Exodo 23:27

Ang Biblia 2011

Magpadala ako ug kahadlok una kaninyo ug libogon nako ang tanang katawhan nga inyong adtoan ug pakig-awayan, ug himoon nako nga ang tanan ninyong mga kaaway motalikod kaninyo.

Cross References

Genesis 35:5

Ug samtang sila nagpanaw, ang kahadlok gikan sa Dios miabot ngadto sa mga kalungsoran nga naglibot kanila mao nga sila wala mogukod sa mga anak ni Jacob.

2 Samuel 22:41

Ikaw naghimo sa akong mga kaaway nga motalikod gikan kanako, kadtong nagdumot kanako, ug gilaglag nako sila.

2 Mga Hari 7:6

Kay ang Ginoo naghimo sa kasundalohan sa mga Sirianhon nga makabati ug dinahunog sa mga karwahi, ug sa mga kabayo ug sa kagahob sa dakong pundok sa kasundalohan ug sila nag-ingon sa usa ug usa, “Tan-awa, ang hari sa Israel nagsuhol batok kanato ug mga hari sa mga Hitihanon ug mga hari sa Ehipto sa pag-asdang kanato.”

2 Cronicas 14:14

Unya ilang gilaglag ang tanang mga siyudad nga naglibot sa Gerar kay ang pagkahadlok sa Ginoo miabot kanila. Ilang gipanguhaan ang tanang mga siyudad kay may daghang sinakmit diha kanila.

Salmo 18:40

Gipasibog nimo gikan kanako ang akong mga kaaway, ug kadtong mga nagdumot kanako akong gilaglag.

Salmo 21:12

Kay ikaw mopakagiw kanila; ipatumong nimo sa ilang mga nawong ang imong mga pana.

Exodo 33:2

Ug ako magpadala ug usa ka anghel una kanimo ug papahawaon nako ang mga Canaanhon, ang mga Amorihanon, ang mga Hitihanon, ang mga Perisihanon, ang mga Hibihanon ug ang mga Jebusihanon.

Exodo 34:24

Kay akong hinginlan ang mga nasod gikan sa inyong atubangan ug palapdon nako ang inyong mga utlanan, ug walay si bisan kinsa nga magtinguha sa inyong yuta sa dihang motungas kamo aron sa pagpakita sa atubangan sa Ginoo nga inyong Dios makatulo sa usa ka tuig.

Numeros 22:3

Ug ang Moab nahadlok pag-ayo sa katawhan kay daghan sila; nalisang ang Moab tungod sa katawhan sa Israel.

Deuteronomio 11:23

ang Ginoo maghingilin niining tanang nasod gikan sa inyong atubangan ug ilogan ninyo ang mga nasod nga dagko ug gamhanan kay kaninyo.

Deuteronomio 11:25

Walay tawo nga makaasdang batok kaninyo. Ang Ginoo nga inyong Dios magbutang sa kalisang ug kahadlok kaninyo ngadto sa tibuok nga yuta nga inyong tumban sumala sa iyang gisaad kaninyo.

Deuteronomio 2:25

Niining adlawa magsugod ako sa pagbutang sa kahadlok ug sa kalisang kanimo nganha sa mga katawhan nga anaa sa ilalom sa tibuok nga langit nga makadungog sa balita mahitungod kanimo, ug mangurog sila ug magbangutan tungod kanimo.’

Deuteronomio 6:19

pinaagi sa pag-abog sa tanan ninyong mga kaaway gikan sa inyong atubangan sumala sa gisaad sa Ginoo.

Deuteronomio 7:23

Apan ang Ginoo nga inyong Dios magtugyan kanila nganha kaninyo, ug siya maglisang kanila pag-ayo hangtod nga mangalaglag sila.

1 Samuel 14:15

May kaguliyang didto sa kampo, sa kapatagan ug sa taliwala sa tibuok katawhan; ang mga sundalo nga nagbantay sa kuta ug ang mga nanulong nangurog, ang yuta milinog, ug kini nahimong dakong kaguliyang.