Exodo 23:13

Ang Biblia 2011

Tagda ang tanan nakong gisulti kaninyo. Ug ayaw hisgoti ang ngalan sa ubang mga dios o ipadungog kini gikan sa inyong baba.

Cross References

Salmo 16:4

Kadtong magpili sa laing dios, magpadaghan sa ilang pag-antos dili nako ibubo ang ilang mga halad nga dugo, o litokon ang ilang mga ngalan sa akong mga ngabil.

Salmo 39:1

Ako miingon, “Bantayan nako ang akong mga pamaagi aron dili ako makasala pinaagi sa akong dila; sap-ongan nako ang akong baba samtang ang mga daotan anaa pa sa akong atubangan.”

Exodo 23:24

ayaw gayod pagyukbo sa ilang mga diosdios o mag-alagad kanila o magbuhat sumala sa ilang mga buhat, hinuon gub-a kini ug dugmoka ninyo ang ilang mga batong haligi.

Exodo 23:32

Kinahanglan nga dili kamo magbuhat ug kasabotan uban kanila o uban sa ilang mga diosdios.

Jeremias 10:11

Mao kini ang isulti ninyo kanila, “Ang mga diosdios nga wala magbuhat sa kalangitan ug sa yuta mangahanaw gikan sa yuta ug gikan sa ubos sa kalangitan.”

Oseas 2:17

Kay akong kuhaon ang mga ngalan sa mga Baal gikan sa iyang baba ug dili na hisgotan ang ilang mga ngalan.

Zacarias 13:2

“Ug nianang adlawa, nag-ingon ang Ginoo sa mga panon, puohon nako ang mga ngalan sa mga diosdios gikan sa yuta aron dili na sila mahinumdoman, ug papahawaon usab nako gikan sa yuta ang mga propeta ug ang hugaw nga espiritu.

Numeros 32:38

sa Nebo ug sa Baal-meon (ang mga ngalan niini gipangilisan) ug sa Sibma, ug gihatagan nila ug laing mga ngalan ang mga siyudad nga ilang gitukod.

Mga Taga-Efeso 5:12

Kay makauulaw man gani bisan ang paghisgot sa mga butang nga gibuhat nila sa tago;

Mga Taga-Efeso 5:15

Busa, pagbantay kamo pag-ayo sa inyong pagkinabuhi, dili ingon nga mga walay kaalam kondili ingon nga mga maalamon,

Deuteronomio 12:3

Ug gun-oba ninyo ang ilang mga halaran ug dugmoka ninyo ang ilang mga haliging bato ug sunoga ninyo sa kalayo ang ilang mga Asera ug dugmoka ninyo ang kinulit nga larawan sa ilang mga dios ug laglaga ninyo ang ilang ngalan gikan niadtong dapita.

Deuteronomio 4:15

“Busa bantayi ninyo pag-ayo ang inyong kaugalingon kay wala kamo makakita ug dagway niadtong adlawa nga ang Ginoo nakigsulti kaninyo didto sa Horeb gikan sa taliwala sa kalayo.

Deuteronomio 4:23

Pagmatngon kamo sa inyong kaugalingon kay tingali unya ug malimot kamo sa kasabotan sa Ginoo nga inyong Dios nga gibuhat niya uban kaninyo ug magbuhat kamo ug kinulit nga larawan sa dagway sa bisan unsa nga gidili kaninyo sa Ginoo nga inyong Dios.

Deuteronomio 4:9

“Pagmatngon lamang ug ampingi pag-ayo ang inyong kalag kay tingali unya ug malimot kamo sa mga butang nga nakita sa inyong mga mata, ug tingali unya ug mobulag sila sa inyong kasingkasing sa tanang mga adlaw sa inyong kinabuhi. Ipahibalo kini sa imong mga anak ug sa mga anak sa imong mga anak

Deuteronomio 6:1

“Karon mao kini ang kasugoan, ang mga lagda, ug mga tulumanon nga gisugo kanako sa Ginoo nga inyong Dios nga itudlo kaninyo aron buhaton ninyo kini didto sa yuta nga inyong adtoan aron sa pagpanag-iya niini,

1 Timoteo 4:16

Bantayi ang imong kaugalingon ug ang imong pagpanudlo. Padayon niini, kay sa imong pagbuhat niini maluwas nimo ang imong kaugalingon ug ang mga namati kanimo.

Mga Hebreo 12:15

Tan-awa ninyo nga walay si bisan kinsa nga mapakyas sa pagkab-ot sa grasya sa Dios, nga walay “gamot sa kapaitan” nga maghimo ug kasamok ug tungod niini, daghan ang mahugaw,

Josue 22:5

Pagmatngon lamang kamo sa pagtuman sa sugo ug sa Balaod nga gisugo kaninyo ni Moises nga alagad sa Ginoo, sa paghigugma sa Ginoo nga inyong Dios, ug sa paglakaw diha sa tanan niyang mga dalan, ug sa pagtuman sa iyang mga sugo, ug sa pagpabilin diha kaniya ug sa pag-alagad kaniya sa tibuok ninyong kasingkasing ug sa tibuok ninyong kalag.”

Josue 23:11

Busa pagmatngon kamo sa inyong kaugalingon nga higugmaon ninyo ang Ginoo nga inyong Dios.

Josue 23:7

aron dili kamo matipon niining mga nasod nga nahibilin sa taliwala ninyo o maghisgot sa mga ngalan sa ilang mga dios o manumpa pinaagi kanila o mag-alagad kanila o magyukbo sa inyong kaugalingon ngadto kanila.