Exodo 23:8

Ang Biblia 2011

Ayaw gayod kamo pagdawat ug suborno, kay ang suborno magbuta sa mga tawo nga anaa sa katungdanan ug magtuis sa mga pulong sa matarong.

Cross References

Salmo 15:5

wala magpahulam sa iyang salapi aron patuboan, ug wala magdawat ug suborno batok niadtong walay sala. Siya nga nagbuhat niining mga butanga dili gayod matarog.

Salmo 26:10

mga tawo nga ang mga kamot anaa ang kadaotan, ug ang ilang tuong kamot napuno sa mga suborno.

Mga Panultihon 15:27

Siya nga hakog sa dili matarong nga ganansiya naghimo ug kasamok sa iyang panimalay, apan siya nga nagdumot sa mga suborno mabuhi.

Mga Panultihon 17:23

Ang tawong daotan modawat ug usa ka suborno gikan sa sabakan aron sa pagtuis sa mga pamaagi sa hustisya.

Mga Panultihon 17:8

Ang suborno sama sa usa ka bililhong bato diha sa mga mata sa naghatag niini; bisan diin siya moliso mouswag siya.

Mga Panultihon 19:4

Ang bahandi magdala ug daghang sa mga higala, apan ang kabos biyaan sa iyang mga higala.

Ecclesiastes 7:7

Ang pagpanglupig makahimo gayod nga buangbuang sa tawong maalamon, ug ang usa ka suborno makapadaot sa hunahuna.

Isaias 1:13

Ayaw na pagdala ug mga halad nga walay kapuslanan; ang insenso dulumtanan alang kanako. Ang bag-ong pagsubang sa bulan ug ang adlaw nga igpapahulay ug ang pagtawag sa mga panagtigom— dili ako makaantos sa kasal-anan ug sa balaang panagtigom.

Isaias 1:23

Ang imong mga pangulo masupilon ug kauban sa mga kawatan. Ang matag usa nahigugma sa suborno ug nagtinguha sa mga gasa. Wala nila panalipdi ang mga wala nay amahan, ug ang mga sumbong sa biyuda wala modangat kanila.

Isaias 33:15

Siya nga naglakaw nga matarong ug nagsulti nga ligdong, nga nagtamay sa ganansiya gikan sa mga pagpanglupig, nga nagsawilik sa iyang mga kamot aron dili modawat ug suborno, nga nagsampong sa iyang mga dalunggan gikan sa pagpamati mahitungod sa pagpaagas ug dugo, ug nagpiyong sa iyang mga mata gikan sa pagtan-aw sa daotan,

Isaias 5:22

Alaot kadtong kusog nga moinom ug bino, ug mga tawo nga hawod sa pagsagol sa isog nga ilimnon,

Isaias 5:23

nga nagpalingkawas sa sad-an tungod sa suborno, ug naghikaw sa matarong sa iyang katungod!

Ezequiel 22:12

Diha kanimo ang mga tawo magdawat ug mga suborno aron sa pagpaagas ug dugo. Nagdawat ikaw ug patong ug tubo ug nakaganansiya sa imong mga isigkatawo pinaagi sa pagpanapi ug ikaw nalimot kanako, nag-ingon ang Ginoong Dios.

Oseas 4:18

Ang panon sa mga palahubog naghatag sa ilang kaugalingon ngadto sa pagkamakihilawason, gihigugma nila ang kaulawan labaw sa ilang dungog.

Amos 5:12

Kay ako nahibalo sa kadaghan sa inyong mga kalapasan ug unsa ka dako ang inyong mga sala— kamo nga nagsakit sa mga matarong, nga nagdawat ug suborno, ug nagsalikway sa mga nanginahanglan diha sa ganghaan.

Miqueas 7:3

Ang ilang mga kamot anaa sa kadaotan, aron sa pagbuhat niini nga makugihon; ang pangulo ug ang maghuhukom nangayo ug suborno, ug ang tawong gamhanan nagpahayag sa daotang tinguha sa iyang kalag, sa ingon gilangkob nila kini.

Deuteronomio 10:17

Kay ang Ginoo nga inyong Dios, Dios sa mga dios, ug Ginoo sa mga ginoo, ang dako, gamhanan ug makalilisang nga Dios nga walay pinalabi ug dili usab modawat ug suborno.

Deuteronomio 16:19

Ayaw tuisa ang hustisya. Ayaw pagdapig ug mga tawo ug ayaw pagdawat ug suborno kay ang suborno nagbuta sa mga mata sa mga maalamon ug nagbalit-ad sa mga pulong sa mga matarong.

1 Samuel 12:3

Ania ako, pagsaksi kamo batok kanako sa atubangan sa Ginoo ug sa atubangan sa iyang dinihogan. Kang kinsang baka ang akong gikuha? Kang kinsang asno ang akong gikuha? Kinsa ang akong gidaogdaog o kinsa ang akong gilimbongan? Gikan kang kinsang kamot nga ako nagdawat ug suborno aron sa pagbuta sa akong mga mata pinaagi niini? Pagpamatuod kamo batok kanako ug ako mag-uli niana kaninyo.”

1 Samuel 8:3

Apan ang iyang mga anak wala mosubay sa iyang mga pamaagi, kondili misimang ngadto sa pagpanapi. Nanawat sila ug suborno ug nagtuis sa hustisya.