Exodo 24:18

Ang Biblia 2011

Ug misulod si Moises sa panganod ug mitungas siya ngadto sa bukid. Ug didto si Moises sa bukid sulod sa 40 ka adlaw ug 40 ka gabii.

Cross References

1 Mga Hari 19:11

Ug siya miingon, “Lakaw ug tindog sa tumoy sa bukid sa atubangan sa Ginoo.” Ug ang Ginoo miagi, ug usa ka dako ug kusog nga hangin mibuak sa mga bukid, ug nangatipak ang mga bato sa atubangan sa Ginoo, apan ang Ginoo wala diha sa hangin; ug human sa hangin, usa ka linog apan ang Ginoo wala diha sa linog;

1 Mga Hari 19:8

Ug siya mibangon ug mikaon ug miinom ug siya milakaw nga baskog tungod sa pagkaon, sulod sa 40 ka adlaw ug 40 ka gabii ngadto sa Horeb, ang bukid sa Dios.

Exodo 19:20

Unya ang Ginoo mikunsad sa Bukid sa Sinai, sa kinatumyan sa bukid, ug gitawag niya si Moises ngadto sa kinatumyan sa bukid ug mitungas si Moises.

Exodo 24:17

Ug ang panagway sa himaya sa Ginoo sama sa usa ka nag-ut-ot nga kalayo sa kinatumyan sa bukid diha sa panan-aw sa katawhan sa Israel.

Exodo 25:1

Ang Ginoo miingon kang Moises,

Exodo 32:1

Sa diha nga nakita sa katawhan nga si Moises nadugay sa paglugsong gikan sa bukid, ang katawhan nagtigom ngadto kang Aaron ug miingon kaniya, “Dali, buhati kami ug mga dios nga mag-una kanamo, kay mahitungod niining Moises, ang tawo nga nagkuha kanamo gikan sa yuta sa Ehipto, wala kami mahibalo kon unsay nahitabo kaniya.”

Exodo 34:28

Ug siya didto uban sa Ginoo sulod sa 40 ka adlaw ug 40 ka gabii; siya wala mokaon ug pan o moinom ug tubig. Ug gisulat niya sa mga papan ang mga pulong sa kasabotan, ang napulo ka kasugoan.

Exodo 9:29

Ug si Moises miingon kaniya, “Sa dihang makagula na ako sa siyudad, ibayaw dayon nako ang akong mga kamot ngadto sa Ginoo ug mohunong ang dalugdog, ug wala nay ulan nga yelo aron ikaw mahibalo nga ang kalibotan iya sa Ginoo.

Exodo 9:33

Busa si Moises mibiya gikan sa Paraon ug migawas sa siyudad ug gibayaw niya ang iyang mga kamot ngadto sa Ginoo, ug ang dalugdog ug ang ulan nga yelo mihunong, ug ang ulan wala na mangahulog sa yuta.

Mga Panultihon 28:1

Ang daotan mopalayo bisan ug walay naggukod, apan ang matarong isog sama sa liyon.

Mateo 4:2

Ug siya nagpuasa sulod sa 40 ka adlaw ug 40 ka gabii ug human niini siya gigutom.

Marcos 1:13

Sulod sa 40 ka adlaw didto siya sa kamingawan, gitintal ni Satanas, ug siya uban sa mga ihalas nga mananap apan dihay mga anghel nga miatiman kaniya.

Lucas 4:2

sulod sa 40 ka adlaw diin siya gitintal sa yawa. Wala siya mokaon sulod niadtong mga adlawa ug pagkahuman niini, gigutom siya.

Deuteronomio 10:10

“Ug mipabilin ako didto sa bukid, sama sa unang panahon, 40 ka adlaw ug 40 ka gabii ug ang Ginoo namati kanako niadtong panahona usab. Ang Ginoo walay tinguha sa paglaglag kaninyo.

Deuteronomio 5:31

Apan ikaw, tindog tupad kanako ug sultihan ko ikaw sa tanan nga mga sugo ug mga lagda ug mga tulumanon nga itudlo nimo kanila, aron buhaton nila didto sa yuta nga gihatag nako kanila aron mapanag-iya.’

Deuteronomio 9:18

Ug mihapa ako sa atubangan sa Ginoo sama sa una, 40 ka adlaw ug 40 ka gabii. Wala ako mokaon ug pan o moinom ug tubig tungod sa tanan ninyong sala nga inyong gibuhat, sa inyong pagbuhat ug daotan diha sa panan-aw sa Ginoo aron sa pagpasuko kaniya.

Deuteronomio 9:25

“Busa mihapa ako sa atubangan sa Ginoo sulod sa 40 ka adlaw ug 40 ka gabii kay ang Ginoo miingon nga iya kamong laglagon.

Deuteronomio 9:9

Sa dihang mitungas ako sa bukid aron sa pagdawat sa mga papan nga bato, sa mga papan sa kasabotan nga gibuhat sa Ginoo uban kaninyo, mipabilin ako sa bukid 40 ka adlaw ug 40 ka gabii. Wala ako mokaon ug pan o moinom ug tubig.