Exodo 23:26

Ang Biblia 2011

Walay babaye nga makuhaan sa iyang gisabak o dili makaanak diha sa inyong yuta ug tumanon nako ang gidaghanon sa inyong mga adlaw.

Cross References

Genesis 25:8

Si Abraham miginhawa sa iyang kataposan ug namatay siya nga tigulang na kaayo, ug hupong sa katuigan ug gitipon ngadto sa iyang katawhan.

Genesis 35:29

Ug si Isaac miginhawa sa iyang kataposan ug namatay siya ug gitipon siya didto sa iyang katawhan, tigulang ug hupong sa mga adlaw. Ug siya gilubong nila ni Esau ug ni Jacob.

1 Cronicas 23:1

Sa diha nga si David tigulang na ug hingpit na ang iyang mga adlaw, gihimo niya nga hari sa Israel si Solomon nga iyang anak.

Job 21:10

Ang ilang mga torong baka nagpaliwat ug wala mapakyas; ang ilang baye nga mga baka nanganak ug dili makuhaan sa iyang nati.

Job 42:17

Ug si Job namatay, tigulang na ug hingpit sa mga adlaw.

Job 5:26

Ikaw moadto sa imong lubnganan nga hingkod ang panuigon, sama sa usa ka tapok nga trigo nga mosaka ngadto sa giokanan sa panahon niini.

Salmo 107:38

Tungod sa iyang panalangin sila modaghan pag-ayo, ug dili niya kuhaan ang ilang kahayopan.

Salmo 144:13

mapuno unta ang among mga kamalig, nga sangkap sa tanang matang sa abot; ang among mga karnero magpasanay unta ug linibo, ug tagnapulo ka libo sa among mga kapatagan;

Salmo 55:23

Apan ikaw, O Dios, magtambog kanila ngadto sa gahong sa pagkalaglag; ang mga madugoon ug limbongan dili mabuhi sa katunga sa ilang mga adlaw. Apan ako mosalig kanimo.

Salmo 90:10

Ang mga adlaw sa among kinabuhi 70 ka tuig, o tingali tungod sa kabaskog 80 ka tuig, bisan pa niana ang ilang gidugayon mao lamang ang kabudlay ug kasub-anan; kay kini matapos dayon ug kami manglupad.

Isaias 65:20

Wala na unyay bata diha niini nga mabuhi sa pila lamang ka adlaw, o usa ka tigulang nga dili mabuhong sa iyang mga adlaw, kay ang bata mamatay nga usa ka gatos ang panuigon, ug ang makasasala nga usa ka gatos ka tuig tunglohon.

Oseas 9:14

Hatagi sila, O Ginoo, unsa ang imong ihatag? Hatagi sila ug tagoangkan nga kanunayng makuhaan ug uga nga mga suso.

Deuteronomio 28:4

Mabulahan ang bunga sa inyong lawas ug ang bunga sa inyong yuta ug ang bunga sa inyong mga mananap, ang tubo sa inyong mga baka ug ang mga nati sa inyong panon sa karnero.

Deuteronomio 4:40

Busa tumana ninyo ang iyang mga lagda ug ang iyang mga sugo nga akong gisugo kaninyo niining adlawa aron magmaayo ang inyong kahimtang ug sa inyong mga anak nga sunod kaninyo, ug aron motaas ang inyong mga adlaw sa yuta nga gihatag kaninyo sa Ginoo nga inyong Dios hangtod sa kahangtoran.”

Deuteronomio 7:14

Mabulahan kamo labaw sa tanang mga katawhan. Walay lalaki o babaye nga dili makaanak diha kaninyo o sa inyong kahayopan.