Exodo 23:2

Ang Biblia 2011

Ayaw pagsunod sa daghan aron sa pagbuhat ug daotan, o sa pagsaksi ug bakak diha sa usa ka kaso pinaagi sa pagdapig sa daghan aron sa pagtuis sa katarongan,

Cross References

Genesis 19:4

Apan sa wala pa sila makahigda, ang balay ni Lot gilibotan sa mga tawo sa siyudad, sa mga tawo sa Sodoma, mga batan-on ug mga tigulang, sa tanang mga tawo gayod.

Genesis 6:12

Ug nakita sa Dios nga ang kalibotan nahimong daotan, nagkadunot kini kay ang tanang tawo daotan man sa ilang pamaagi diha sa kalibotan.

Genesis 7:1

Unya ang Ginoo miingon kang Noe, “Sulod ngadto sa arka, ikaw ug ang tibuok nimong banay kay nakita nako nga ikaw matarong sa akong atubangan niining maong kaliwatan.

1 Mga Hari 19:10

Siya miingon, “Ako nangabubho pag-ayo alang sa Ginoo, ang Dios sa mga panon, kay ang katawhan sa Israel misalikway sa imong kasabotan, migun-ob sa imong mga halaran ug mipatay ang imong mga propeta pinaagi sa espada, ug ako, ako na lamang ang nahibilin ug gipangita nila ang akong kinabuhi aron sa pagkuha niini.”

Job 31:34

tungod kay nahadlok ako sa dagkong panon sa katawhan, ug nakapalisang kanako ang pagtamay sa mga kabanayan, busa ako naghilom ug wala mogula sa mga pultahan—

Salmo 72:2

Maghukom unta siya sa imong katawhan diha sa pagkamatarong, ug sa imong mga kabos diha sa kaangayan!

Mga Panultihon 1:15

anak ko, ayaw paglakaw sa dalan uban kanila, isibog ang imong tiil gikan sa ilang agianan;

Mga Panultihon 18:5

Dili maayo ang pagdapig sa tawong daotan, o ang paghikaw sa hustisya gikan sa matarong.

Mga Panultihon 4:14

Ayaw pagsulod sa agianan sa daotan, ug ayaw paglakaw sa dalan sa mga tawong daotan.

Jeremias 37:15

Ug ang mga pangulo nangasuko kang Jeremias ug gibun-og nila siya ug gibilanggo didto sa balay ni Jonatan nga sekretaryo, kay gibuhat kini nga bilanggoan.

Jeremias 37:21

Busa si Hari Zedekias misugo, ug ilang gitugyan si Jeremias ngadto sa hawanan sa mga bantay; ug usa ka haon nga pan ang gihatag kaniya matag adlaw gikan sa dalan sa mga tigbuhat ug pan, hangtod nga ang tanang pan sa siyudad nahurot. Busa si Jeremias nagpabilin sa hawanan sa mga bantay.

Jeremias 38:9

“Akong agalon nga hari, kining mga tawhana nakabuhat ug daotan sa tanan nilang gihimo kang Jeremias nga propeta, pinaagi sa pagtambog kaniya ngadto sa atabay ug siya mamatay didto sa kagutom kay wala may pan nga nahibilin sa siyudad.”

Ezequiel 9:9

Unya siya miingon kanako, “Ang kasal-anan sa balay sa Israel ug sa Juda hilabihan ka dako, ug ang yuta napuno sa dugo, ug ang siyudad napuno sa pagtuis sa hustisya kay sila nag-ingon man, ‘Ang Ginoo mibiya sa yuta, ug ang Ginoo dili makakita.’

Levitico 19:15

“Ayaw paghimo ug dili makataronganong paghukom; ayaw paglaban sa kabos o magdapig sa tawo nga gamhanan, kondili diha sa pagkamatarong maghukom ikaw sa imong isigkatawo.

Hageo 1:4

“Panahon na ba alang kaninyo nga kamo magpuyo sa inyong mga binungbongan nga balay, samtang kining balaya nagpabilin nga guba?

Marcos 15:15

Busa si Pilato nga nagtinguha sa pagpahimuot sa panon sa katawhan, mibuhi kang Barabas alang kanila ug human niya ipalatigo si Jesus, gitugyan niya siya aron ilansang sa krus.

Lucas 23:51

Siya wala mouyon sa ilang katuyoan ug binuhatan, ug siya nagpaabot sa gingharian sa Dios.

Mga Buhat 24:27

Apan sa dihang milabay ang duha ka tuig, si Felix gipulihan ni Porcio Festo, ug sa tinguha sa pagpahimuot sa mga Judio, si Felix mibiya kang Pablo nga binilanggo.

Mga Buhat 25:9

Apan si Festo nga nagtinguha sa pagpahimuot sa mga Judio miingon kang Pablo, “Buot ba ikaw nga moadto sa Jerusalem, aron adto ikaw hukmi bahin niining mga sumbong sa akong atubangan?”

Roma 1:32

Kini sila, bisan nasayod sa balaod sa Dios nga ang naghimo niining maong mga butang angay nga patyon, wala lamang maghimo niini kondili miuyon usab kanila nga nagbuhat niini.

Deuteronomio 1:17

Ayaw kamo pagdapig sa inyong paghukom. Pamatia ninyo ang gagmay sama sa dagko. Ayaw kamo kahadlok sa nawong sa tawo kay ang paghukom iya sa Dios. Ug ang husayonon nga lisod alang kaninyo dad-a ninyo kanako ug pamation nako kini.’

Deuteronomio 16:19

Ayaw tuisa ang hustisya. Ayaw pagdapig ug mga tawo ug ayaw pagdawat ug suborno kay ang suborno nagbuta sa mga mata sa mga maalamon ug nagbalit-ad sa mga pulong sa mga matarong.

Deuteronomio 24:17

“Ayaw tuisa ang hustisya nga angay sa langyaw o sa mga wala nay amahan o kuhaon ang bisti sa biyuda ingon nga garantiya.

Josue 24:15

Ug kon dili kamo buot moalagad sa Ginoo, pagpili kamo niining adlawa kon kinsa ang inyong alagaran, ang mga dios ba nga gialagaran sa inyong katigulangan didto sa unahan sa Suba o ang mga dios ba sa mga Amorihanon nga ang yuta mao ang inyong gipuy-an. Apan alang kanako ug sa akong panimalay, mag-alagad kami sa Ginoo.”

1 Samuel 15:24

Unya si Saul miingon kang Samuel, “Ako nakasala kay ako nakalapas sa sugo sa Ginoo ug sa iyang mga pulong, tungod kay ako nahadlok sa katawhan ug nagtuman sa ilang tingog.

1 Samuel 15:9

Apan si Saul ug ang katawhan wala mopatay kang Agag ug sa labing maayo sa mga karnero ug sa mga baka ug sa mga pinatambok ug sa mga nating karnero ug sa tanan nga maayo, ug wala maglaglag ug hurot kanila, hinuon ang tanan nga tinamay ug walay pulos ilang gihurot paglaglag.