Exodo 23:24

Ang Biblia 2011

ayaw gayod pagyukbo sa ilang mga diosdios o mag-alagad kanila o magbuhat sumala sa ilang mga buhat, hinuon gub-a kini ug dugmoka ninyo ang ilang mga batong haligi.

Cross References

2 Mga Hari 17:11

Ug didto nagsunog sila ug insenso sa tanan nga mga habog nga dapit, sumala sa gihimo sa mga nasod nga gidala sa Ginoo sa layo gikan kanila. Ug naghimo sila ug daotan nga mga butang nga nakapahagit sa Ginoo sa pagkasuko.

2 Mga Hari 17:8

ug naglakaw sumala sa nabatasan sa mga nasod nga gisalikway sa Ginoo gikan sa atubangan sa mga katawhan sa Israel ug diha sa pamatasan nga gihimo sa mga hari sa Israel.

2 Mga Hari 18:4

Iyang giguba ang mga habog nga dapit ug gitumpag ang mga haligi nga bato ug giputol ang Asera ug iyang gidugmok ang bitin nga bronsi nga gibuhat ni Moises, kay hangtod niadtong mga adlawa ang katawhan sa Israel nagsunog man ug insenso alang niini, ug kini gitawag ug Nehustan.

2 Mga Hari 3:2

Gihimo niya ang daotan sa panan-aw sa Ginoo, apan dili sama sa iyang amahan ug inahan, kay iyang gisalikway ang haliging bato ni Baal nga binuhat sa iyang amahan.

2 Cronicas 14:2

Gihimo ni Asa ang maayo ug matarong diha sa mga mata sa Ginoo nga iyang Dios.

2 Cronicas 25:14

Human si Amasias moabot gikan sa pagpamatay sa mga Edomhanon, gidala niya ang mga diosdios sa katawhan sa Seir, ug iya kining gipahimutang ingon nga iyang mga diosdios, ug nagyukbo niini ug naghimo ug mga paghalad alang kanila.

2 Cronicas 33:2

Siya nagbuhat ug daotan diha panan-aw sa Ginoo sunod sa mga dulumtanan nga buhat sa mga nasod nga gihinginlan sa Ginoo gikan sa atubangan sa katawhan sa Israel.

2 Cronicas 33:9

Gitintal ni Manases ang Juda ug ang mga nagpuyo sa Jerusalem, nga tungod niana sila naghimo ug labaw ka daotan kay sa gibuhat sa mga nasod nga gilaglag sa Ginoo sa atubangan sa katawhan sa Israel.

Salmo 101:3

Dili nako ibutang sa atubangan sa akong mga mata ang bisan unsa nga daotan. Gidumtan nako ang buhat niadtong mga nahisalaag, kini dili motapot kanako.

Exodo 20:3

“Ayaw pagbaton ug lain nga mga dios sa akong atubangan.

Exodo 20:5

Ayaw kamo pagyukbo kanila o pag-alagad kanila, kay ako, ang Ginoo nga inyong Dios, abubhoan nga Dios, nga nagsilot sa mga sala sa mga ginikanan diha sa mga anak ngadto sa ikatulo ug sa ikaupat nga kaliwatan niadtong mga nagdumot kanako.

Exodo 23:13

Tagda ang tanan nakong gisulti kaninyo. Ug ayaw hisgoti ang ngalan sa ubang mga dios o ipadungog kini gikan sa inyong baba.

Exodo 23:32

Kinahanglan nga dili kamo magbuhat ug kasabotan uban kanila o uban sa ilang mga diosdios.

Exodo 23:33

Kinahanglan nga dili sila mopuyo sa inyong yuta kay tingali unya ug sila mag-angin kaninyo sa pagpakasala batok kanako kay kon mag-alagad kamo sa ilang mga diosdios, kini gayod mahimong usa ka lit-ag alang kaninyo.”

Exodo 32:20

Ug gikuha niya ang nating baka nga ilang gibuhat ug gisunog niya kini sa kalayo. Ug gigaling kini niya hangtod nga napulbos ug gisabwag kini ngadto sa tubig ug gipainom niya kini sa katawhan sa Israel.

Ezequiel 16:47

Bisan pa niana wala ikaw matagbaw sa pagsunod sa ilang mga pamaagi o sa pagbuhat sumala sa ilang mga dulumtanan. Sa mubo lamang nga panahon nahimo ikaw nga labaw pa ka ngil-ad kay kanila sa tanan nimong nga mga pamaagi.

Oseas 10:2

Ang ilang kasingkasing maluibon; karon kinahanglang magpas-an sila sa ilang sala. Ang Ginoo magtumpag sa ilang mga halaran, ug magguba sa ilang mga haliging larawan.

Levitico 18:3

Ayaw kamo pagbuhat sama sa gibuhat nila didto sa yuta sa Ehipto diin kamo mipuyo ug ayaw kamo pagbuhat sama sa gibuhat nila didto sa yuta sa Canaan nga didto ako magdala kaninyo. Ayaw usab kamo pagsunod sa ilang mga lagda.

Levitico 26:1

“Ayaw kamo pagbuhat alang kaninyo ug mga diosdios ug ayaw kamo pagpatindog ug kinulit nga larawan o haligi nga bato, ug ayaw kamo pagbutang ug bato nga kinulitan diha sa inyong yuta aron magyukbo kamo niini, kay ako mao ang Ginoo nga inyong Dios.

Numeros 25:2

Kini nagdapit sa katawhan sa mga paghalad ngadto sa ilang mga dios, ug ang katawhan mikaon ug miyukbo sa ilang mga dios.

Numeros 33:52

papahawaon ninyo ang tanang mga nagpuyo sa yuta gikan sa atubangan ninyo ug dugmokon ang tanan nilang mga larawan ug ang tanan nilang mga tinunaw nga larawan ug gub-on ang tanan nilang habog nga mga dapit

Deuteronomio 12:3

Ug gun-oba ninyo ang ilang mga halaran ug dugmoka ninyo ang ilang mga haliging bato ug sunoga ninyo sa kalayo ang ilang mga Asera ug dugmoka ninyo ang kinulit nga larawan sa ilang mga dios ug laglaga ninyo ang ilang ngalan gikan niadtong dapita.

Deuteronomio 7:5

Apan ingon niini ang buhata kanila: gub-a ninyo ang ilang mga halaran ug dugmoka ang ilang mga haligi ug pukana ang ilang Aserim ug sunoga sa kalayo ang ilang mga kinulit nga larawan.