Exodo 23:9

Ang Biblia 2011

“Ayaw gayod ninyo daogdaoga ang usa ka dumuduong. Nahibalo kamo kon unsay bation sa usa ka dumuduong kay mga dumuduong man kamo kaniadto sa yuta sa Ehipto.

Cross References

Salmo 94:6

Gipamatay nila ang mga biyuda ug ang dumuduong, ug gipamatay nila ang mga wala nay amahan;

Exodo 21:21

Apan kon ang ulipon mabuhi sa usa o duha ka adlaw, dili siya silotan kay ang ulipon iyang katigayonan.

Exodo 22:20

“Si bisan kinsa nga maghalad ngadto sa bisan unsang dios gawas sa Ginoo lamang kinahanglang laglagon.

Exodo 22:21

“Ayaw buhati ug daotan ang usa ka langyaw o magdaogdaog kaniya, kay kamo mga langyaw kaniadto sa yuta sa Ehipto.

Ezequiel 22:29

Ang katawhan sa yuta nanapi ug nanulis. Gidaogdaog nila ang kabos ug ang nanginahanglan, ug nanapi sa mga dumuduong sa walay katarongan.

Ezequiel 22:7

Diha kanimo gitamay nila ang amahan ug inahan, ang mga langyaw nag-antos sa pagpanapi kanila diha sa imong taliwala, ang mga wala nay amahan ug ang mga biyuda gibuhatan ug sayop diha kanimo.

Levitico 19:33

“Kon ang usa ka dumuduong magpuyo uban kaninyo sa inyong yuta, ayaw kamo pagbuhat ug daotan kaniya.

Mateo 18:33

Dili ba nga angay usab unta ikaw nga maluoy sa imong isigkaulipon ingon nga ako naluoy kanimo?’

Deuteronomio 10:19

Busa higugmaa ninyo ang dumuduong kay kamo mga dumuduong didto sa yuta sa Ehipto.

Deuteronomio 23:7

“Ayaw dumti ang usa ka Edomhanon kay siya inyong igsoon. Ayaw pagdumot sa Ehiptohanon kay langyaw kamo kaniadto sa iyang yuta.

Deuteronomio 27:19

“ ‘Tinunglo ang magtuis sa hustisya nga alang sa langyaw, sa wala nay amahan ug sa biyuda!’ Ug ang tanang katawhan moingon, ‘Amen!’