Exodo 23:1

Ang Biblia 2011

“Ayaw pagsulti ug tinumotumo nga taho. Ayaw pagpakig-abin sa tawong daotan aron mahimong saksi nga bakakon.

Cross References

Genesis 39:17

Ug iyang gisugilon kang Potiphar ang mao gihapong sugilanon, “Ang ulipon nga Hebreo nga imong gidala dinhi kanamo misulod nganhi kanako aron sa pagpasipala kanako.

2 Samuel 16:3

Ug ang hari miingon, “Hain ang anak nga lalaki sa imong agalon?” Ug si Ziba miingon sa hari, “Nagpabilin siya didto sa Jerusalem kay siya miingon, ‘Niining adlawa iuli kanako sa balay sa Israel ang gingharian sa akong amahan.’ ”

2 Samuel 19:27

Iyang gibutangbutangan ang imong sulugoon ngadto sa akong agalon nga hari. Apan ang akong agalon nga hari sama sa usa ka anghel sa Dios, busa buhata ang bisan unsa nga maayo alang kanimo.

Salmo 101:5

Ang magbutangbutang sa iyang silingan diha sa tago laglagon nako. Ang mapahitas-on nga tinan-awan ug ang mapalabilabihon nga kasingkasing dili nako maantos.

Salmo 120:3

Unsa ba ang ihatag kanimo? Ug unsa pa ba ang buhaton kanimo, ikaw nga malimbongong dila?

Salmo 15:3

siya nga wala magbutangbutang pinaagi sa iyang dila, ug wala magbuhat ug daotan ngadto sa iyang higala, wala usab magpasipala batok sa iyang isigkatawo;

Salmo 27:12

Ayaw ako itugyan sa kabubut-on sa akong mga kaaway, kay ang mga saksi nga bakakon nakigbatok kanako, ug sila nagpangusmog kabangis.

Salmo 35:11

Ang daotang mga saksi namarog; nangutana sila kanako mahitungod sa mga butang nga wala nako mahibaloi.

Exodo 20:16

“Ayaw pagsaksi ug bakak batok sa imong isigkatawo.

Exodo 23:7

Palayo gikan sa usa ka bakak nga sumbong ug ayaw patya ang walay sala ug ang matarong kay dili ko gayod palingkawason ang daotan.

Mga Panultihon 10:18

Siya nga nagtago sa pagdumot adunay bakakon nga mga ngabil, ug siya nga nagsulti ug usa ka butangbutang usa ka buangbuang.

Mga Panultihon 12:17

Siya nga nagsulti sa kamatuoran naghatag ug matuod nga kamatuoran, apan ang usa ka bakakon nga saksi nagsulti ug limbong.

Mga Panultihon 14:5

Ang kasaligan nga saksi dili mamakak, apan ang bakakon nga saksi magsulti ug mga bakak.

Mga Panultihon 17:4

Ang tigbuhat ug daotan mamati sa daotang mga ngabil; ug ang usa ka bakakon mamati sa usa ka dila nga makalaglag.

Mga Panultihon 19:28

Ang usa ka walay hinungdan nga saksi magbiaybiay sa katarongan ug ang baba sa daotan maglamoy sa kasal-anan.

Mga Panultihon 19:5

Ang usa ka bakakon nga saksi dili mahimo nga dili silotan, ug siya nga magsulti ug mga bakak dili makaikyas.

Mga Panultihon 19:9

Ang usa ka bakakon nga saksi dili mahimo nga dili silotan, ug siya nga magsulti ug bakak malaglag.

Mga Panultihon 21:28

Ang usa ka bakakon nga saksi malaglag, apan ang pulong sa tawo nga namati molungtad sa dayon.

Mga Panultihon 24:28

Ayaw pagsaksi batok sa imong silingan sa walay hinungdan, ug ayaw paglimbong pinaagi sa imong mga ngabil.

Mga Panultihon 25:18

Ang usa ka tawo nga nagsaksi ug bakak batok sa iyang isigkatawo sama sa usa ka puspos o espada o sa talinis nga udyong.

Mga Panultihon 25:23

Ang hangin sa amihan magdala ug ulan; ug ang tiglibak nga dila, masuk-anon nga panagway.

Mga Panultihon 6:19

usa ka bakakon nga saksi nga nagsulti ug mga bakak, ug usa ka tawo nga nagpugas ug kasamok diha sa mga kaigsoonan.

Jeremias 20:10

Kay ako nakadungog ug daghang mga hagawhaw. Kalisang anaa sa tanang dapit! “Isumbong siya! Isumbong nato siya!” nag-ingon ang tanan nakong mga suod nga higala, nga nagbantay sa akong pagkapukan. “Basin ug malingla siya, ug mabuntog nato siya, ug makapanimalos kita kaniya.”

Levitico 19:11

“Ayaw kamo pangawat o paglimbong o pagbinakakay sa usa ug usa kaninyo.

Levitico 19:16

Ayaw pagsuroysuroy aron manglibak taliwala sa imong katawhan, o manghimaraot batok sa dugo sa imong isigkatawo. Ako mao ang Ginoo.

Mateo 19:18

Siya miingon kaniya, “Unsang sugoa?” Ug si Jesus miingon, “Ayaw pagpatay, Ayaw panapaw, Ayaw pangawat, Ayaw pagsaksi ug bakak,

Lucas 19:8

Ug si Zaqueo mitindog ug miingon sa Ginoo, “Tan-awa, Ginoo, ang katunga sa akong katigayonan ihatag nako sa mga kabos, ug kon aduna man kanilay akong gilimbongan ug bisan unsa, ulian nako siya sa upat ka pilo.”

Lucas 3:14

Ang mga sundalo usab nangutana kaniya, “Ug kami, unsa may among buhaton?” Siya miingon kanila, “Ayaw na kamo panulis o magbutangbutang, ug kinahanglang matagbaw kamo sa inyong mga suhol.”

Juan 7:51

“Maghukom ba diay ang atong balaod ug usa ka tawo aron silotan bisan ug wala pa siya mapaminaw ug masayran unsa ang iyang nabuhat?”

Roma 3:8

Ug nganong dili man hinuon kita moingon, sumala sa gipamasangil sa uban nga kita nag-ingon, “Buhaton nato ang daotan aron mosangpot ang maayo”? Kining mga tawhana angay gayong silotan.

Mga Taga-Efeso 4:25

Tungod niini, sa mahukas na ninyo ang bakak, ang matag usa kaninyo kinahanglang magsulti sa kamatuoran ngadto sa iyang isigkatawo, kay kita mga bahin man sa usa ug usa.

Deuteronomio 5:20

“ ‘Ayaw usab kamo pagsaksi ug bakak batok sa inyong isigkatawo.

2 Timoteo 3:3

walay pagbati, walay kaluoy, tigbutangbutang, mapatuyangon, bangis, madinumtanon sa maayo,

1 Pedro 3:16

Hinuon buhata ninyo kini uban sa kalumo ug pagtahod, ug pagbaton kamo ug hinlo nga tanlag aron nga sa dihang magsulti sila ug daotan kaninyo, maulawan hinuon sila nga nagbugalbugal sa inyong maayong kagawian diha kang Cristo.

Gipadayag 12:10

Ug usa ka kusog nga tingog didto sa langit akong nadungog nga nag-ingon, “Karon miabot na ang kaluwasan ug ang gahom ug ang gingharian sa atong Dios ug ang kagahom sa iyang Cristo, kay gikatambog na ang tigsumbong batok sa atong kaigsoonan, siya nga sa adlaw ug sa gabii mao ang nagsumbong batok kanila sa atubangan sa atong Dios.