Exodo 24:17

Ang Biblia 2011

Ug ang panagway sa himaya sa Ginoo sama sa usa ka nag-ut-ot nga kalayo sa kinatumyan sa bukid diha sa panan-aw sa katawhan sa Israel.

Cross References

2 Samuel 22:13

Gikan sa kahayag sa iyang atubangan nagsilaob ang mga baga sa kalayo.

2 Samuel 22:9

Miutbo ang aso gikan sa iyang mga ilong, ug ang nagdilaab nga kalayo gikan sa iyang baba; ang mga baga misilaob gikan kaniya.

Exodo 19:11

Ug paandama sila sa ikatulong adlaw kay sa ikatulong adlaw mokunsad ang Ginoo sa Bukid sa Sinai, sa atubangan sa tanang katawhan.

Exodo 19:18

Ug ang tibuok Bukid sa Sinai nalukop sa aso kay ang Ginoo mikunsad sa ibabaw niini pinaagi sa kalayo ug ang aso niini miutbo sama sa aso sa usa ka hudno ug ang tibuok nga bukid nauyog sa hilabihan gayod.

Exodo 3:2

Didto ang anghel sa Ginoo mipakita kaniya pinaagi sa usa ka siga sa kalayo sa taliwala sa usa ka sampinit. Ug siya mitan-aw ug nakita niya nga ang sampinit nagsiga apan wala kini maugdaw.

Ezequiel 1:27

Ug dapit sa itaas gikan sa daw hawak niya nakita nako ang daw nagsinaw nga bronsi nga sama sa kalayo nga gilibotan. Ug dapit sa ubos gikan sa daw hawak niya, nakita nako ang ingon sa kalayo, ug dihay kahayag nga naglibot niini.

Ezequiel 1:28

Sama sa dagway sa bangaw nga anaa sa panganod sa adlaw nga may ulan, mao usab ang dagway sa kasanag nga naglibot. Ingon niini ang dagway sa himaya sa Ginoo. Ug sa diha nga nakita nako kini, ako mihapa ug nadungog nako ang usa ka tingog sa usa nga nagsulti.

Nahum 1:6

Kinsa ang makasugakod sa atubangan sa iyang kapungot? Kinsa ang makaantos sa kainit sa iyang kasuko? Ang iyang kapungot gibubo sama sa kalayo, ug ang mga bato iyang gipulpog.

Deuteronomio 4:24

Kay ang Ginoo nga inyong Dios mao ang kalayo nga nag-ut-ot, usa ka Dios nga abubhoan.

Deuteronomio 4:36

Gikan sa langit gipadungog kamo niya sa iyang tingog aron kamo mapanton niya. Ug dinhi sa yuta gipakita niya kaninyo ang iyang dakong kalayo ug nakadungog kamo sa iyang mga pulong gikan sa taliwala sa kalayo.

Deuteronomio 9:3

Busa hibaloi niining adlawa nga siya nga mag-una kaninyo sama sa nag-ut-ot nga kalayo mao ang Ginoo nga inyong Dios; laglagon niya sila ug pukanon sa inyong atubangan busa papahawaa ninyo sila ug laglaga dayon sila, sumala sa gisaad sa Ginoo kaninyo.

Mga Hebreo 12:18

Kay kamo wala modangat ngadto sa mahikap, sa nagdilaab nga kalayo ug sa kangitngit ug sa kangiob ug sa bagyo

Mga Hebreo 12:29

kay ang atong Dios usa ka kalayo nga mag-ut-ot.