Exodo 23:15

Ang Biblia 2011

Himoa ninyo ang Kasaulogan sa Pan nga Walay Patubo sumala sa akong gisugo kaninyo. Magkaon kamo ug pan nga walay patubo sulod sa pito ka adlaw sulod sa gitakda nga panahon sa bulan sa Abib, kay niini migula kamo gikan sa Ehipto ug walay si bisan kinsa nga magpakita sa akong atubangan nga walay dala.

Cross References

Exodo 12:2

“Kining bulana mahimo nga sinugdan sa mga bulan alang kaninyo. Mahimo kini alang kaninyo nga unang bulan sa tuig.

Exodo 13:3

Si Moises miingon sa katawhan, “Hinumdomi ninyo kining adlawa nga migawas kamo sa Ehipto, gikan sa balay sa kaulipnan kay ang Ginoo mikuha kaninyo gikan niining dapita pinaagi sa kusog sa iyang kamot. Walay pan nga may patubo nga inyong kaonon.

Exodo 13:4

Niining adlawa, sa bulan sa Abib mibiya kamo.

Exodo 22:29

“Ayaw langana sa paghatag ang inyong mga halad gikan sa kadagaya sa inyong mga abot ug gikan sa mga inawas sa inyong mga pug-anan. “Ihatag ninyo kanako ang kamagulangan sa inyong mga anak.

Exodo 34:18

“Tumana ninyo ang Kasaulogan sa Pan nga Walay Patubo. Pito ka adlaw kamong magkaon ug pan nga walay patubo sumala sa gisugo nako kaninyo, sa panahon nga gitakda sa bulan sa Abib kay sa bulan sa Abib migawas kamo gikan sa Ehipto.

Exodo 34:20

Ang kamagulangan sa asno kinahanglan nga inyong lukaton pinaagi sa usa ka nating karnero o kon kini dili ninyo lukaton, balia ang liog niini. Ang tanang kamagulangan sa inyong mga anak nga lalaki kinahanglang inyong lukaton ug walay usa nga magpakita sa akong atubangan nga walay dala.

Levitico 23:10

“Sultihi ang katawhan sa Israel: Sa dihang mosulod na kamo sa yuta nga akong ihatag kaninyo ug mag-ani kamo sa abot niini, dad-a ninyo ngadto sa pari ang usa ka bangan sa unang mga bunga sa inyong pag-ani.

Miqueas 6:6

“Uban sa unsa man nga ako maodto sa atubangan sa Ginoo, ug moyukbo sa atubangan sa halangdon nga Dios? Moduol ba ako kaniya uban sa mga halad nga sunogon, ug uban sa mga nating baka nga tagsa ka tuig ang kagulangon?

Marcos 14:12

Sa unang adlaw sa Kasaulogan sa Pan nga Walay Patubo, sa diha nga naghalad sila sa karnero sa Pagsaylo, ang iyang mga tinun-an miingon kaniya, “Asa man kami nimo paadtoa sa paghikay aron ikaw mokaon alang sa pagsaulog sa Pagsaylo?”

Lucas 2:41

Unya ang iyang mga ginikanan mag-adtoan sa Jerusalem matag tuig, sa Kasaulogan sa Pagsaylo.

Lucas 22:7

Unya miabot ang adlaw sa Pan nga Walay Patubo, nga maoy pag-ihaw sa karnero alang sa Kasaulogan sa Pagsaylo.

Mga Buhat 12:3

Ug sa nakita niya nga kini nakapahimuot sa mga Judio, mipadayon siya sa pagdakop usab kang Pedro. Nahitabo kini sa mga adlaw sa Pan nga Walay Patubo.

Deuteronomio 16:16

“Sa makatulo sa usa ka tuig ang tanan ninyong mga lalaki kinahanglang magpakita sa atubangan sa Ginoo nga inyong Dios, sa dapit nga pilion niya: sa Kasaulogan sa mga Pan nga Walay Patubo, sa Kasaulogan sa mga Semana ug sa Kasaulogan sa mga Balongbalong. Ug kinahanglang dili sila magpakita nga walay dala sa atubangan sa Ginoo.

1 Samuel 6:3

Sila miingon, “Kon ipadala ninyo pagbalik ang sudlanan sa kasabotan sa Dios sa Israel, ayaw kini ipadala nga walay sulod, hinuon paniguroa nga ulian siya ug usa ka halad tungod sa paglapas. Unya kamo mangaayo ug mahibaloan ninyo ngano nga ang iyang kamot wala mobiya gikan kaninyo.”