batok sa inyong kaugalingon nga kamo mipili sa Ginoo, sa pag-alagad kaniya.” Ug sila miingon, “Kami mga saksi.”

Josue 24:24

Ang katawhan miingon kang Josue, “Sa Ginoo nga among Dios kami mag-alagad ug sa iyang tingog kami motuman.”