Exodo 22:4

Ang Biblia 2011

Kon ang kinawat nga mananap makaplagan nga buhi diha sa iyang kamot, baka man o asno o karnero, kinahanglang magbayad siya ug duha ka pilo.

Cross References

Exodo 21:16

“Si bisan kinsa nga mangdagit ug tawo, ibaligya man kini niya o nakaplagan nga diha sa iyang mga kamot, kinahanglan nga patyon.

Exodo 22:1

“Kon ang usa ka tawo mangawat ug baka o karnero ug ihawon niya kini o ibaligya, kinahanglan nga mobayad siya ug lima ka baka alang sa usa ka baka, ug upat ka karnero alang sa usa ka karnero. Ang kawatan mag-uli sa hingpit gayod, kon wala gayod siyay mahimo, ibaligya siya alang sa iyang nakawat.

Exodo 22:5

“Kon ang usa ka tawo maoy makaingon sa uma o parasan nga masibsiban o magbuhi sa iyang hayop ug kini makasibsib sa uma sa uban, kinahanglan nga bayran niya kini gikan sa labing maayo sa iyang uma ug sa labing maayo sa iyang parasan.

Exodo 22:7

“Kon ang usa ka tawo magtugyan ug salapi o katigayonan ngadto sa iyang isigkatawo aron patipigan, unya kawaton kini diha sa balay niadtong tawhana, kon ang kawatan masakpan, kinahanglang mobayad siya ug duha ka pilo.

Exodo 22:9

“Kay ang tanang matang sa paglapas sa pagsalig mahitungod sa baka, sa asno, sa karnero, sa bisti o mahitungod sa bisan unsang butang nga nawala, nga adunay moingon, “Mao kini,” ang kaso sa duha ka tawo kinahanglang dad-on sa atubangan sa Dios ug siya nga hukman sa Dios kinahanglang mobayad ug duha ka pilo ngadto sa iyang isigkatawo.

Mga Panultihon 6:31

Apan kon siya madakpan, mobayad siya ug pito ka pilo; ihatag niya ang tanan niyang kabtangan sa iyang balay.

Isaias 40:2

Sulti nga malumo sa Jerusalem ug hilak ngadto kaniya, nga ang iyang panahon sa gubat natapos na, nga ang iyang kasal-anan gipasaylo na, nga siya nakadawat ug duha ka pilo gikan sa kamot sa Ginoo tungod sa tanan niyang mga sala.

Jeremias 16:18

Ug baslan nako sa makaduha ang ilang kalapasan ug ang ilang sala tungod kay ilang gihugawhugawan ang akong yuta pinaagi sa mga walay kinabuhi nga lawas sa ilang mga diosdios nga luod, ug ilang gipuno ang akong panulundon sa ilang mga dulumtanan.”

Levitico 6:5

o bisan unsang butang nga iyang gipanumpaan ug bakak, iuli niya ang tanan ug iyang dugangan sa ikalima nga bahin sa bili niini ug ang tag-iya bayran niya sa adlaw nga nasakpan siya nga nakasala.

Gipadayag 18:6

Pahamtangi ninyo siya sama sa iyang pagpahamtang ug balosi siya ug duha ka pilo sa iyang mga binuhatan: sa kupa nga iyang gisagolan, pagsagol kamo ug duha ka pilo alang kaniya.

1 Samuel 12:5

Ug siya miingon ngadto kanila, “Ang Ginoo saksi batok kaninyo ug ang iyang dinihogan maoy saksi niining adlawa nga kamo wala makakita ug bisan unsa sa akong kamot.” Ug sila miingon, “Siya saksi.”